Jeremiya 23:14 - Siswati 1996 Bible

¹⁴ Emkhatsini webaphrofethi baseJerusalema ngabona intfo leyesabekako: Benta buphingi, baphile imphilo lengemanga. Bacinisa tandla talabenta lokubi, kuze kutsi kubete ngisho namunye lophendvukako ebubini bakhe. Bonkhe bafanana neSodoma kimi, bantfu baseJerusalema bafanana neGomora.”

Jeremiya 23:14 Referencias Cruzadas

Genesisi 13:13

Kepha bantfu baseSodoma babekhohlakele, bona kakhulu kuSimakadze.

Genesisi 18:20

Simakadze waphindza wakhuluma ku-Abrahama, watsi: “Njengobe kunekukhala lokukhulu ngeSodoma neGomora, nesono sabo simatima kakhulu,

Genesisi 19:24

Simakadze wanisa imvula yesibabule nemlilo, iphuma ezulwini, kwana etikweSodoma neGomora.

Genesisi 19:25

Wawabhubhisa lawo madolobha kanye nalo lonkhe lelo tsafa, nebantfu bawo bonkhe, nako konkhe lokwakumile emhlabatsini.

Isaya 9:15

Labadzala nemadvodza langimisumphe ngubona bayinhloko. Baphrofethi labafundzisa emanga bona bangumsila.

Jeremiya 14:14

Simakadze wakhuluma kimi, watsi: “Baphrofethi baphrofetha emanga ngelibito lami. Angikabatfumi, futsi angikabatjeli, kantsi futsi angikakhulumi kubo. Baphrofetha kini imibono lengemanga, babhule, bakhonte tithico, bashumayele nenkhohliso yetingcondvo tabo.

Jeremiya 18:13

Ngako-ke naku lokushiwo nguSimakadze, utsi: “Butani kuletinye tive nitsi: ‘Ngubani lowake weva ngentfo lenje?’ Intfo leyesabeka kakhulu yentiwe yiNtfombi lengu-Israyeli.

Jeremiya 20:16

Lowo muntfu akafanane nemadolobha labhidlitwa nguSimakadze angasenasihawu nawo. Akeve sililo ekuseni, nenhlabamkhosi emini.

Jeremiya 23:17

Bachubeka bakhulume kulabangedzelelako batsi: ‘Simakadze utsi: Nitawuba nekuthula.’ Kubo bonkhe labalandzela inkhani yetinhlitiyo tabo, batsi: ‘Kute lokubi lokutanehlela.’

Jeremiya 23:22

Kodvwa kube bebeme ebandleni lami, ngabe bamemetele emavi ami kubantfu bami, futsi ngabe babancandzile etindleleni tabo letimbi kanye nasetentweni tabo letikhohlakele.”

Jeremiya 23:32

Impela ngimelene nalabo labaphrofetha emaphupho langemanga,” kusho Simakadze. “Bayabalandzisa bedukise bantfu bami ngemanga abo ebudlabha; noko angikabatfumi, futsi angikababeki. Labantfu ababasiti ngalutfo ngisho nangalokuncane nje,” kusho Simakadze.

Jeremiya 29:21

Naku lokushiwo nguSimakadze longuSomandla, Nkulunkulu wema-Israyeli, mayelana na-Ahabi, umsa waKholaya, nangaSedekiya, umsa waMaseya, labaphrofetha emanga kini egameni lami, utsi: ‘Ngitawubanikela kuNebukhadnezari, inkhosi yaseBhabhulona, yena uyawufike ababulale embikwemehlo enu nibuka.

Jeremiya 29:23

Ngobe babente intfo lesinengiso kabi ka-Israyeli, baphinga nebafati babomakhelwane babo, bakhuluma emanga ngeLibito lami, lengangingazange sengibatfume kutsi bakwente. Ngiyakwati loko futsi ngingufakazi wako,’ kusho Simakadze.”

Jeremiya 36:2

“Tsatsa incwadzi legocotwako ubhale kuyo onkhe emavi lengiwakhulumile kuwe mayelana na-Israyeli naJuda kanye nato tonkhe letinye tive, kusukela esikhatsini lengacala ngaso kukhuluma kuwe, ekubuseni kwenkhosi Josaya, kuze kube ngunyalo.

