Jeremiya 25:28 - Siswati 1996 Bible

²⁸ Kodvwa nangabe bayala kutsatsa lenkomishi esandleni sakho banatse, batjele utsi: ‘Naku lokushiwo nguSimakadze Somandla, utsi: Kufanele niyinatse!

Jeremiya 25:28 Referencias Cruzadas

Jobe 34:33

Nkulunkulu angakuvuza yini njengekutsandza kwakho, nawala kuphendvuka? Nguwe lokufanele ukhiphe sincumo, akusimi, ngako-ke, ngitjele loko lokwatiko.

Jeremiya 25:17

Ngako ngatsatsa lenkomishi esandleni saSimakadze nganatsisa tonkhe letive Simakadze labengitfumele kuto:

Jeremiya 27:8

“ ‘ “Noko nome ngabe ngusiphi sive nome-ke ngumuphi umbuso longayiwukhonta Nebukhadnezari, inkhosi yaseBhabhulona, ungagobisi inhloko yawo ejokweni lakhe, ngiyawusijezisa leso sive ngenkemba, nangendlala, nangesifo lesibulalanako, ngize ngisibhubhise ngesandla sakhe, kusho Simakadze.

Jeremiya 4:28

Ngako-ke umhlaba utawulila, nemazulu ngetulu agucuke abe mnyama, ngobe sengikhulumile, futsi ngingeke ngibuye ngigucuke, sengincumile, futsi ngingeke ngijike.”

Jeremiya 49:12

Naku lokushiwo nguSimakadze, utsi: “Nangabe labo labangakafaneli kunatsa kulendzebe, kumelwe bayinatse, kudzingeke ngani-ke kutsi wena ungajeziswa? Ungeke uhlale ungajeziswa, kufanele nawe uyinatse.

Jeremiya 51:29

Live liyatfutfumela ligidzitele, ngobe injongo yaSimakadze ngeBhabhulona imile, kutsi abhubhise live laseBhabhulona, kuze kutsi kubete namunye longahlala kulo.

Danyela 4:35

Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’

Obadiya 1:16

Njengobe nawe wanatsa indzebe yekujezisa kwami entsabeni yami lengcwele, netive tonkhe tiyawuyinatsa khona siphelane; tiyawunatsa, tinatse kuze kube shangatsi atizange setibe khona.”

Imisebenti yebaPhostoli 4:28

Bahlangana benta konkhe loko, wena ngemandla nentsandvo yakho, wawuvele ukumisenchanti kutsi kwenteke.

Kubase-Efesu 1:11

Nkulunkulu wasikhetsanchanti ngaye kutsi sibe lifa lakhe, yena lowenta konkhe ngekwentsandvo yakhe.