Jeremiya 22:18 - Siswati 1996 Bible

¹⁸ Ngako-ke naku lokushiwo nguSimakadze ngaJehoyakimu, umsa waJosaya, inkhosi yakaJuda, utsi: “Bangeke bamlilele, batsi: ‘Awu, mnaketfu! Awu, dzadzewetfu!’ Bangeke bamlilele, batsi: ‘Awu, nkhosi yami! Awu, buhle bakhe!’

Jeremiya 22:18 Referencias Cruzadas

2 Samuweli 1:26

“Ngiyakukhalela, mnaketfu Jonathani, bewuligugu kimi! Lutsandvo lwakho kimi belumangalisa, lumangalisa kwendlula lwalabasikati.

1 Emakhosi 13:30

Lesidvumbu wasingcwaba ethuneni lakhe, bamlilela batsi: “Hhawu, mnaketfu!”

2 Emakhosi 23:36

Jehoyakimu abeneminyaka lengema-25 budzala, nakabekwa kuba yinkhosi. Wabusela eJerusalema iminyaka leli-11. Libito lenina bekunguZebida, indvodzakati yaPhedaya, waseRuma.

2 Emakhosi 23:6

Watsatsa insika ya-Ashera ethempelini laSimakadze, wayimikisa emfudlaneni iKhidroni ngephandle kweJerusalema, wayishisela khona. Wayisila, yaba yimphuphu, wabe sewuyisakata seyilutfuli etikwemadliza ebantfukatana.

2 Emakhosi 24:6

Jehoyakimu wakhotsama, Jehoyakhini, umsa wakhe, waba yinkhosi esikhundleni sakhe.

1 Tikhronike 3:15

Emadvodzana aJosaya bekuboJohanani, litubulo, naJehoyakimu, naSedekiya, naShalumi.

2 Tikhronike 35:25

Jeremiya wacamba tingoma tesililo saJosaya, kuze kube ngulamuhla bonkhe bahlabeli besilisa nebesifazane basamkhumbula Josaya ngaletingoma tesililo sakhe. Letingoma tase tiba tingoma temihambo yema-Israyeli, tabhalwa encwadzini yetililo.

2 Tikhronike 36:5

Jehoyakimu abeneminyaka lengema-25 budzala, nakabekwa kuba yinkhosi. Wabusela eJerusalema iminyaka leli-11. Wenta lokubi emehlweni aSimakadze Nkulunkulu wakhe.

Jeremiya 16:4

“Bayawukufa babulawe sifo lesibulalanako. Abayiwulilelwa, futsi bangeke bangcwatjwe, kodvwa bayawuba njengemfucuta nje lelahlwe phansi. Bayawubhubha ngenkemba nangendlala, netidvumbu tabo tiyawuba kudla kwetinyoni tasemoyeni kanye nekwetilwane tesiganga.”

Jeremiya 16:6

“Labaphakeme nalabaphansi bayawufela kulelive. Bangeke bangcwatjwe, futsi abayiwukhalelwa, futsi kute labayawubazilela nalabayawuhhula ngenca yabo.

Jeremiya 21:11

“Ngetulu kwaloko, khuluma kulendlu yenkhosi yakaJuda, utsi: ‘Vanini livi laSimakadze,

Jeremiya 22:10

Ningayikhaleli lenkhosi lefile, ningakulileli futsi nekulahlekelwa ngiyo, lokungenani, mkhaleleni kakhulu lowo lotfunjiwe, ngobe angeke aphindze abuye futsi, angeke aphindze alibone live lakhe latalelwa kulo.

Jeremiya 22:12

Uyawufela kuleyo ndzawo lapho bamtfumbele khona; angeke aphindze alibone futsi lelive lakhe.”

Jeremiya 34:5

uyakufa ngekuthula. Njengobe bantfu benta umngcwabo wemlilo, bahlonipha boyihlo, emakhosi akucala lakwendvulela, kanjalo nawe bayawukwentela umlilo bakuhloniphe balile, batsi: “Maye! Awu, nkhosi!” Mine matfupha ngenta nasi setsembiso, kusho Simakadze.’ ”

Jeremiya 36:30

Ngako-ke, naku lokushiwo nguSimakadze ngaJehoyakimu, inkhosi yakaJuda, utsi: Iyakubate muntfu wakayo loyawuhlala esihlalweni saDavide sebukhosi; sidvumbu sayo siyawulahlwa ngephandle, sitfoswe lilanga emini, sicandziswe sitfwatfwa ebusuku.