Jeremiya 23:4 - Siswati 1996 Bible

⁴ Ngiyawubeka etikwawo belusi labayakuwunakekela, ungeke uphindze wesabe nome wetfuswe lutfo, futsi kute nayinye leyawulahleka,” kusho Simakadze.

Jeremiya 23:4 Referencias Cruzadas

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Jeremiya 30:10

“ ‘Ngako-ke ungesabi, wena Jakobe, nceku yami, ungapheli emandla, wena Israyeli,’ kusho Simakadze. ‘Ngempela ngiyawukusindzisa eveni lelikhashane, netitukulwane takho eveni lekutfunjwa kwato. Jakobe usetawubuye abe nekuthula kanye nekuvikeleka, kute namunye loyawubuye amesabise.

Jeremiya 31:10

“Vanini livi laSimakadze, nine tive; limemeteleni etichingini letikhashane, nitsi: ‘Lowo lowasakata Israyeli uyawumbutsa futsi, uyakwelusa umhlambi wakhe njengemelusi.’

Jeremiya 33:26

bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Hezekeli 36:11

Ngiyakwandzisa sibalo sebantfu nesetilwane kini, yebo, kuyawutalana kwandze. Ngiyawuhlalisa bantfu kini njengaloku kwakwenteka kucala, ngibuye nginente niphumelele ninjinge kakhulu kunakucala. Ngulapho-ke niyawukwati khona kutsi mine nginguSimakadze.

Levithikusi 26:9

Ngiyawunibusisa, nginiphe bantfwana labanyenti, nandze; sivumelwane lengisenta nani ngiyawusigcina ngisifeze.

Mikha 4:4

Bonkhe bantfu bayawuhlala ngekuthula ngulowo nalowo esivinini sakhe nasemikhiweni yakhe, kubete lobesabisako. Loku kwetsenjiswe nguSimakadze, longuSomandla.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Mikha 7:14

Simakadze, bani ngumelusi wesive sakho losikhetsile. Nome bantfu bakho bahlala babodvwa ehlane, kodvwa batungeletwe live lelivundzile. Abasukume batondle emadlelweni laneluhlata lolunyenti, eBhashani nakaGileyadi, njengobe babenta kadzenidzeni.

Zefaniya 3:13

“Imisalela yaka-Israyeli ingeke ikwente lokubi; ingeke iwakhulume emanga, nenkhohlakalo ingeke itfolakale emilonyeni yayo. Lemisalela iyakudla, icambalale phansi, kute futsi umuntfu loyakuyesabisa.”

Numeri 31:49

bafike batsi: “Tinceku takho setiwabalile emabutfo letiwaholako, kute nalinye lelilahlekile.

Johane 17:12

Ngisesenabo, ngabalondvolota egameni lakho lowangipha lona. Ngabalondvolota, kwabate ngisho namunye emkhatsini wabo lowalahleka, ngaphandle kwalowo labesafanele kulahlwa, kuze kugcwaliseke imiBhalo.

Johane 18:9

Loku wakusho kuze kutewugcwaliseka livi labesalikhulumile kuYise lekutsi: “Babe, kute ngisho namunye lowalahleka kulaba lowangipha bona.”

1 yaPhetro 1:5

Nkulunkulu uyawunigcina ngemandla akhe, njengobe nimetsemba, kube kusindziswa lokutakwembulwa ngesikhatsi sekugcina.