Jeremiya 2:8 - Siswati 1996 Bible

⁸ Baphristi abazange babute, batsi: ‘Uphi Simakadze?’ Labo labafundzisa ngemtsetfo abazange bangati, nebaholi bangivukela. Baphrofethi baphrofetha ngaBhali, balandzela tithico letingenamsebenti.”

Jeremiya 2:8 Referencias Cruzadas

1 Emakhosi 18:22

Elija wakhuluma kubo watsi: “Ngimi ngedvwa losele emkhatsini webaphrofethi baSimakadze, kodvwa Bhali unebaphrofethi labangema-450.

1 Emakhosi 18:29

Yendlula imini, bachubeka nemadlingozi abo ekuphrofetha, kwaze kwashaya sikhatsi semhlatjelo wakusihlwa. Kodvwa kwabate imphendvulo, kute lowaphendvula, kute nalowanaka.

1 Emakhosi 18:40

Elija wakhuluma kubo, watsi: “Bambani labaphrofethi baBhali. Kungaphunyuli ngisho namunye wabo!” Babanjwa, Elija watsi abehliselwe emfudlaneni iKhishoni; babulawelwa khona lapho.

Jobe 35:10

Kodvwa kute lotsi: ‘Uphi Nkulunkulu, uMdali wami, lowephana ngetingoma ebusuku,

Isaya 28:7

Nabo labo bayayendza ngenca yeliwayini, babhadzatele ngenca yetjwala, baphristi nebaphrofethi bayayendza ngenca yetjwala, basangene ingcondvo ngenca yeliwayini, badzayiteliswa tjwala, bayayendza nababona imibono, bayakhubatela nabakhipha tincumo.

Isaya 29:10

Simakadze wehlisele etikwenu butfongo lobukhulu: Uwavalile emehlo enu, baphrofethi, utimbonyile tinhloko tenu, baboniswa.

Isaya 30:5

bonkhe bantfu bayawuba nemahloni ngenca yebantfu labangenamsebenti kubo, nalabangasiti ngalutfo nalabangaletsi lutfo ngaphandle kwenjabhiso nendlisamahloni.”

Jeremiya 10:21

Belusi abanangcondvo, abambuti naSimakadze; ngako abaphumeleli, nayo yonkhe imihlambi yabo isakatekile.

Jeremiya 12:10

Belusi labanyenti bayawubhubhisa sivini sami, bagcobagcobe insimi yami. Batayigucula insimi yami lenhle, bayente umhlaba losigagadvu.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Jeremiya 2:11

Sive sake santjintjiselana yini ngabonkulunkulu baso? Yebo kona abasibo bonkulunkulu balutfo. Kodvwa sive sami sintjintjise ngenkhatimulo yaNkulunkulu waso, sakhonta tithico letingenamsebenti.

Jeremiya 2:6

Abazange babute, batsi: ‘Uphi Simakadze lowasikhipha eGibhithe, wasihola sadzabula lihlane lelingenalutfo, sadzabula live lelinetingagadvu nemigedze, live lesomiso nebumnyama, live lelingahanjwa ngumuntfu nalelingahlalwa ngumunfu?’

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Jeremiya 7:8

Kodvwa bukani la, nine netsembele emavini langemanga nalangenamsebenti.

Jeremiya 9:14

Esikhundleni saloko, balandzele inkhani yetinhlitiyo tabo, balandzela boBhali, njengemfundziso yaboyise.”

Hezekeli 22:26

Baphristi balo bephula umtsetfo wami bahlambalate tintfo tami letingcwele; abehlukanisi emkhatsini walokungcwele nalokutintfo nje; bafundzisa kutsi kute umehluko emkhatsini walokuhlantekile nalokungcolile ngekwemtsetfo; bavala emehlo abo bangakunaki kugcina emaSabatha ami, khona ngitewuhlanjalatwa emkhatsini wabo.

Hezekeli 34:2

“Ndvodzana yemuntfu, phrofetha umelane nebelusi baka-Israyeli; phrofetha ukhulume kubo, utsi: ‘Naku lokushiwo yiNkhosi Simakadze, itsi: Nako kubelusi baka-Israyeli labatinakekela bona kuphela! Belusi akukafaneli yini kutsi banakekele umhlambi?

Hoseya 4:6

bantfu bami bayabhujiswa ngenca yekweswela lwati. “Njengobe nikulahlile kwati mine, nami-ke sengiyanilahla kutsi ningete naba baphristi bami; njengobe niwutsalalisele umtsetfo waNkulunkulu wenu, nami-ke ngiyawubatsalalisela bantfwabenu.

Habakhuki 2:18

“Sinamsebenti muni sithico, njengaloku sibatwe ngumuntfu nje? Yebo, sisitani sitfombe lesifundzisa emanga? Ngobe lowo losibatako wetsembela emsebentini wetandla takhe, wakha tithico letingeke tize tikhulume.

Matewu 16:26

Ngobe kuyawumsita ngani umuntfu kutfola live lonkhe, kepha alahlekelwe ngumphefumulo wakhe? Ingabe angakhiphani umuntfu kuhlenga umphefumulo wakhe?

Lukha 11:52

“Maye kini, tati temtsetfo! Nitsatse sikhiya sekuvula umnyango welwati, nine matfupha anikangeni ngekhatsi, konje nibavimbele labo labafuna kungena ngekhatsi.”

Johane 16:3

Bayawukwenta konkhe loku, ngobe bangamati Babe, nami bangangati.

Johane 8:55

“Kodvwa nine anikamati, mine ngiyamati. Kube bengitsite angimati, bengitawube ngicala emanga njengani. Kepha mine ngiyamati. Livi lakhe ngiyaligcina.

2 kubaseKorinthe 4:2

Sesiyilahle yonkhe imisebenti yebumnyama neyelihlazo asiphili ngebucili, asiliphambanisi livi laNkulunkulu, kepha sibeka liciniso laNkulunkulu ebaleni, kunembeza webantfu bonkhe embikwaNkulunkulu.

Dutheronomi 33:10

Uyawufundzisa imiyalo yakho kuJakobe, nemitsetfo yakho ku-Israyeli. Ushisa imphepho embikwakho, neminikelo yekushiswa yonkhe elatini lakho.

1 Samuweli 12:21

Ningagucukeli etithicweni letingenamsebenti. Tingeke tinisite ngalutfo, tingeke tinisite nekunisita nato, ngobe atinamsebenti walutfo.

1 Samuweli 2:12

Emadvodzana a-Eli abengemadvodza lakhohlakele; abengenandzaba naSimakadze.