Jeremiya 23:21 - Siswati 1996 Bible

²¹ Angizange sengibatfume labaphrofethi, noko bagijime nemilayeto yabo; angizange sengikhulume kubo, noko sebaphrofethile.

Jeremiya 23:21 Referencias Cruzadas

Isaya 6:8

Ngase ngiva livi laSimakadze litsi: “Ngitawutfuma bani? Ngubani lotasiyela?” Ngase ngitsi: “Nangu mine, tfuma mine!”

Jeremiya 14:14

Simakadze wakhuluma kimi, watsi: “Baphrofethi baphrofetha emanga ngelibito lami. Angikabatfumi, futsi angikabatjeli, kantsi futsi angikakhulumi kubo. Baphrofetha kini imibono lengemanga, babhule, bakhonte tithico, bashumayele nenkhohliso yetingcondvo tabo.

Jeremiya 23:32

Impela ngimelene nalabo labaphrofetha emaphupho langemanga,” kusho Simakadze. “Bayabalandzisa bedukise bantfu bami ngemanga abo ebudlabha; noko angikabatfumi, futsi angikababeki. Labantfu ababasiti ngalutfo ngisho nangalokuncane nje,” kusho Simakadze.

Jeremiya 27:14

Ningawalaleli emavi ebaphrofethi labatsi kini: ‘Ningeke niyikhonte inkhosi yaseBhabhulona,’ ngobe baphrofetha emanga.

Jeremiya 27:15

‘Angikabatfumi, baphrofetha emanga egameni lami,’ kusho Simakadze. ‘Ngako-ke ngitanicosha eveni lenu, niyawuze niphele, nine kanye nebaphrofethi labaphrofetha kini.’ ”

Jeremiya 28:15

Ngako umphrofethi Jeremiya wase ukhuluma kuHananiya, umphrofethi, watsi: “Lalela lapha, Hananiya! Wena awukatfunywa nguSimakadze, kodvwa lesive ulibele kusenta setsembe emanga akho.

Jeremiya 29:31

“Tfumela lomlayeto kubo bonkhe labatfunjiwe, utsi: ‘Naku lokushiwo nguSimakadze ngaShemaya waseNehelamu, utsi: Ngenca yekutsi Shemaya sewuphrofethile kini, nome abengakatfunywa ngimi nje, wanidvonsela ekutseni netsembe emanga,

Jeremiya 29:8

Yebo, nguloko lokushiwo nguSimakadze longuSomandla, Nkulunkulu wema-Israyeli, utsi: ‘Ningavumi kuyengwa baphrofethi nalabaphengulako labasemkhatsini wenu. Ningalaleli lamaphupho lenibakhutsata kutsi babe nawo.

Jeremiya 29:9

Baphrofetha emanga kini egameni lami. Angikabatfumi mine,’ kusho Simakadze.

Johane 20:21

Jesu waphindza futsi watsi kubo: “Kuthula akube kini! Njengaloku Babe angitfumile mine, nami ngiyanitfuma.”

Imisebenti yebaPhostoli 13:4

BoBhanabasi naSawula, sebatfunyelwe nguMoya Longcwele, behlela eSeloyisiya bahamba ngemkhumbi besuka khona balibangisa esichingini saseSiphrosi.

KubaseRoma 10:15

Bangashumayela njani bangakatfunywa? Njengobe kubhaliwe kutsi: “Maye, tinhle tinyawo talabo labashumayela liVangeli.”