Jeremiya 2:37 - Siswati 1996 Bible

³⁷ Nawe utawusuka kuleyo ndzawo, utawusuka ujabhile, ngobe Simakadze sewubalahlile labo bewukadze ubetsemba, bangeke bakusite ngalutfo.”

Jeremiya 2:37 Referencias Cruzadas

2 Samuweli 11:12

Davide wase ukhuluma utsi: “Ase uhlale natsi-ke lonkhe lelilanga lalamuhla, ngitakuncandzekisa kusasa.” Ngako Uriya wahlala eJerusalema lonkhe lelo langa, nangakusasa kwakhona.

2 Samuweli 13:19

Thamari watitsela ngemlotsa enhloko waklebhula lengubo yakhe labeyembetse. Wetfwala imikhono enhloko, ahamba akhala kakhulu.

2 Tikhronike 13:12

Nkulunkulu unatsi, yena ungumholi wetfu. Baphristi bakhe labaphetse emacilongo abo batakuwashaya, khona sitekulwa nani. Madvodza aka-Israyeli, ningalwi naSimakadze, Nkulunkulu waboyihlo, ngobe ningeke niphumelele.”

Isaya 10:4

Kute leningakwenta ngaphandle kwekushosha phansi kanye nalabatfunjwako, nome niwele phansi emkhatsini walababulewe. Noko ngako konkhe loku, lulaka lwakhe alukagucuki, nesandla sakhe sisephakeme.

Isaya 28:18

Sivumelwane senu lenisente nekufa siyakwentiwa sibe lite; sivumelwane senu lenisente nelithuna singeke sime. Kuyawutsi sivunguvungu sekushisa nasiphephula sendlula kini, sinishaye sinilahle phansi.

Jeremiya 14:3

Bahlonishwa batfumela tisebenti tabo kutsi tiyewubakhelela emanti; tiya etitibeni temanti kodvwa tikhandze kute emanti. Tibuya netimbita tato temanti tingenalutfo, tijabhile futsi tiphelelwe litsemba.

Jeremiya 14:4

Umhlabatsi sewugatukile, ngobe kute imvula eveni: Balimi bayajabha, bambonye buso babo.

Jeremiya 17:5

Naku lokushiwo nguSimakadze, utsi: “Ucalekisiwe umuntfu lowetsembela kumuntfu, umuntfu lowencike emandleni alomunye umuntfu, nalonhlitiyo yakhe imfulatsela Simakadze.

Jeremiya 2:36

Utiguculelani kangaka tindlela takho? IGibhithe itakujabhisa, njengaloku wake wajabhiswa yi-Asiriya.

Jeremiya 22:20

“Yenyuka uye eLebanoni, umemete, liphimbo lakho alivakale eBhashani, khala use-Abarimu, ngobe bonkhe bangani bakho bapitjitiwe.

Jeremiya 22:30

Naku lokushiwo nguSimakadze, utsi: “Bhalisa lendvodza njengalete umntfwana, indvodza lengeke ichume emphilweni yayo, ngobe kute lokutalwa ngiyo lokuyawuchuma, kute loyawuhlala esihlalweni sebukhosi saDavide nome aphindze abuse kaJuda.”

Jeremiya 32:5

Iyawutsatsa Sedekiya imyise eBhabhulona, lapho ayawuhlala khona ngize ngimcondzise, kusho Simakadze. Nanilwa nemaBhabhulona ngeke niphumelele.’ ”

Sililo 4:17

Ngetulu kwaloko, emehlo etfu adzimate akhatsala solomane agolotele lusito lungaveli, sabukisisa emibhoshongweni yetfu, silindzele sive lesasingeke sisisindzise.

Numeri 14:41

Mosi wakhuluma watsi: “Pho, nentelani lokungawulaleli umyalo waNkulunkulu? Loku ngeke kuphumelele!