Jeremiya 22:13 - Siswati 1996 Bible

¹³ “Nako kulowo lowakha sigodlo sakhe, asakhe ngebubi, lowakha emakamelo akhe lasetulu ngebuhumusha, lowenta takhamiti takhe tisebentele lite, angatikhokheli ngekusebenta kwato.

Jeremiya 22:13 Referencias Cruzadas

2 Tikhronike 36:4

Inkhosi yaseGibhithe yabeka Eliyakimu, umnakaboJehoyahazi, kutsi abe yinkhosi yesive sakaJuda nesaseJerusalema, wase ugucula libito la-Eliyakimu, wametsa libito watsi nguJehoyakimu, kodvwa Nekho watsatsa lomnakabo-Eliyakimu, labenguJehoyahazi, wammikisa eGibhithe.

2 Tikhronike 36:5

Jehoyakimu abeneminyaka lengema-25 budzala, nakabekwa kuba yinkhosi. Wabusela eJerusalema iminyaka leli-11. Wenta lokubi emehlweni aSimakadze Nkulunkulu wakhe.

Jobe 31:39

nangabe bengidle titselo talo ngaphandle kwekukhokha tindleko talo, nome ngababulalisa ngendlala labo labahlala kulo,

Isaya 5:8

Maye kini nine lenengeta indlu kulenye indlu, nengete insimi kulenye insimi, kuze kubete nesikhadlana nje lesisalako, bese nihlala nodvwana eveni.

Jeremiya 17:11

Njengentsendzele lechobosele emacandza lengakawataleli, unjalo umuntfu lotfola bunjinga ngetindlela letingakalungi. Kuyawutsi nakasekhatsi nekhatsi nemphilo yakhe bumhlamuke, ekugcineni abonakale asasilima.

Jeremiya 22:18

Ngako-ke naku lokushiwo nguSimakadze ngaJehoyakimu, umsa waJosaya, inkhosi yakaJuda, utsi: “Bangeke bamlilele, batsi: ‘Awu, mnaketfu! Awu, dzadzewetfu!’ Bangeke bamlilele, batsi: ‘Awu, nkhosi yami! Awu, buhle bakhe!’

Levithikusi 19:13

“ ‘Ungamebeli makhelwane wakho; ungawubambi umholo wesisebenti kuze kube ngakusasa.

Mikha 3:10

Nine nakha iJerusalema, likhaya laNkulunkulu, etikwesisekelo sekubulala kanye nekwenta tintfo ngekungalungi.

Habakhuki 2:12

“Maye kulowo lowakha lidolobha ngekucitsa ingati, emise lidolobha ngebugebengu!

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Dutheronomi 15:13

Nawumkhulula ungacali umhambise yabayaba.

YaJakobe 5:4

Ase nibuke la, emaholo etisebenti letavuna emasimi enu leniwagodlile ayanimangalela anilahle ngelicala; nekukhala kwebavuni sekungenile etindlebeni teNkhosi Sebawothi.