Jeremiya 25:31 - Siswati 1996 Bible

³¹ Sidvumo siyawuhokoma sivakale nasemikhawulweni yemhlaba, ngobe Simakadze tive uyawutibeka emacala, uyakwehlulela bonkhe bantfu, lababi abalalise phansi ngenkemba,’ ” kusho Simakadze.

Jeremiya 25:31 Referencias Cruzadas

Isaya 33:3

Ngekubhavumula kweliphimbo lakho, tive tiyabaleka; nawuphakama wena, tive tiyasakateka.

Isaya 34:2

Simakadze utitfukutselele tonkhe tive; intfukutselo yakhe isetikwawo onkhe emabutfo ato. Uyakuwabhubhisa onkhe awacedze, awanikele kutsi agwazwe.

Isaya 34:8

Ngobe Simakadze unelilanga lekuphindzisela, umnyaka wekubuyisela ngenca yendzaba yaseSiyoni.

Isaya 66:16

Ngobe uyakwehlulela bonkhe bantfu ngemlilo nangenkemba; labo lababulewe nguSimakadze bayawuba banyenti.

Jeremiya 2:35

wena utsi: ‘Angati lutfo; akangitfukutseleli.’ Kodvwa mine ngitakwehlulela, ngobe utsi: ‘Angikoni lutfo.’

Jeremiya 23:19

Buka la, sivunguvungu saSimakadze sitawubhamuka ngelulaka lwakhe, siwunguwungwana lesihhushako sehlele etinhloko talababi.

Jeremiya 45:5

Pho, ungatifunela yini wena tintfo letinkhulu? Ungatifuni. Ngobe ngiyakwehlisela inhlekelele etikwabo bonkhe bantfu, kodvwa wena nome ngukuphi lapho uya khona, ngiyawukwenta uphunyule kanye nemphilo yakho, kusho Simakadze.’ ”

Hezekeli 30:3

Ngobe lilanga selisedvute, lilanga laSimakadze selisondzele, lilanga lemafu, sikhatsi sekubhubha kwetive.

Hezekeli 38:22

Ngiyawukhipha sigwebo sesifo lesibulalanako nesekucitseka kwengati; ngiyakwehlisela sihhuhhula semvula lenesangcotfo nesibabule lesivutsako etikwakhe nasetikwemabutfo akhe, nasetikwetive letinyenti letikanye naye.

Hoseya 12:2

Simakadze ubeka Juda licala, utawujezisa Jakobe njengekwetindlela takhe, amkhokhele ngangekwemisebenti yakhe.

Hoseya 4:1

Vanini livi laSimakadze, nine ma-Israyeli, ngobe Simakadze usenelicala latanibeka lona, nine lenihlala kulelive, utsi: “Kute kwetsembeka, kute lutsandvo, kute kuphakamisa Nkulunkulu eveni.

Joweli 3:2

ngiyawubutsa tonkhe tive ngitehlisele eSigodzini sakaJehoshafati. Lapho-ke ngulapho ngiyawutehlulela khona ngenca yelifa lami, sive sami saka-Israyeli, ngobe tasakata sive sami, tasifaka kuto tonkhe tive, talidzabudzabula live lami.

Mikha 6:2

Nine tintsaba, nani tisekelo taphakadze temhlaba lalelani licala lelibekwa nguSimakadze! Simakadze ubeka sive sakhe licala. Utsi sive sakhe, lesingu-Israyeli, sinelicala.”