Jeremiya 21:1 - Siswati 1996 Bible

¹ Livi laSimakadze lefika kuJeremiya ngesikhatsi inkhosi Sedekiya itfumela kuye boPhashuri, umsa waMalkhiya, nemphristi Zefaniya, umsa waMaseya. Bafike batsi:

Jeremiya 21:1 Referencias Cruzadas

2 Emakhosi 22:13

“Hambani niyekungibutela kuSimakadze mine kanye nebantfu kanye nesive sonkhe sakaJuda macondzana naloko lokubhalwe kulencwadzi leseyitfolakele. Yinkhulu kabi intfukutselo yaSimakadze lesivutselako; ngobe bobabe abazange bawalalele emavi alencwadzi. Abazange bakwente konkhe loku lokubhalwe kuyo macondzana natsi.”

1 Tikhronike 3:15

Emadvodzana aJosaya bekuboJohanani, litubulo, naJehoyakimu, naSedekiya, naShalumi.

1 Tikhronike 9:12

na-Adaya, umsa waJerohamu, umsa waPhashuri, umsa waMalkhiya, naMasayi, umsa wa-Adiyeli, umsa waJazera, umsa waMeshulamu, umsa waMeshilemithi, umsa wa-Imeri.

2 Tikhronike 36:17

Simakadze wabavusela inkhosi yaseBhabhulona leyafike yabulala onkhe emajaha abo ngenkemba, iwabulalela endzaweni lengcwele, ingashiyi lutfo loluselusha labadvuna nalabasikati nome talukati nemakhehla. Nkulunkulu wabaniketela bonkhe kuNebukhadnezari.

Nehemiya 11:12

nabomnakabo labahlanganyela nabo emsebentini wasethempelini, emadvodza labengema-822, nabo-Adaya, umsa waJerohamu, umsa waPhelaliya, umsa wa-Amsi, umsa waZakhariya, umsa waPhashuri, umsa waMalkhiya,

Jeremiya 29:25

“Naku lokushiwo nguSimakadze longuSomandla, Nkulunkulu wema-Israyeli, utsi: Utfumele tincwadzi ngelibito lakho kubo bonkhe bantfu baseJerusalema, nakuZefaniya, umsa waMaseya, umphristi, nakubo bonkhe labanye baphristi. Watjela Zefaniya watsi:

Jeremiya 29:29

Ngempela Zefaniya, umphristi, wafike wafundzela umphrofethi Jeremiya lencwadzi.

Jeremiya 35:4

Ngabangenisa endlini yaSimakadze, ekamelweni lemadvodzana aHanana, umsa wa-Igdaliya, umuntfu waNkulunkulu. Laliseceleni kwelikamelo letindvuna, lelalingetulu kwaleli laMaseya, umsa waShalumi, labengumahlalesangweni.

Jeremiya 37:1

Sedekiya, umsa waJosaya, wabekwa waba yinkhosi yakaJuda, abekwa nguNebukhadnezari, inkhosi yaseBhabhulona; wabusa esikhundleni saJehoyakhini, umsa waJehoyakimu.

Jeremiya 37:17

Inkhosi Sedekiya wase uyatfumela kutsi akalandvwe aletfwe kuye esigodlweni, lapho wafike wambuta ngasense, watsi: “Likhona yini livi lelivela kuSimakadze?” Jeremiya waphendvula watsi: “Yebo, likhona, litsi: Wena utawuniketelwa enkhosini yaseBhabhulona.”

Jeremiya 37:3

Noko Sedekiya, inkhosi, watfumela Jukhali, umsa waShelemiya, kanye nemphristi Zefaniya, umsa waMaseya, kuJeremiya, umphrofethi, nemlayeto lotsi: “Siyakucela kutsi umane usithandazele kuSimakadze Nkulunkulu wetfu.”

Jeremiya 37:7

“Naku lokushiwo nguSimakadze, Nkulunkulu wema-Israyeli, utsi: Tjelani inkhosi yakaJuda lenitfume kutsi nitewubuta kimi nitsi: ‘Emabutfo aFaro, labeshucele kutanelekelela, atawuncandzeka abuyele eveni lawo, eGibhithe.

Jeremiya 38:1

BoShefathiya, umsa waMathani, naGedaliya, umsa waPhashuri, naJukhali, umsa waShelemiya, naPhashuri, umsa waMalkhiya, beva ngaloko Jeremiya labebatjele kona bonkhe bantfu ngesikhatsi atsi:

Jeremiya 38:14

Inkhosi Sedekiya yase itsi akulandvwe Jeremiya, umphrofethi, yatsi akaletfwe esangweni lesitsatfu lelithempeli laSimakadze, yatsi kuJeremiya: “Ngitawubuta lutfo. Ungafihli lutfo kimi.”

Jeremiya 52:24

Indvuna yabomahlalesangweni yatfumba boSeraya, umPhristi Lomkhulu, naZefaniya, umphristi longaphansi kwakhe ngesikhundla, kanye nebagcini beminyango labatsatfu.