Jeremiya 25:22 - Siswati 1996 Bible

²² onkhe emakhosi aseThire naseSidoni; emakhosi langaselugwini ngesheya kwelwandle;

Jeremiya 25:22 Referencias Cruzadas

Isaya 23:1

Leli livi lesembulo lelimacondzana neThire lelitsi: Lilani, nine mikhumbi yaseThashishi, ngobe iThire seyibhujisiwe, yasala ite indlu nome sikhumulo. Nivile ngalombiko ngesikhatsi nibuya eSiphrosi.

Isaya 23:15

Ngaleso sikhatsi iThire iyawukhohlakala iminyaka lengema-70, sikhatsi lesingangekuphila kwenkhosi. Kodvwa ekupheleni kwaleminyaka lengema-70, iThire iyawuba njengengwadla kulengoma letsi:

Isaya 23:4

Bani nemahloni, wena Sidoni, bani nemahloni, nawe nqaba yaselwandle, ngobe lwandle selukhulumile lwatsi: “Angikaze ngibe nemhelo, kantsi futsi angikaze ngitale umntfwana. Angizange ngikhulise emadvodzana, nemadvodzakati futsi angizange ngiwakhulise.”

Jeremiya 27:3

bese utfumela lawa lamanye kanye nelivi enkhosini yaka-Edomu, neyakaMowabi, neyaka-Amoni, neyaseThire, neyaseSidoni ngemancusa lefike eJerusalema kuSedekiya, inkhosi yakaJuda.

Jeremiya 31:10

“Vanini livi laSimakadze, nine tive; limemeteleni etichingini letikhashane, nitsi: ‘Lowo lowasakata Israyeli uyawumbutsa futsi, uyakwelusa umhlambi wakhe njengemelusi.’

Jeremiya 47:4

Ngobe lilanga lona selifikile lekubhubhisa onkhe emaFilisti, nekubhubhisa nekucedza bonkhe labayinsali lababengasita iThire neSidoni. Simakadze sewutawabhubhisa emaFilisti, imisalela yalabo labaphuma eKhrethe.

Hezekeli 27:27

Bunjinga bakho, netimphahla takho tekutsengiswa, nematilosi akho, nebashayei bakho bemikhumbi, nebalungisi bemikhumbi, nebahwebi bakho, nawo onkhe emasotja akho, nabo bonkhe labanye labasemikhunjini bayawushona phansi ekhatsi emajukujukwini elwandle, mhlazana kubhidlika umkhumbi wakho.

Hezekeli 28:1

Kwefika livi laSimakadze kimi, latsi:

Hezekeli 28:20

Kwefika livi laSimakadze kimi, latsi:

Hezekeli 28:21

“Ndvodzana yemuntfu, bhekisa buso bakho ngaseSidoni; uphrofethe umelane nayoy,

Hezekeli 29:18

“Ndvodzana yemuntfu, Nebukhadnezari, inkhosi yaseBhabhulona, washucisa emabutfo akhe kamatima wahlasela iThire; tonkhe tinhloko tasingwa taba tincacadvu, nawo onkhe emahlombe abo aba nesikofu. Noko yena kanye nemabutfo akhe abazange babuyelwe lutfo ngalomkhankhaso labawenta ngekuhlasela iThire.

Hezekeli 32:30

“Tonkhe tiphatsimandla tasenyakatfo nabo bonkhe baseSidoni balapho; behlela phansi kanye nalabagwaziwe bahlazekile, lite nome kwase kunekwesaba lokwase kubangwe ngemandla abo. Balele bangakasokwa kanye nalabo lababulewe ngenkemba, betfwala lihlazo labo kanye nalabo labehlela emgodzini.

Hezekeli 39:6

Ngiyawutfumela umlilo kuMagogi, nakulabo labahlala bavikelekile emaveni lagudla lwandle, bayawukwati kutsi mine nginguSimakadze.