Jeremiya 25:30 - Siswati 1996 Bible

³⁰ “Nyalo-ke phrofetha kubo onkhe lamavi lamelana nabo, utsi: “ ‘Simakadze uyawubhavumula asetulu, livi lakhe uyawuliphakamisa asendzaweni yakhe lengcwele, uyawubhavumula ngemandla emelane nelive lakhe. Uyawumemeta njengalabahluta emagelebisi, amemete emelane nabo bonkhe labahlala emhlabeni.

Jeremiya 25:30 Referencias Cruzadas

2 Samuweli 15:25

Inkhosi yakhuluma kuSadoki, yatsi: “Tsatsani lelibhokisi lesivumelwane nilibuyisele edolobheni. Nangitfole umusa emehlweni aSimakadze, utangibuyisa, angivumele ngiphindze ngilibone, kanye nendzawo lapho lihlala khona.

1 Emakhosi 9:3

Simakadze wakhuluma kuye, watsi: “Ngiwuvile umthandazo wakho nekuncenga kwakho lokwente kimi; lelithempeli lolakhile sengilingcwelisile, ngekutsi ngibeke Libito lami lapho kulo phakadze naphakadze. Emehlo ami nenhlitiyo yami kuyawuhlala kulapho kulo ngaso sonkhe sikhatsi.

2 Tikhronike 30:27

Baphristi nemaLevi bema babusisa sonkhe sive, naNkulunkulu wabeva, ngobe umthandazo wabo wafinyelela ezulwini, endzaweni yakhe lengcwele lahlala kuyo.

Tihlabelelo 11:4

Simakadze usethempelini lakhe lelingcwele, sihlalo sebukhosi saSimakadze sisezulwini, emehlo akhe ayacaphela, emehlo akhe avivinya bantfu emhlabeni.

Tihlabelelo 132:14

“Lena yindzawo yami yekuphumula, ngiyawuhlala kuyo phakadze naphakadze; lena yindzawo lengifuna kuyibusa.

Tihlabelelo 46:6

Tive tiyavungama, imibuso iyatamatama; uvakalisa livi lakhe, umhlaba uncibilike.

Tihlabelelo 58:5

entela kungaliva liphimbo lalabenta imilingo, nome-ke sebalumba emalumbo ngekuhlakanipha.

Tihlabelelo 78:65

Simakadze, Nkulunkulu, wavuka, njengalophaphama ebutfongweni, nanjengesichwaga lebesesehlulwe tjwala.

Isaya 16:9

Ngako ngiyakhala, njengobe kukhala iJaseri, ngikhalela imivini yaseSibima. Awu! Heshboni, nawe Eleyale, nginenye etinyembetini! Kumemeta kwenjabulo ngetitselo tenu lesetivutsiwe kuthulisiwe, kwabindziswa nenjabulo ngetivuno tenu.

Isaya 33:3

Ngekubhavumula kweliphimbo lakho, tive tiyabaleka; nawuphakama wena, tive tiyasakateka.

Isaya 42:13

Simakadze utawushuca njengendvodza lenemandla, njengelisotja uyawuchukuluta inshisekelo yakhe; uyawumemeta ahlabe inyandzaleyo, titsa takhe atehlule.

Jeremiya 17:12

Sihlalo lesicwebetelako sebukhosi lesaphakanyiswa kusukela ekucaleni, yindzawo yetfu lengcwele.

Jeremiya 25:38

Njengelibhubesi umelusi uyawuphuma ashiye umhume wakhe, live labo liyawusala likhala libhungane ngenca yenkemba yemcindzeteli, nangenca yelulaka lolwesabekako lwaSimakadze.

Jeremiya 48:33

Kutsakasa nenjabulo sekusukile emahlatsini etitselo nasemasimini akaMowabi. Ngikumisile kugeleta kweliwayini ematjeni ekuhlutela, kute nalosawagcobagcoba ngekumemeta kwenjabulo. Nome-ke kukhona lokumemeta, kodvwa akusiko kwenjabulo.

Hoseya 11:10

Bayawulandzela Simakadze; uyawubhodla njengelibhubesi. Nakabhodla, bantfwabakhe bayawuta batfutfumela, bachamuka ngasenshonalanga.

Hoseya 5:14

Ngobe ngiyawuba njengelibhubesi ku-Efrayimu, ngifanane nelibhubesi lelikhulu kuJuda. Ngiyawubadzabudzabula babe ticucu, ngisuke lapho ngibashiye. Ngiyawubetfwala ngibesuse, kubete nalobalamulelako.

Joweli 3:16

Simakadze utawubhodla aseSiyoni, abhavumule eJerusalema, umhlaba nesibhakabhaka kutfutfumele. Kodvwa Simakadze utawuba siphephelo esiveni sakhe, abe yinqaba yesive saka-Israyeli.

Amose 1:2

Amose wakhuluma watsi: “Simakadze uyabhodla eSiyoni, yebo, Simakadze uyabhavumula aseJerusalema, emadlelo ebelusi ayoma, nesicongo sentsaba iKhameli siyabuna.”

Amose 3:8

Nakubhodla libhubesi, ngubani longahlala angesabi? INkhosi Simakadze seyikhulumile, ngubani longahlala angaphrofethi?

Zakhariya 2:13

“Thulani embikwaSimakadze, nonkhe nine bantfu bemhlaba, ngobe sewuvukile waphuma endzaweni yakhe lengcwele.”

Dutheronomi 26:15

Buka phansi usezulwini endzaweni yakho yekuhlala lengcwele. Busisa sive sakho sema-Israyeli kanye nelive lowasipha lona, njengobe waletsembisa ngesifungo kubokhokho betfu, live leligcwele lubisi neluju lwetinyosi.’ ”

Sembulo 19:15

Emlonyeni wakhe kuphuma inkemba lekhaliphako latawushaya tive ngayo, uyawutibusa ngesandla lesimatima. Uyawunyatsela litje lesikhamo seliwayini. Leliwayini liyintfukutselo yelulaka lwaNkulunkulu Somandla.