Jeremiya 2:34 - Siswati 1996 Bible

³⁴ Etingutjeni takho tekugcoka emadvodza atfola umnyombo wekuphila kwalabamphofu labangenacala, nome ungazange ubabambe bagcekeza. Noko ngetulu kwako konkhe loku,

Jeremiya 2:34 Referencias Cruzadas

2 Emakhosi 21:16

Ngetulu kwaloko, Manase wacitsa kakhulu ingati yalabangenacala, kangangekutsi titaladi taseJerusalema tatigeleta ingati kusukela ekucaleni kuze kuyewuphuma ekugcineni. Loko wakwengetela ekwenteni sive sakaJuda kutsi sikhonte tithico, wasenta sona kuSimakadze.

2 Emakhosi 24:4

kanye nekucitsa kwakhe ingati leyayingenacala, ngobe phela iJerusalema yayigcwele ingati yebantfu lababengenacala. Simakadze abengakatimiseli kutsetselela Manase ngaloko.

Eksodusi 22:1

“Nangabe umuntfu ebe inkhomo nome imvu bese uyayibulala uyayitsengisa, kufanele akhiphe inkhokhelo yalenkhomo ibe tinkhomo letisihlanu, inkhokhelo yemvu ibe timvu letine.

Eksodusi 22:2

Nangabe lisela libanjwe ligcekeza lashaywa laze lafa, lowo lolibulele akanacala lengati;

Isaya 57:5

Nishiselwa tinkhanuko etihlahleni tema-okhi nangaphansi kwato tonkhe tihlahla letendlala emagala ato. Ninikela ngebantfwabenu emifudlaneni nangaphansi kwemifantfu yemadvwala.

Isaya 59:3

Ngobe tandla tenu tingcoliswe yingati, nemino yenu igcwele emacala. Imilomo yenu ikhulume emanga, netilwimi tenu tihebeta tintfo letimbi.

Isaya 59:7

Tinyawo tabo tigijimela esonweni, bayashesha kucitsa ingati lengenacala. Imicabango yabo ngemacebo. Imbhubhiso nekucitsa kutimphawu tetindlela tabo.

Jeremiya 19:4

Ngobe bangishiyile mine, benta lendzawo yaba yabonkulunkulu betive, bashise imihlatjelo kuyo kubonkulunkulu labangabati, bona kanye naboyisemkhulu, ngisho nemakhosi akaJuda, bagcwalise lendzawo ngengati lengenacala.

Jeremiya 2:33

Maye, unemasu ekucoshaneni nelutsandvo! Ngisho nebesifazane labangcole kabi bangafundza tindlela takho.

Jeremiya 6:15

Kantsi banawo yini emahloni ngemanyala abo labawentako? Cha, bate nalamancane nje emahloni, abakwati ngisho nekukhophota. Ngako batakuwela kulabawile, bayawukwehliselwa phansi nangibajezisa,” kusho Simakadze.

Jeremiya 7:31

Bakhe tindzawo letiphakeme taseThofethi eSigodzini sakaBheni Hinomu kutsi bayewushisa emadvodzana nemadvodzakati abo emlilweni, intfo lengingazange ngibayale ngayo, futsi lengazange ingene nasengcondvweni yami.

Jeremiya 7:6

naningabacindzeteli labo bekuhamba, nalabangenaboyise, nebafelokati, ningayicitsi nengati lengenacala kulendzawo, ningabalandzeli labanye bonkulunkulu kutsi nitilimate nine,

Jeremiya 8:12

Kantsi banawo yini emahloni ngalamanyala abo labawentako? Cha, bate nalamancane nje emahloni; abakwati ngisho nekukhophota. Ngako bayakuwela kulabawile, bayakwehliselwa phansi, nabajeziswako, kusho Simakadze.

Sililo 1:9

Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”

Sililo 4:14

Nyalo baphrofethi nebaphristi sebadvukuta etitaladini njengemadvodza latimphumphutse. Tingubo tabo setishone ingati, tadzimate tangcola lokwekutsi sekute namunye lofisa nekutitsintsa ngesandla tembatfo tabo.

Hezekeli 20:31

Nanetfula tipho tenu, imihlatjelo lengemadvodzana enu emlilweni, nichubeka nekutingcolisa ngato tonkhe letithico tenu kuze kube ngulamuhla. Mine-ke sekufanele nginivumele yini kutsi nibute kimi, ninendlu yaka-Israyeli? Kona ngifunga kuphila kwami, ngingeke nginivumele nibute kimi, kusho iNkhosi Simakadze.

Hezekeli 22:25

Kuneluzungu lwetikhulu talo letisekhatsi kulo njengelibhubesi lelibhodlako nalidladlabula inyamatane yalo lelitayidla, tishwabudzela bantfu, titsatse ingcebo netintfo letingemagugu, tente bafelokati labanyenti ekhatsi kulo.

Hezekeli 23:45

Kodvwa emadvodza lalungile ayakubalahla ngesijeziso salabasikati labagwadlako nalabacitsa ingati, ngobe batingwadla, ingati isetandleni tabo.

Hezekeli 24:7

“ ‘Ngobe lengati leliyicitsile isekhatsi kulo: Layitsela edvwaleni lelingenalutfo; alizange liyitsele emhlabatsini, lapho beyitawumbonywa khona lutfuli.

Hezekeli 9:9

Wangiphendvula watsi: “Sono sendlu yaka-Israyeli neyakaJuda sikhulu ngalokwengcile; live seligobhota ingati, nelidolobha seligcwele kungabi namtsetfo. Batsi: ‘Simakadze ulikhohliwe lelive; Simakadze akaboni.’