Jeremiya 25:10 - Siswati 1996 Bible

¹⁰ Imisindvo yekujabula nekutfokota ngiyawuyisusa kubo, ngisuse nemaphimbo abomakoti nemyeni, nemsindvo wematje ekusila kanye nekukhanya kwesibane.

Jeremiya 25:10 Referencias Cruzadas

Esta 3:13

Kwaphuma emancusa agijimisa lesatiso kuwo onkhe emave embuso. Lesimemetelo sasebukhosini sasatisa kutsi ngalanga linye, lilanga leli-13 enyangeni ya-Adari, onkhe emaJuda, labancane nalabadzala, bafati nebantfwana kufanele babulawe. Kufanele babhujiswe ngaphandle kwesihawu, timphahla tabo tidliwe.

Esta 7:4

Mine nesive sakitsi sitsengisiwe kutsi sibulawe size sife sonkhe siphele. Kube mane bekutsengiswe ngatsi kutsi simane sibe tigcili netigcilikati ngabe ngithulile, ngobe angiboni kutsi loko singaze sikwetfwese inkhosi; kodvwa sitawubhujiswa sonkhe!”

Esta 8:11

Letincwadzi tatichaza kutsi inkhosi seyinike onkhe emaJuda kuwo onkhe emadolobha kutsi abe nelilungelo lekutivikela. Banikwa nelilungelo kutsi bativikele nabahlaselwa titsa nome kukuliphi live lalombuso, balwe naleto titsa, babulale bafati bato nebantfwabato, nakwenteka baticedze tonkhe badle ngisho netimphahla tato.

Isaya 47:2

Tsatsa ematje ekusila, usile fulaha, yembula liveyili lakho. Phakamisa tidvwaba takho, uhlubule imilente yakho, wewele udzabule imifula.

Jeremiya 16:9

Ngobe naku lokushiwo nguSimakadze longuSomandla, Nkulunkulu wema-Israyeli, utsi: ‘Ngiyakwehlisela siphetfo, embikwemehlo enu nasemihleni yenu, siphetfo semisindvo yekujabula neyentfokoto, liphimbo lamakoti nelemyeni kulendzawo.’

Jeremiya 48:33

Kutsakasa nenjabulo sekusukile emahlatsini etitselo nasemasimini akaMowabi. Ngikumisile kugeleta kweliwayini ematjeni ekuhlutela, kute nalosawagcobagcoba ngekumemeta kwenjabulo. Nome-ke kukhona lokumemeta, kodvwa akusiko kwenjabulo.

Jeremiya 7:34

Ngiyawucedza imisindvo yekujabula neyekutsakasa, ngicedze neliphimbo lemyeni nelamakoti emadolobheni akaJuda nasetitaladini taseJerusalema, ngobe lelive liyawusala likhala libhungane.’ ”

Sililo 5:15

Injabulo iphelile etinhlitiyweni tetfu; kugidza kwetfu kwenjabulo sekugucuke kwaba sililo.

Hezekeli 26:13

Ngiyakuticedza tonkhe tingoma takho letinemsindvo; nemculo wemahabhu akho awusayiwuphindza uvakale.

Hoseya 2:11

Ngitayicedza yonkhe lemikhosi yakhe: emadzili akhe eminyaka newekwetfwasa kwenyanga, newemaSabatha akhe, nawo onkhe emadzili akhe lamisiwe.