Jeremiya 49:18

Njengobe neSodoma neGomora yagumbucelwa kanye nemadolobha labeyitungeletile, kanjalo nakuyo i-Edomu kuyawubate lohlala kuyo, kute muntfu loyakwakha kuyo,” kusho Simakadze.

Sililo 4:6

Sijeziso sebantfu bami sikhulu kunesalabo baseSodoma, lababhujiswa ngemzuzwana munye, kwabate nasinye sandla lesabelekelela.

Hezekeli 13:16

kanye nebaphrofethi baka-Israyeli labaphrofetha kuyo iJerusalema, babona nemibono yekuthula kwayo, kube kona kungekho kuthula, kusho iNkhosi Simakadze.” ’ ”

Hezekeli 13:19

Nine ningihlambalatile emkhatsini wesive sami, ngobe nicondze kutfola emabinta lambalwa nje ebhali netingebhuta letimbalwa tesinkhwa. Ngekukhuluma emanga esiveni sami, lesilalela emanga, nibabulele labo lebekufanele bangafi, nasindzisa lebekufanele bafe.

Hezekeli 22:25

Kuneluzungu lwetikhulu talo letisekhatsi kulo njengelibhubesi lelibhodlako nalidladlabula inyamatane yalo lelitayidla, tishwabudzela bantfu, titsatse ingcebo netintfo letingemagugu, tente bafelokati labanyenti ekhatsi kulo.

Hoseya 6:10

Ngibone intfo leyesabekako endlini yaka-Israyeli: Efrayimu utinikele ebugwadleni na-Israyeli sewaba ngulongcolile.

Amose 4:11

“Labanye benu ngababhubhisa njengaloku ngabhubhisa iSodoma neGomora. Nanifanana nendvuku leshako, lehlwitfwe emlilweni; noko anikabuyeli kimi,” kusho Simakadze.

Mikha 1:5

Konkhe loku kuyakwenteka, ngobe Israyeli onile wahlubuka kuNkulunkulu. Empeleni nje ngubani lekufanele asoleke ngenca yekuhlubuka kwa-Israyeli? Vele, yiSamariya. Ngubani lonelicala lekukhonta tithico kaJuda? Vele, yiJerusalema matfupha.

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Zefaniya 3:4

Baphrofethi balo bayatigcabha; bangemadvodza labotulujane. Baphristi balo bahlazisa indzawo lengcwele, bephule umtsetfo waNkulunkulu.

Zakhariya 13:2

“Ngalelo langa ngiyakuwadzingisa emabito etithico kulelive, futsi tingeke tiphindze tikhunjulwe. Baphrofethi nemoya wekungahlanteki kokubili, ngiyawukususa eveni,” kusho Simakadze longuSomandla.

Malakhi 1:1

Sembulo: Livi laSimakadze lelefika kuma-Israyeli ngemphrofethi Malakhi.

Matewu 11:24

Kepha ngitsi kini: Kuyawuba ncono kulo live laseSodoma kunakuwe ngelilanga lekwehlulela.”

Dutheronomi 32:32

Umvini wabo uphuma emvinini waseSodoma nasemasimini aseGomora. Emagelebisi abo agcwele shevu, netitfungo tabo ticuketse kubaba.

1 kuThimothi 4:2

Bantfu labatentisako bayawufundzisa emanga, ngobe bonembeza babo bashiswe luphawu.

2 yaPhetro 2:6

Emadolobha aseSodoma naseGomora Nkulunkulu wawalahla ngelicala, wase uwabhubhisa ngemlilo, aphela nya, aba ngumlotsa; wawenta aba sibonelo kulabo labangayiwumesaba Nkulunkulu.

YaJuda 1:7

Khumbulani futsi iGomora neSodoma nemadolobha labekakhelene nawo. Bantfu balawo madolobha nabo balingisa letingilosi. Emadvodza abelalana odvwana ngendlela lengazange seyibonwe nalephambene nemvelo ehlelwa sijeziso lesimatima, umlilo longacimeki; aba secwayiso.

Sembulo 11:8

Tidvumbu tabo tiyawulala esitaladini selidolobha lelikhulu lelibitwa ngekufanekisa kutsi yiSodoma neGibhithe, lapho iNkhosi yabo yabetselwa khona.

Sembulo 19:20

Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.