Jeremiya 23:24 - Siswati 1996 Bible

²⁴ Ukhona yini longabhaca etindzaweni letisitsele, entele kutsi ngingamboni?” kusho Simakadze. “Angikaligcwalisi yini lizulu nemhlaba?” kusho Simakadze.

Jeremiya 23:24 Referencias Cruzadas

Genesisi 16:13

Ngako-ke wase wetsa loSimakadze lowakhuluma kuye watsi: “UnguNkulunkulu longibonako,” ngobe watsi: “Kambe ngabe ngibone Nkulunkulu ngabuye ngaphilela kutsi ngikhulume ngaloko?”

1 Emakhosi 8:27

“Kodvwa vele, Nkulunkulu angahlala yini emhlabeni? Emazulu, ngisho nalo lizulu leliphakeme kunawo onkhe emazulu, ungeke wenele kulo. Kangakanani-ke lelithempeli lengikwakhele lona!

2 Tikhronike 2:6

Kepha ngubani longamakhela lithempeli, ngobe emazulu, ngisho nemazulu laphakeme kunawo onkhe, ngeke enele kuwo? Bengingubani-ke mine kutsi ngingakhela yena lithempeli, ngaphandle kwekutsi ngakhe indzawo nje, lapho kutaboshiselwa khona imphepho embikwakhe?

2 Tikhronike 6:18

“Kodvwa vele, Nkulunkulu angahlala yini emhlabeni kanye nebantfu? Emazulu, ngisho nemazulu laphakeme kunawo onkhe, ngeke wenele kuwo. Kangakanani-ke lelithempeli lengikwakhele lona!

Jobe 34:21

“Emehlo akhe abuka kuhamba kwemuntfu njalo, ubona tonkhe tinyatselo takhe.

Jobe 34:22

Kute bumnyama lobumnyama kuye, kute nelitfunti lelimnyama, lapho benti balokubi bangabhaca khona.

Tihlabelelo 10:11

Lomubi ucabanga enhlitiyweni yakhe utsi: “Nkulunkulu akanendzaba, akanaki, angeke abuke ngakimi kuze kube phakadze naphakadze.”

Tihlabelelo 139:7

Ngingayaphi ngisuke kuMoya wakho? Ngingashona kuphi ngibaleke ebusweni bakho?

Tihlabelelo 139:8

Nangikhuphukela emazulwini, wena ulapho, nangendlala licansi lami endzaweni yalabafile, wena ulapho.

Tihlabelelo 148:13

Bonkhe abadvumise libito laSimakadze, ngobe lakhe kuphela libito leliphakeme; inkhatimulo yakhe ingetulu kwemhlaba nelizulu.

Tihlabelelo 90:8

Bubi betfu busembikwakho, tono tetfu letifihlakele tisekukhanyeni kwebuso bakho.

Taga 15:3

Emehlo aSimakadze abuka yonkhe indzawo, abone bonkhe bantfu labalungile nalabangakalungi.

Isaya 29:15

Maye kulabo labaya ematfunjini emhlaba, bayewufihla emasu abo, bawafihlele Simakadze, labentela imisebenti yabo ebumnyameni, bacabange batsi: “Ngubani nje losibonako? Ngubani loyawukwati?”

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Jeremiya 16:17

“Emehlo ami asetikwato tonkhe tindlela tabo, atikafihlakali kimi, nesono sabo asikasitsakali emehlweni ami.

Jeremiya 32:19

imigomo yakho mikhulu, yebo, nemisebenti yakho inemandla. Emehlo akho avulekile kuto tonkhe tindlela tebantfu; ngulowo nalowo umnika umvuzo wakhe ngangekutiphatsa kwakhe nangalokufanele imisebenti yakhe.

Jeremiya 49:10

Kodvwa Esawu yena ngitamhlubula abe ngcunu, ngitatigwabula tindzawo lapho abhace khona, kuze angetutifihla ndzawo. Bantfwabakhe, netihlobo nabomakhelwane bakhe bayawubhubha, angeke aphindze abe khona.

Hezekeli 8:12

Watsi kimi: “Ndvodzana yemuntfu, ubonile kambe kutsi bentani baholi bendlu yaka-Israyeli lapha entimeni, nguloyo endvumbeni yesithico sakhe? Batsi: ‘Simakadze akasiboni. Simakadze sewulishiyile lelive.’ ”

Hezekeli 9:9

Wangiphendvula watsi: “Sono sendlu yaka-Israyeli neyakaJuda sikhulu ngalokwengcile; live seligobhota ingati, nelidolobha seligcwele kungabi namtsetfo. Batsi: ‘Simakadze ulikhohliwe lelive; Simakadze akaboni.’

Danyela 2:22

Wembula tintfo letijulile naletifihlakele, uyakwati konkhe lokubhace ebumnyameni, nekukhanya kuhlala kukuye.

Danyela 4:35

Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’

Kubase-Efesu 1:23

Libandla lingumtimba waKhristu, lokuphelela kwakhe kuphelelisa konkhe kuko konkhe.

KumaHebheru 4:13

Kute sidalwa lesifihlakele kuNkulunkulu, kodvwa konkhe kusebaleni kwembuliwe emehlweni alowo lekufanele sitilandze kuye.