Jeremiya 25:3 - Siswati 1996 Bible

³ Iminyaka lengema-23, kusukela emnyakeni weli-13 wekubusa kwaJosaya, umsa wa-Amoni, inkhosi yakaJuda, kuze kube ngulamuhla, livi laSimakadze belifika kimi, nami ngilikhulume kini emaphindzephindze, kodvwa anizange senilalele.

Jeremiya 25:3 Referencias Cruzadas

Genesisi 22:3

Ngakusasa ekuseni ngeluvivi, Abrahama wavuka, wabophela imbongolo yakhe, watsatsa tisebenti takhe taba timbili kanye nendvodzana yakhe Isaka. Wakabha tinkhuni temhlatjelo labetawufike awushise, besuka bahamba baya kuleyo ndzawo Nkulunkulu labemlayele yona.

1 Emakhosi 22:3

Ahabi, inkhosi yaka-Israyeli, bese iyale tindvuna tayo yatsi: “Anati yini kutsi iRamothi Gileyadi yakitsi, kodvwa kuze kube ngunyalo, kute lutfo lolwentiwe kuze siyitsatse etandleni tenkhosi yaseSiriya?”

2 Emakhosi 17:13

Simakadze abebayalile baka-Israyeli nebakaJuda ngabo bonkhe baphrofethi nebaboniswa bakhe, watsi: “Phendvukani etindleleni tenu letimbi. Nakekelani imiyalo yami netimiso tami, mayelana nawo wonkhe umtsetfo lengayala ngawo boyihlomkhulu kutsi bawulalele, nalengawetfula kini ngetinceku tami baphrofethi.”

2 Tikhronike 24:19

Kwala nome Nkulunkulu asatfumela baphrofethi kulesive sakhe basiyala kutsi sibuyele kuye, nome babebacwayisa ngetindlela letehlukene, kodvwa abazange babalalele.

2 Tikhronike 34:1

Josaya abeneminyaka lesiphohlongo budzala, nakabekwa kuba yinkhosi. Wabusela eJerusalema iminyaka lengema-31.

2 Tikhronike 34:3

Kwatsi ngemnyaka wesiphohlongo wekubusa kwakhe, asesemncane impela, wacala wafunisisa Nkulunkulu weyisemkhulu Davide. Kwatsi ngemnyaka weli-12 wacala kuhlambulula lakaJuda nelaseJerusalema, wesusa tonkhe tindzawo letiphakeme tekukhontela tithico, netinsika ta-Ashera, netithico letibatiwe, netitfombe letibunjiwe.

2 Tikhronike 34:8

Ngemnyaka weli-18 wekubusa kwaJosaya, asahlambulula live kanye nelithempeli, watfumela boShafani, umsa wa-Asaliya, naMaseya, umphatsi welidolobha, banaJowa, umsa waJowahazi, labengulobhalisako, kutsi abavusetele lithempeli laSimakadze Nkulunkulu wakhe.

2 Tikhronike 36:15

Simakadze Nkulunkulu waboyisemkhulu watfumela livi kubo ngetitfunywa takhe emahlandla lamanyenti, ngobe abebadzabukela bantfu bakhe nendzawo yakhe yekuhlala.

Tihlabelelo 81:13

Maye, kube sive sami siyangilalela na-Israyeli ahambe etindleleni tami!

Eksodusi 8:20

Simakadze wakhuluma kuMosi, watsi: “Vuka ekuseni ngeluvivi, umele Faro nakaya emfuleni, ufike kuye utsi: ‘Simakadze utsi: Khulula bantfu bami bahambe, khona batewungikhonta.

Isaya 55:2

Niyicitselani imali kuloko lokungesiso sinkhwa? Niyisebentelani intfo lengenelisi? Lalelani, lalelani kimi, nidle loko lokulungile, nemphefumulo wenu uyawujabula ngekudla lokumnandzi kakhulu.

Jeremiya 1:2

Livi laSimakadze lefika kuye emnyakeni weli-13 wekubusa kwaJosaya, umsa wa-Amoni, inkhosi yakaJuda;

Jeremiya 11:7

Kusukela ngesikhatsi lengakhipha ngaso bokhokho benu eGibhithe kuze kube ngulamuhla, ngangibayala njalo nje, ngitsi: Ngilaleleni.

Jeremiya 19:15

“Naku lokushiwo nguSimakadze longuSomandla, Nkulunkulu wema-Israyeli, utsi: ‘Lalelani! Ngitatehlisela kulelidolobha nakuto tonkhe tabelo talo, tonkhe tehlakalo lengitimemetelele ngabo, kumelana nabo, ngobe babe nenkhani, bangete bawalalela emavi ami.’ ”

Jeremiya 22:21

Ngakwecwayisa ngesikhatsi usativela uphephile, kodvwa wena watsi: ‘Ngingeke ngilalele!’ Lena bekunguyona ndlela yakho kusukela kwasebusheni bakho, awuzange ungilalele.

