Jeremiya 22:24 - Siswati 1996 Bible

²⁴ Simakadze utsi: “Kuphila kwami, ngisho nawe Jehoyakhini, msa waJehoyakimu, inkhosi yakaJuda, bewuyindandatho yeluphawu esandleni sami sekudla, nanyalo ngisengakudvonsa ngikususe.

Jeremiya 22:24 Referencias Cruzadas

2 Emakhosi 24:12

Jehoyakhini, inkhosi yakaJuda, nenina, netinceku takhe, netikhulu takhe, kanye netindvuna takhe bavele baphakamisa tandla bashweleta kuye. Ngemnyaka wesiphohlongo wekubusa kwenkhosi yaseBhabhulona, lenkhosi yatfumba Jehoyakhini, waba siboshwa.

2 Emakhosi 24:15

Nebukhadnezari watfumba Jehoyakhini, wahamba naye waya eBhabhulona. Labanye labatfumba lapha eJerusalema bekungunina wenkhosi Jehoyakhini, nemakhosikati aJehoyakhini, netindvuna takhe kanye nemadvodza lamcoka elive.

1 Tikhronike 3:16

Labalandzela Jehoyakimu bekunguJehoyakhini, umsa wakhe, naSedekiya.

2 Tikhronike 36:9

Jehoyakhini abeneminyaka leli-18 budzala, nakabekwa kuba yinkhosi. Wabusela eJerusalema tinyanga letintsatfu nemalanga lalishumi. Wenta lokubi emehlweni aSimakadze.

Ingoma Yetingoma 8:6

Ngibeke njengeluphawu etikwenhlitiyo yakho, yebo, njengeluphawu emkhonweni wakho; ngobe lutsandvo lunemandla njengekufa, sikhwele salo asitfobiseki, sinjengelithuna. Lushisa njengemlilo lovutsako, yebo, njengelilangabi lelinemandla.

Isaya 49:16

Buka la; ngikucophe entsendzeni yetandla tami; tibondza takho tisembikwami njalo.

Jeremiya 13:18

Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Jeremiya 22:28

Lendvodza lenguJehoyakhini iyedzeleleka yini, ilibhodo lelephukile yini, nome iyintfo lengafunwa ngumuntfu yini? Pho, yena nebantfwabakhe batawukhukhulelwani bakhishwe, bese balahlelwa eveni labangalati?

Jeremiya 22:6

Ngobe naku lokushiwo nguSimakadze ngesigodlo senkhosi yakaJuda, utsi: “Nome ufanana neGileyadi kimi, ufanana nesicongo saseLebanoni, impela ngiyakukwenta ufanane nelihlane, ufanane nemadolobha langahlalwa ngumuntfu.

Jeremiya 24:1

Emvakwekutsi Jehoyakhini, umsa waJehoyakimu, inkhosi yakaJuda, netindvuna, nebakhandzi betinsimbi kanye nebabati labatingcweti kaJuda sebatfunjiwe eJerusalema bayiswa eBhabhulona nguNebukhadnezari, inkhosi yaseBhabhulona, Simakadze wangibonisa titja letimbili temakhiwa tibekwe embikwelithempeli laSimakadze.

Jeremiya 28:4

Ngitawubuyisa futsi kulendzawo naJehoyakhini, umsa waJehoyakimu, inkhosi yakaJuda, nabo bonkhe labatfunjwa kaJuda bayiswa eBhabhulona, ngobe ngitakulephula lijoko lenkhosi yaseBhabhulona,’ kusho Simakadze.”

Jeremiya 29:2

Lapha kwakusemuva kwenkhosi Jehoyakhini, nendlovukazi, nebatsenwa, nebaholi bakaJuda nebaseJerusalema, nebakhandzi betinsimbi kanye nebabati labatingcweti sebatfunjiwe bayiswa ekudzingisweni besuswa eJerusalema.

Jeremiya 37:1

Sedekiya, umsa waJosaya, wabekwa waba yinkhosi yakaJuda, abekwa nguNebukhadnezari, inkhosi yaseBhabhulona; wabusa esikhundleni saJehoyakhini, umsa waJehoyakimu.

Hagayi 2:23

“ ‘Ngalelo langa,’ kusho Simakadze longuSomandla, ‘ngiyawukutsatsa wena, nceku yami Zerubhabheli, msa waSheyaltiyeli,’ kusho Simakadze, ‘ngikwente ube yindandatho yami yeluphawu, ngobe ngikukhetsile,’ kusho Simakadze longuSomandla.”