Jeremiya 23:19 - Siswati 1996 Bible

¹⁹ Buka la, sivunguvungu saSimakadze sitawubhamuka ngelulaka lwakhe, siwunguwungwana lesihhushako sehlele etinhloko talababi.

Jeremiya 23:19 Referencias Cruzadas

Tihlabelelo 58:9

Ngekutumeka lokukhulu Nkulunkulu uyawubaphephula bonkhe lababi, ababhubhise, njengelibhodo lelitsi lisandza kubekwa nje etiko, lisengakawuva nalowo mlilo, kufike umoya lomkhulu uphephule letinkhuni, nome tomile nome timanti.

Taga 1:27

nase nifikelwe kutfutfumela lokunjengesiphepho, nesigemegeme lesinjengesihhushuhhushu, nekudzangala kanye nekudzabuka.

Taga 10:25

Nase kwendlule sihhushuhhushu, kubate losindzako kulababi; kodvwa lolungile uyawusima phakadze naphakadze.

Isaya 21:1

Leli livi lesembulo lelimacondzana neBhabhulona, lihlane lelingaselwandle: Njengetiwunguwungwana tihhusha tendlula eveni laseningizimu, kanjalo umhlaseli uchamuka ngasehlane, eveni lelesabekako.

Isaya 40:24

Batsi basengakahlanyelwa, basengakatjalwa nekutjalwa, basengakasimi ngisho nasemhlabatsini, bese uyabaphuphutsa, babune, kutsi umoya losiwunguwungwane ubaphephule, ubalahle khashane njengemakhoba.

Jeremiya 25:31

Sidvumo siyawuhokoma sivakale nasemikhawulweni yemhlaba, ngobe Simakadze tive uyawutibeka emacala, uyakwehlulela bonkhe bantfu, lababi abalalise phansi ngenkemba,’ ” kusho Simakadze.

Jeremiya 25:32

Naku-ke lokushiwo nguSimakadze longuSomandla, utsi: “Bukani! Inhlekelele yandza tive ngetive, kukhuphuka sivunguvungu lesinemandla emikhawulweni yonkhe yemhlaba.”

Jeremiya 30:23

Buka la, sivunguvungu saSimakadze sitawubhamuka ngelulaka lwakhe, sivunguvungu lesivunguta sehlele etikwetinhloko talababi.

Jeremiya 30:24

Lulaka lolwesabekako lwaSimakadze lungeke luncandzeke, aze asiphumelelise ngalokuphelele sifiso lesisenhlitiyweni yakhe. Loku niyawukucondza kahle ngemalanga letako.

Jeremiya 4:11

Ngalelo langa lesive kanye nebantfu baseJerusalema bayawutjelwa kutsiwe: “Umoya loshisako lochamuka etindzaweni letiphakeme tasehlane uhhusha ucondze kulesive sami, kodvwa hhayi kutewuhlunga nome kutewuhlambulula;

Jeremiya 51:1

Naku lokushiwo nguSimakadze, utsi: “Buka la, ngiyawuvusa umoya wembhubhisi usukele iBhabhulona kanye nebantfu baseLebu Khamayi.

Hezekeli 1:4

Ngabuka, ngabona sivunguvungu sichamuka ngasenyakatfo, bekulifu lelikhulukati linebumanyamanya bembane, lalitungeletwe kukhanya lokumengetelako. Ekhatsi enkhabeni yalomlilo kwakukhona lokwakufanana nelitfusi lelimanyatelako,

Hezekeli 13:13

“ ‘Ngako-ke naku lokushiwo yiNkhosi Simakadze, itsi: Ngiyawudedela sivunguvungu lesinemandla ngenca yelulaka lwami, ngentfukutselo lenkhulu ngitfulule sangcotfo, nemvula lenkhulu iyakwehla ngentfukutselo yami lenkhulu yembhubhiso.

Amose 1:14

Ngako-ke ngitawulumeka umlilo etikwetibondza taseRabha lotawucotfula tonkhe tigodlo tayo emkhatsini webumayemaye bekukhala ngelilanga lekulwa imphi, nasemkhatsini wemimoya lenemandla, ngelilanga lesivunguvungu.

Zakhariya 7:14

Ngabasakata ngesiwunguwungwana, ngabasa kuto tonkhe tive, lapho bafike baba tihambi khona. Live lasala likhala libhungane emvakwabo, kangangekutsi kute muntfu labengaphuma angene kulo. Balenta kanjalo-ke lelive lelalijabulile kutsi libe ngusehlane kahlongasibi.’ ”

Zakhariya 9:14

Simakadze uyawube sewuyabonakala kubo, umcibisholo wakhe uyawugijima njengembane. INkhosi Simakadze iyawushaya impalampala, iyawushuca ngetivunguvungu taseningizimu,