Jeremiya 20:7 - Siswati 1996 Bible

⁷ Awu Simakadze, wangiyenga, nami ngayengeka, wangehlula ngemandla, waphumelela. Nyalo sengiyinhlekisa kubantfu lonkhe lilanga, bonkhe bantfu bayangiphukuta.

Jeremiya 20:7 Referencias Cruzadas

2 Emakhosi 2:23

Elisha wesuka lapho waya eBetheli. Watsi asahamba ngemgwaco, bafana baphuma kulelidolobha bamphukuta bamhheletela, bamemeta batsi: “Yenyuka wena mphandla-ndzini! Yenyuka wena mphandla-ndzini!”

Jobe 12:4

Sengiyinhlekisa ngisho nakubangani bami, lite nome Nkulunkulu angiphendvula nangikhala kuye, ngaba yintfo yekuhlekwa nje, lite nome ngilungile futsi ngingenacala.

Jobe 30:9

“Manje sengiyinhlekisa kumadvodzana abo, sengiyingoma kuwo; ngiyintfo yekudlala.

Tihlabelelo 119:51

Labatigcabhako bangihleka bulima; kepha ngingeke ngiphambuke emtsetfweni wakho.

Isaya 8:11

Simakadze wakhuluma kimi ngesandla sakhe lesinemandla, angecwayisa kutsi ngingatilandzeli tindlela talesive, watsi:

Jeremiya 15:10

Maye, make lowangitala, wangiletsa emhlabeni, indvodza, umhlaba wonkhe lowetama kumelana nayo! Angikebolekisi kantsi futsi angikeboleki, noko wonkhe umuntfu uyangicalekisa.

Jeremiya 15:18

Kwentiwa yini kutsi iminjunju yami ingapheli, nelinceba lami libe libibitseka, futsi lingelapheki? Vele, kimi utawuba njengemfula lolite yini nanjengemtfombo lote emanti?

Jeremiya 17:16

Angikakubalekeli kuba ngumelusi wakho, uyati kutsi angikalilangateleli lilanga lekuphelelwa litsemba. Loko lokwendlula etindzebeni temlomo wami kusebaleni emehlweni akho.

Jeremiya 20:9

Kodvwa nangitsi: “Ngingeke ngisambita, futsi ngeke ngisakhuluma egameni lakhe,” livi lakhe lisenhlitiyweni yami lishisa njengemlilo lovalelwe ematsanjeni ami. Sengidziniwe kulibandzetela ngekhatsi kimi, ngempela angisakhoni.

Jeremiya 29:26

‘Simakadze sewubeke wena kutsi ube ngumphristi esikhundleni saJehoyada, kutsi wengamele indlu yaSimakadze; kufanele-ke kutsi bonkhe bantfu labahlanyako batente shangatsi bayaphrofetha, ubafake esitokisini ubabophe tintsamo ngetinketane.

Jeremiya 38:19

Inkhosi Sedekiya yakhuluma kuJeremiya, yatsi: “Ngiyawesaba lamaJuda lasahlubuke aya kumaBhabhulona, ngobe encenye laba baseBhabhulona bangahle banginikele kuwo, afike angiphatse kabi.”

Sililo 3:14

Ngagucuka ngaba yintfo yekuhlekisa kubo bonkhe bantfu, bahlabela tingoma ngami bangihaya lonkhe lilanga.

Hezekeli 3:14

Moya wangiphakamisela etulu wangisusa, ngahamba ngibuhlungu, umoya wami umunyu; ngobe sandla lesimatima saSimakadze sasisetikwami.

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

Jona 4:2

Wathandaza kuSimakadze watsi: “Awu, Simakadze! Akusiko yini loku lengakusho ngiseseveni lakitsi kutsi kutakwenteka? Ngiko ngabaleka ngaya eThashishi; ngobe ngangati kutsi wena unguNkulunkulu lonemusa nesihawu, uyephuta kutfukutsela, unelutsandvo loluphuphumako, uyatisola ngekutfumela lokubi.

Mikha 3:8

Kepha mine, Simakadze ungigcwalisa ngaMoya nangemandla akhe, anginike luvelo lwekwenta tintfo ngekulunga, anginike nesibindzi sekutjela Israyeli lapho one khona nekutsi tono takhe ngutiphi.

Lukha 16:14

BaFarisi nabakuva loku, bamphukuta Jesu, ngobe phela babeyitsandza imali.

Lukha 23:11

Herodi nemabutfo akhe bahlekisa ngaJesu bamhhalatisa ngekwedzelela bamembesa umjiva wengubo, bambuyisela kuPhilatu.

Imisebenti yebaPhostoli 17:18

Letinye tati letitsite tema-Ephikhuri nemaStoyiki taphikisana naye. Letinye tatsi: “Lesibhungayeti setama kutsini?” Letinye tatsi: “Shangatsi ushumayela ngabonkulunkulu labangatiwa.” Takusho loku ngobe Pawula abeshumayela ngaJesu nangekuvuka kwalabafile.

Imisebenti yebaPhostoli 17:32

Kwatsi nabamuva akhuluma ngekuvuka kulabafile, labanye bamhleka bulima, kepha labanye batsi: “Sitawubuye sikuve nawukhuluma ngaloko.”

1 kubaseKorinthe 9:6

Kantsi ngimi naBhanabasi kuphela yini labafanele kutiholela ngekutisebentela?

KumaHebheru 11:36

Labanye baphukutwa, bashaywa, baboshwa ngetinketane ejele.