Jeremiya 22:7 - Siswati 1996 Bible

⁷ Ngiyawutfumela babhubhisi batekulwa nawe, lowo nalowo ngetikhali takhe, bayakuwageca lamakabha akho lamahle emsedari bawalahle emlilweni.

Jeremiya 22:7 Referencias Cruzadas

Isaya 37:24

Ngetigijimi takho umpongise tindvundvuma tetinhlamba kuSimakadze, futsi watsi: ‘Ngetincola tami temphi letinyenti ngigibele ticongo tetintsaba, ticongo letiphakeme kakhulu taseLebanoni. Ngijube imisedari yakhona lemidze kakhulu, kanye netipheshula telikhetselo. Ngifinyelele kuletikhashane tindzawo takhona, emahlatsi akhona elikhetselo.

Jeremiya 15:8

Ngiyakwenta bafelokati babo babe banyenti kwendlula sihlabatsi saselwandle. Emini ngiyawuletsa umbhubhisi loyawucondzana nabonina bemajaha, ngekushesha ngibehlisele buhlungu nekutfutfumela.

Jeremiya 21:14

Ngitanijezisa njengobe nifanelwe tento tenu. Emahlatsi enu ngitawokhela ngemlilo lotawucotfula konkhe lokusedvute nani, kusho Simakadze.’ ”

Jeremiya 5:15

Yebo, wenandlu yaka-Israyeli,” kusho Simakadze, “ngitawuletsa sive lesikhashane sitekulwa nani, sive sasendvulo lesicinile, sive lesikhuluma lulwimi leningalwati, yebo, lesikhuluma lulwimi leningaluva.

Zakhariya 11:1

Awu, Lebanoni, vula iminyango yakho, kuze umlilo utekuyishwabudzela lemisedari yakho!

Matewu 22:7

Inkhosi yatfukutsela kakhulu, yaze yakhipha imphi yemasotja leyafike yabulala bonkhe labo babulali, yashisa nelidolobha labo.