Jeremiya 2:5 - Siswati 1996 Bible

⁵ Naku lokushiwo nguSimakadze, utsi: “Cala lini boyihlo labalitfola kimi, kutsi bangaze baphambuke kangaka kimi? Balandzela tithico letingenamsebenti, nabo sebagucuka baba lite.

Jeremiya 2:5 Referencias Cruzadas

2 Emakhosi 17:15

Batala timiso takhe nesivumelwane sakhe labesente naboyisemkhulu, kanye neteluleko labebeluleke ngato. Balandzela tithico letingenamsebenti walutfo, nabo bagcina sebangenamsebenti walutfo. Basuke balingisa letive letatakhelene nabo, kantsi Simakadze abebayalile watsi: “Ningabalingisi.” Benta kona kanye loko Simakadze labetsite bangabokwenta.

Tihlabelelo 115:8

Laba labatentako bafanana nato, bonkhe labetsembele kuto bafanana nato.

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Isaya 44:9

Bonkhe labenta tithico balite, naletintfo letiligugu kangaka kubo tilite. Labo lababetikhulumela batimphumphutse, futsi abati lutfo, lokulihlazo kubo.

Isaya 46:12

Lalelani kimi, nine bonhlitiyo letinenkhani, nine lenikhashane nekulunga.

Jeremiya 10:8

Tonkhe atinangcondvo tetfwele bulima, tifundziswa tithico letingenamsebenti tetigodvo.

Jeremiya 12:2

Ubahlanyele, bamila; bayakhula batsele titselo. Sonkhe sikhatsi uhlala usetindzebeni temilomo yabo, kodvwa ukhashane netinhlitiyo tabo.

Jeremiya 14:22

Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Jeremiya 2:31

“Nine balesitukulwane, zindlani ngelivi laSimakadze lelitsi: Mine bengilihlane yini ku-Israyeli, nome-ke live lebumnyama lobukhulu? Sive sami sisholani kutsi: ‘Sikhululekile kutsi singajangaza, singeke siphindze site kuwe’?

Jeremiya 2:4

Vanini livi laSimakadze, ninendlu yakaJakobe, nonkhe nine bantfu belusendvo lwendlu yaka-Israyeli.

Jeremiya 8:19

Lalelani kukhala kwesive sami, sikhala eveni lelikhashane kakhulu, sitsi: “Simakadze akekho yini eSiyoni? Kungabe iNkhosi yayo ayikho yini lapho?” “Bangitfukutseliseleni ngaletitfombe tabo, ngaletithico tabo tebetive letingenamsebenti?”

Hezekeli 11:15

“Ndvodzana yemuntfu, bomnakenu, yebo, bomnakenu lekutihlobo takho tengati kanye nayo yonkhe indlu yaka-Israyeli, ngulabo bantfu baseJerusalema labakhulume ngabo, batsi: ‘Labatfunjiwe bakhashane kakhulu naSimakadze, lelive selinikwe tsine kutsi libe lifa letfu.’

Hezekeli 14:5

Loko ngiyawukwenta kuze ngitetibamba kabusha tinhlitiyo tebantfu baka-Israyeli, lase bangilahle bonkhe baya etithicweni tabo.’

Jona 2:8

Labo labakhonta bonkulunkulu labalite bamshiyile Nkulunkulu sibili lophatsana ngemusa.

Matewu 15:8

“ ‘Lesive singidvumisa ngetindzebe temlomo, kepha inhlitiyo yaso ikhashane nami,’ kusho iNkhosi.

Imisebenti yebaPhostoli 14:15

“Madvodza, nikwentelani loku? Natsi sibantfu nje, labafanana nani! Site lapha kuniletsela liVangeli, kuze nigucuke nisuke kuletintfo letingenamsebenti niye kuNkulunkulu lophilako, lowenta lizulu, nemhlaba, nelwandle, nako konkhe lokukuko.

KubaseRoma 1:21

ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.

Dutheronomi 32:21

Bangenta ngaba nesikhwele ngalokungesiye nkulunkulu. Bangitfukutselisa ngetithico tabo letingenamsebenti. Ngiyawubenta babe nemona ngalabo labangesiso sive. Ngiyawubatfukutselisa ngesive lesingenakucondza.

1 Samuweli 12:21

Ningagucukeli etithicweni letingenamsebenti. Tingeke tinisite ngalutfo, tingeke tinisite nekunisita nato, ngobe atinamsebenti walutfo.