Jeremiya 2:31 - Siswati 1996 Bible

³¹ “Nine balesitukulwane, zindlani ngelivi laSimakadze lelitsi: Mine bengilihlane yini ku-Israyeli, nome-ke live lebumnyama lobukhulu? Sive sami sisholani kutsi: ‘Sikhululekile kutsi singajangaza, singeke siphindze site kuwe’?

Jeremiya 2:31 Referencias Cruzadas

1 Emakhosi 11:22

Faro wambuta watsi: “Yini loyeswelako lapha, kutsi ungaze ucele kuhamba ubuyele eveni lakini?” Hadadi wamphendvula watsi: “Kute, kodvwa ngikhulule ngihambe!”

2 Tikhronike 31:10

Azariya, umPhristi Lomkhulu, wendlu yakaSadoki, waphendvula watsi: “Solomane kwesukela mzukwana sive sicala kuletsa iminikelo yaso ethempelini laSimakadze, besinekudla lokunyenti, besidla sesutse kuze kusale, ngobe Simakadze usibusisile sive sakhe, letindvundvuma nje sengulokusele.”

Jobe 21:14

Noko bakhuluma kuNkulunkulu, batsi: ‘Ase uyekele tsine! Site sifiso sekwati tindlela takho.

Tihlabelelo 10:4

Lomubi uyatigabatisa, akanaki lutfo, emicabangweni yakhe yonkhe, utsi: “Kute Nkulunkulu.”

Tihlabelelo 12:4

Shangatsi Simakadze angabajuba tilwimi laba labakhuluma bachoshe batsi: “Sigabe ngelulwimi lwetfu sitawutikhulumela, iphi leyo nkhosi lengasikhona tsine?”

Taga 30:9

Nangingaba nako kube kunyenti, ngingahle ngicabange kutsi wena angisakudzingi, ngidzimate ngitsi: “Ngubani yena loSimakadze?” Nome-ke nangingaba luphuya, ngingahle ngebe, ngaloko ngihlazise Nkulunkulu wami.

Isaya 45:19

Angikakhulumi ekusitsekeni, kulenye indzawo lelive lebumnyama. Angikasho etitukulwaneni taJakobe, ngatsi: ‘Ngifuneleni lite.’ Mine, Simakadze, ngikhuluma liciniso, ngikhuluma loko lokulungile.”

Jeremiya 2:20

“Lijoko lakho walephula, lokwa kadzeni, watidzabula tibopho takho, watsi: ‘Ngingeke ngikukhonte!’ Ngempela, kuwo onkhe emagcuma laphakeme nangaphansi kwato tonkhe tihlahla letendlala emagala ato, walala phansi, walala njengengwababane.

Jeremiya 2:25

Ungagijimi kuze kudzabuke ticatfulo takho nemphimbo wakho uze wome. Kodvwa wena watsi: ‘Akusiti lutfo! Ngiyatitsandza tithico tebetive, futsi tona ngitatilandzela.’ ”

Jeremiya 5:5

Ngako ngiyakuya kubaholi, ngikhulume kubo, ngempela, bayayati indlela yaSimakadze, imiyalo lefunwa nguNkulunkulu wabo, kubo.” Kodvwa nabo futsi nganhlitiyonye balephula lijoko, batidzabula netibopho.

Jeremiya 5:6

Ngako-ke batawuhlaselwa libhubesi leliphuma ehlatsini, batawuphangwa yimphisi lephuma ehlane, ingwe itawubalalela endleleni edvutane nemadolobha abo; itemdzabudzabula abe ticucu nome ngubani lotsi uyaphuma, ngobe kuhlubuka kwabo kukhulu, nekweduka kwabo kunyenti.

Hezekeli 14:5

Loko ngiyawukwenta kuze ngitetibamba kabusha tinhlitiyo tebantfu baka-Israyeli, lase bangilahle bonkhe baya etithicweni tabo.’

Hoseya 13:6

Ngatsi nangibondla emadlelweni lamahle, besutsa; batsi kube besutse, base bayatigabatisa, base bayangikhohlwa.

Amose 1:1

Lawa ngemavi a-Amose, lomunye webantfu lababefuye timvu eThekhowa, ngaloko lakuboniswa lokumacondzana nema-Israyeli iminyaka lemibili umhlaba ungakatamatami, ngesikhatsi Uziya ayinkhosi yakaJuda, Jerobowamu, umsa waJehoyashi, ayinkhosi yaka-Israyeli.

Mikha 6:9

Kuhlakanipha kumesaba Simakadze. Uyamemeta edolobheni utsi: “Lalelani nine bantfu lenibutsana edolobheni!

1 kubaseKorinthe 4:8

Senenele! Seninjingile! Senitente emakhosi ngaphandle kwetfu! Maye, ngifisa shangatsi ngabe ningemakhosi sibili, sitewuhlephunelana nani lokubusa!

Dutheronomi 31:20

Ngitawutsi ngingabangenisa kulelive leligcwele lubisi neluju lwetinyosi, live lengaletsembisa ngesifungo kubokhokho babo, futsi batsi bangadla besutse, banotse, bayawube sebaphambukela kulabanye bonkulunkulu babakhonte, bangilahle mine, bephule nesivumelwane sami.

Dutheronomi 32:15

“Jeshuruni wazimuka wakhahlela; wesutsa kudla, wesuleka, watamasa. Wamfulatsela Nkulunkulu lowamenta, walala Lidvwala lelinguMsindzisi wakhe.

Dutheronomi 32:18

Nalilahla Lidvwala lelaba nguyihlo kini, namkhohlwa Nkulunkulu lowanitala.