Jeremiya 25:4

Lite nome Simakadze asanitfumelele tonkhe tinceku takhe baphrofethi emaphindzephindze, anikalaleli, futsi aninakanga nekunaka.

Jeremiya 26:5

futsi naningawalaleli emavi etinceku tami, baphrofethi, lengititfumele kini emaphindzephindze, nine solomane ningalaleli,

Jeremiya 29:19

Simakadze utsi: ‘Ngobe abakawalaleli emavi ami, emavi lengangibatfumelela wona njalonjalo ngetinceku tami baphrofethi; nani nine batfunjwa, nani anikangilaleli,’ kusho Simakadze.

Jeremiya 32:33

Bangifulatsela bangete bangibuka, lite nome ngangibafundzisa njalonjalo, abazange balalele, futsi abazange bakunake nekukunaka kujezisa kwami.

Jeremiya 35:14

Jonadabi, umsa waRekhabi, wayala emadvodzana akhe kutsi angalinatsi liwayini, lowo myalo awugcinile. Kuze kube ngulamuhla akalinatsi liwayini, ngobe ahlonipha umyalo wakhokho wawo. Kodvwa mine sengikhulume kini emaphindzephindze, kodvwa nine anikangilaleli.

Jeremiya 35:15

Ngatfumela kini tonkhe tinceku tami baphrofethi emaphindzephindze. Babetsi: “Ngulowo nalowo kini kufanele atiyekele tindlela takhe letimbi, nijikise imihambo yenu. Ningacali nilandzele labanye bonkulunkulu kutsi nibakhonte. Nanenta njalo-ke, niyawuhlala kulelive lengalipha nine naboyihlo.” Kodvwa anikanginaki, futsi anikangilaleli.

Jeremiya 36:1

Ngemnyaka wesine waJehoyakimu, umsa waJosaya, inkhosi yakaJuda, kwefika nali livi kuJeremiya livela kuSimakadze, litsi:

Jeremiya 36:2

“Tsatsa incwadzi legocotwako ubhale kuyo onkhe emavi lengiwakhulumile kuwe mayelana na-Israyeli naJuda kanye nato tonkhe letinye tive, kusukela esikhatsini lengacala ngaso kukhuluma kuwe, ekubuseni kwenkhosi Josaya, kuze kube ngunyalo.

Jeremiya 44:4

Nganitfumelela tinceku tami baphrofethi emaphindzephindze letatitsi: ‘Ningayenti lentfo lesinengiso kimi.’

Jeremiya 7:13

Ngesikhatsi nenta tonkhe letintfo, bengikhuluma kini njalonjalo ngaletintfo, kodvwa anikangilaleli; nginibitile, kodvwa anikasabeli, kusho Simakadze.

Jeremiya 7:25

Kusukela ngesikhatsi lekwaphuma ngaso boyihlomkhulu eveni laseGibhithe, kuze kube ngunyalo, benginitfumelela tinceku tami baphrofethi lilanga ngelilanga njalo nje.

Hezekeli 33:4

nangabe lomunye ayiva lempalampala kodvwa angasinaki lesecwayiso, inkemba ize ifike imbulale, ingati yakhe iyawubasenhloko yakhe.

Zakhariya 1:4

Ningafanani nabokhokho benu, lekwatsi baphrofethi bakucala nabakhuluma kubo, batsi: Naku lokushiwo nguSimakadze longuSomandla, utsi: ‘Phendvukani etindleleni tenu letimbi nakulokubi lenikwentako.’ Kodvwa abazange bangilalele, futsi abanginakanga nekunginaka, kusho Simakadze.

Makho 1:35

Ekuseni kusemnyama kakhulu Jesu wavuka wahamba, waphumela ngephandle kwelidolobha waya ehlane, lapho afike wathandaza khona.

Johane 8:2

Ekuseni ngeluvivi wabuya weta ethempelini. Bantfu bonkhe beta kuye; wase uhlala phansi uyabafundzisa.

Johane 8:47

“Umuntfu lowaNkulunkulu uyaweva emavi aNkulunkulu, ngiko nje nine ningeva, ngobe anisibo baNkulunkulu.”

2 kuThimothi 4:2

Shumayela livi, ulimele nome tikhatsi tivuma nome tingavumi; sola, ucwayise, uyale ngako konkhe kubeketela nekufundzisa.