Jeremiya 21:10 - Siswati 1996 Bible

¹⁰ Ngitimisele kwenta lokubi kulelidolobha, hhayi lokuhle, kusho Simakadze. Liyawuniketelwa etandleni tenkhosi yaseBhabhulona, ilibhubhise ngemlilo.’ ”

Jeremiya 21:10 Referencias Cruzadas

2 Tikhronike 36:19

Bokhela lithempeli laNkulunkulu ngemlilo, babhidlita nalolubondza lwaseJerusalema base bashisa tigodlo tonkhe kanye netimphahla letatinelinani lelikhulu lapho.

Tihlabelelo 34:16

Buso baSimakadze buphambene nalabenta lokubi, kuze abashabalalise, bangabe basakhunjulwa emhlabeni.

Jeremiya 17:27

Kodvwa naningangilaleli mine, kutsi nigcine liSabatha lami lingcwele ngekutsi ningetfwali nalomncane umtfwalo ngesikhatsi nisangena emasangweni aseJerusalema ngeliSabatha, ngako ngiyawube sengilumeka umlilo longacimeki emasangweni aseJerusalema, loyawudla netinqaba tayo.’ ”

Jeremiya 26:6

lendlu-ke ngitabe sengiyenta ifanane neShilo, nalelidolobha seliyawuba yintfo yekucalekisa emkhatsini wato tonkhe tive temhlaba.’ ”

Jeremiya 33:5

nabalwa nemaBhabhulona, utsi: ‘Tiyawugcwala tidvumbu temadvodza lengitawabulala ngentfukutselo nangelulaka lwami. Ngiyawulifihlela buso bami elidolobha ngenca yabo bonkhe bubi balo.

Jeremiya 34:2

“Naku lokushiwo nguSimakadze, Nkulunkulu wema-Israyeli, utsi: Hamba uye kuSedekiya, inkhosi yakaJuda, ufike umtjele utsi: ‘Naku lokushiwo nguSimakadze, utsi: Lelidolobha sengitalinikela enkhosini yaseBhabhulona, futsi italibhubhisa ngemlilo.

Jeremiya 34:22

Simakadze utsi: Ngiyawukhipha umlayeto ngibabuyise kulelidolobha. Bayakulwa nalo, balitfumbe bese bayalishisa. Emadolobha akaJuda ngiyakuwenta abe tindzala, kuze kusale kukhala libhungane kuwo.”

Jeremiya 38:17

Ngako Jeremiya wakhuluma kuSedekiya, watsi: “Naku lokushiwo nguSimakadze Nkulunkulu longuSomandla, Nkulunkulu wema-Israyeli, utsi: ‘Nawuphakamisa tandla kuto tiphatsimandla tenkhosi yaseBhabhulona, utitfobe, imphilo yakho iyawuphepha, nalelidolobha lingeke lishiswe; wena nemndeni wakho niyawuphila.

Jeremiya 38:18

Kodvwa nawungeke ukhotsame kuto tiphatsimandla tenkhosi yaseBhabhulona, lelidolobha litawunikelwa etandleni temaBhabhulona, futsi bayakulishisa, nawe cobo lwakho ungeke uphunyule esandleni sabo.’ ”

Jeremiya 38:23

“Onkhe emakhosikati akho nebantfwabakho bayawuyiswa kubaseBhabhulona, nawe cobo lwakho ngeke uphunyule etandleni tabo, kodvwa uyawubanjwa yinkhosi yaseBhabhulona, nalelidolobha liyawubhujiswa ngemlilo.”

Jeremiya 38:3

Naku futsi lokushiwo nguSimakadze, utsi: ‘Ngempela, lelidolobha liyawunikwa emabutfo enkhosi yaseBhabhulona layakulitfumba.’ ”

Jeremiya 39:16

“Hamba utjele Ebedi Meleki, umKushe, utsi: ‘Naku lokushiwo nguSimakadze longuSomandla, Nkulunkulu wema-Israyeli, utsi: Sengitawugcwalisa emavi ami lamelana nalelidolobha ngitakuwagcwalisa ngesigameko, hhayi ngalokuhle. Ngaleso sikhatsi ayawugcwaliseka embikwemehlo akho.

Jeremiya 39:8

BaseBhabhulona basilumeka ngemlilo sigodlo senkhosi kanye netindlu tebantfu; babhidlita netibondza taseJerusalema.

Jeremiya 44:11

“Ngako-ke naku lokushiwo nguSimakadze longuSomandla, Nkulunkulu wema-Israyeli, utsi: Ngitimisele kwehlisela inhlekelele etikwenu nekubhubhisa Juda wonkhe.

Jeremiya 44:27

Ngobe sengibabekele lokubi, hhayi lokuhle; emaJuda laseGibhithe ayawubhubha ngenkemba nangendlala, aze abhujiswe onkhe.

Jeremiya 52:13

Walumeka umlilo ethempelini laSimakadze nasesigodlweni senkhosi, nakuto tonkhe tindlu taseJerusalema; tonkhe letatibalulekile watishisa.

Hezekeli 15:7

Ngiyawubhekisa buso bami ngakubo ngimelane nabo. Nome baphumile emlilweni, noko lomlilo usetawubacedza. Ngesikhatsi ngibhekisa buso bami ngakubo ngimelana nabo, niyawukwati-ke kutsi mine nginguSimakadze.

Hezekeli 24:11

Ubobe sewubeka lelibhodo lelingenalutfo etikwemalahle, lize lishise nelitfusi lalo limanyatele, kuze kutsi nekungcola kwalo kuncibilike, netincwencwe talo tize tishe tiphele.

Levithikusi 17:10

“ ‘Wonkhe umIsrayeli nome wetive lohlala nani lodla ingati, ngiyawumelana naye ngimncume esiveni sakubo.

Levithikusi 26:17

Buso bami buyawumelana nani, bese nehlulwa titsa tenu, tona leto letinitondzako tiyawunibusa, nani nibaleke, ngisho nome seningasacoshwa ngumuntfu.

Amose 2:5

Ngako-ke ngitakwehlisela umlilo etikwaJuda lotawushisa ucotfule tigodlo taseJerusalema.”

Amose 9:4

Nome bangatfunjwa titsa tabo, nakhona lapho ngiyawuyala inkemba kutsi ibabulale. Emehlo ami ngiyakuwanamatselisa kubo, kube kubi kubo, kungabi kuhle.”

Zakhariya 1:6

Kodvwa lamavi ami netimiso tami, lengabayala ngako ngemlomo webaphrofethi, tinceku tami, akuzange kufike yini etindlebeni taboyihlomkhulu? Base bayaphendvuka batsi: ‘Simakadze longuSomandla wente kitsi loko lobekusifanele ngekwetindlela tetfu nangalesikwentako, njengobe abesatimisele kukwenta.’ ”