Jeremiya 20:12 - Siswati 1996 Bible

¹² Awu Simakadze, longuSomandla, wena lohlola lolungile, uphenye inhlitiyo nengcondvo, angikubone kuphindzisela kwakho kubo, ngobe indzaba yami sengiyiniketele kuwe.

Jeremiya 20:12 Referencias Cruzadas

2 Tikhronike 24:22

Inkhosi Jowashi ayizange iwukhumbule umusa leyayiwentelwe nguyise waZakhariya, labenguJehoyada, yesuka yabulala umsa wakhe. Zakhariya watsi nase alayela, asafa watsi: “Shangatsi Simakadze angasibona lesento senu anivuze ngaso.”

Tihlabelelo 11:5

Simakadze uyamvivinya lolungile, kodvwa uyamtondza lomubi nalotsandza budlova.

Tihlabelelo 139:23

Ngihlolisise, Nkulunkulu, wati inhlitiyo yami! Ngilinge, wati imicabango yami,

Tihlabelelo 17:3

Uvivinye inhlitiyo yami, wangivakashela utengihlolisisa ebusuku, kepha awutfolanga lutfo lolubi kimi. Nome ngicabange lokubi, kodvwa umlomo wami awuzange ukhulume lokubi.

Tihlabelelo 54:7

Ngobe wena ungikhululile kuyo yonkhe inhlupheko yami; titsa tami ngitibuke ngeliso lekuncoba.

Tihlabelelo 58:10

Labalungile bayawujabula nababona kuphindziselwa kwalababi, bayawuklabhuta ngetinyawo tabo engatini yalababi.

Tihlabelelo 59:10

Nkulunkulu wami, uyawungihlangabeta ngemusa wakho. Nkulunkulu wami, uyawungenta ngibabukele phansi labatitsa tami.

Tihlabelelo 62:8

Nine sive, yetsembelani kuye ngato tonkhe tikhatsi, tfululelani kuye tinhlitiyo tenu, Nkulunkulu usiphephelo setfu. Cabanga.

Tihlabelelo 7:9

Ncandza bubi balababi, wakha lolungile, ngobe nguwe Nkulunkulu wekulunga lohlola tingcondvo netinhlitiyo.

Tihlabelelo 86:4

Tfokotisa umphefumulo wenceku yakho, ngobe umphefumulo wami ngiwuphakamisela kuwe, Simakadze.

Isaya 37:14

Hezekiya watsatsa lencwadzi kuletigijimi wayifundza, wase ukhuphukela nayo ethempelini laSimakadze, wafike wayendlala embikwaSimakadze.

Isaya 38:14

Ngantjilota ngikhalisa kwenkhonjane, ngabubula ngakhalisa kwelituba, emehlo ami aba luvitsi, nangitsi ngibuka etulu emazulwini, ngihluphekile. Awu Simakadze, wota ungelekelele.”

Jeremiya 11:20

Kodvwa, awu, Simakadze Somandla, wena lowehlulela ngekulunga, uvivinye inhlitiyo nengcondvo, ngicela kubona wena utikhiphela sibhongo kubo, ngobe mine ngitinikele kuwe ngatilahla ematsambo.

Jeremiya 12:8

Lifa lami selifanana nelibhubesi lasehlatsini kimi. Liyangihhongela; ngako ngiyalenyanya.

Jeremiya 17:10

“Mine Simakadze ngiphenya inhlitiyo, ngihlolisise nengcondvo, kuze ngimvuze umuntfu njengekwekutiphatsa kwakhe nanjengekwemisebenti yakhe.”

Jeremiya 17:18

Bahluphi bami abatseleke ngelihlazo, kodvwa mine ungikhweshise ehlazweni, abesatjiswe bona, kodvwa mine ngingesatjiswa. Yehlisela etikwabo lilanga lenhlekelele, babhubhise ngembhubhiso lephindvwe kabili.

1 yaPhetro 2:23

Kwatsi etfukwa, wangete waphindzisela ngenhlamba; kwatsi ahlushwa, wangete wasongela. Kodvwa watinikela kuNkulunkulu lowehlulela ngekulunga.

1 yaPhetro 4:19

Ngako-ke labo labahlupheka ngekwentsandvo yaNkulunkulu abachubeke bente lokuhle, babeke imiphefumulo yabo kuMdali lowetsembekile.

Sembulo 18:20

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!

Sembulo 2:23

Bantfwabakhe ngiyawubashaya bafe. Onkhe emabandla ayawukwati kutsi nginguye lophenyisisa ingcondvo nenhlitiyo. Ngulowo nalowo emkhatsini wenu ngiyawumnika njengekwemisebenti yakhe.

Sembulo 6:10

Bamemeta kakhulu, ngelivi lelikhulu, batsi: “Nkhosi Somandla, longcwele naloliciniso, kuyawudzimate kube ngunini ungehluleli uphindzisele ingati yetfu kulabo labahleti emhlabeni?”

1 Samuweli 1:15

Kodvwa Hana waphendvula watsi: “Cha, nkhosi yami, angikadzakwa, ngingumfati loselusizini lolukhulu, angikaze ngilinatse liwayini nome tjwala, bengisatfulula inhlitiyo yami kuSimakadze.