Jeremiya 20:1 - Siswati 1996 Bible

¹ Kwatsi umphristi Phashuri, umsa wa-Imeri, indvuna lenkhulu yasethempelini laSimakadze, nakeva Jeremiya aphrofetha ngaletintfo,

Jeremiya 20:1 Referencias Cruzadas

2 Emakhosi 25:18

Lendvuna yabomahlalesangweni yatfumba Seraya, umPhristi Lomkhulu, naZefaniya, umphristi longaphansi kwakhe ngesikhundla, kanye nebagcini beminyango labatsatfu.

1 Tikhronike 24:14

yeli-15 yadla Bilgayi, yeli-16 yadla Imeri,

1 Tikhronike 9:11

na-Azariya, umsa waHilkiya, umsa waMeshulamu, umsa waSadoki, umsa waMerayothi, umsa wa-Ahitubi, labeyindvuna endlini yaNkulunkulu,

2 Tikhronike 35:8

Netiphatsimandla takhe nato tabapha ngesihle labantfu benkhosi, nebaphristi, nemaLevi. BoHilkiya, naZakhariya, naJehiyeli lababengamele ethempelini laNkulunkulu bapha baphristi iminikelo yeliPhasika leti-2 600 kanye netinkhomo letingema-300.

Jeremiya 20:6

Wena-ke Phashuri, nabo bonkhe basekhaya kakho, niyawutfunjelwa eBhabhulona. Niyawufike nifele khona lapho, ningcwatjwe khona, wena kanye nabo bonkhe labangani bakho lophrofethe kubo emanga.’ ”

Jeremiya 29:26

‘Simakadze sewubeke wena kutsi ube ngumphristi esikhundleni saJehoyada, kutsi wengamele indlu yaSimakadze; kufanele-ke kutsi bonkhe bantfu labahlanyako batente shangatsi bayaphrofetha, ubafake esitokisini ubabophe tintsamo ngetinketane.

Jeremiya 37:15

Tamtfukutselela Jeremiya, tatsi akashaywe; tase tiyambopha tamfaka endlini kaJonathani, labengumabhalane, ngobe yayentiwe lijele.

Imisebenti yebaPhostoli 4:1

Kwatsi boPhetro naJohane basakhuluma kubantfu, kwasondzela kubo baphristi, nemphatsi wabogadzi belithempeli, nebaSadusi.

Imisebenti yebaPhostoli 5:24

Nasikuva loko siphatsimandla lesiphetse bogadzi belithempeli, nebaphristi labakhulu nabakuva loko, bamangala kutsi ngabe kwentekeni kubaphostoli.