Jeremiya 2:3 - Siswati 1996 Bible

³ Israyeli abengcwele kuSimakadze, tilinga tesivuno sakhe; bonkhe labamshwabudzela babekwa licala, inhlekelele yehlela etikwabo,’ ” kusho Simakadze.

Jeremiya 2:3 Referencias Cruzadas

Eksodusi 22:29

“Ungayekeli kunikela ngesivuno sakho semabele neseliwayini nasekuvunwa. “Ungiphe litubulo lemadvodzana akho.

Eksodusi 23:16

“Ubogubha uMkhosi Wesivuno ngesivuno setilinga tekucala tensimi yakho. “Ubogubha uMkhosi Wekubutsa ekupheleni kwemnyaka, nase ubutsa sivuno lesititfukutfuku takho.

Isaya 41:11

“Bonkhe labakubhavumulelako, impela, bayakudliwa ngemahloni, bahlazeke; labo labemelene nawe bayawuba lite, babhubhe baphele.

Isaya 47:6

Ngangisitfukutselele sive sami, ngalilahla lifa lami, ngabanikela esandleni sakho, nawe awuzange ubahawukele ngemusa; ngisho nalasebagugile, wabagaca ngelijoko lelimatima.

Jeremiya 12:14

Naku-ke lokushiwo nguSimakadze, utsi: “Bonkhe labomakhelwane bami labakhohlakele labatsatsa ngendlovuyangena lifa lami lengalipha sive sami, ema-Israyeli, ngitabazuphuna kulamave abo, ngiphindze ngizuphune nendlu yakaJuda emkhatsini wabo.

Jeremiya 2:4

Vanini livi laSimakadze, ninendlu yakaJakobe, nonkhe nine bantfu belusendvo lwendlu yaka-Israyeli.

Jeremiya 30:16

“ ‘Kodvwa bonkhe labakushwabudzelako bayawushwabudzelwa nabo. Tonkhe titsa takho tiyawuyiswa ekutfunjweni. Labo labakuphangako nabo bayawuphangwa. Bonkhe labenta wena imphango, nami ngiyawubenta baphangwe.

Jeremiya 50:7

Bonkhe lababatfola babadla, titsa tabo tatsi: ‘Site tsine licala, ngobe bona kuSimakadze labelidlelo labo sibili, Simakadze, litsemba laboyisemkhulu.’

Joweli 1:3

Loku kutjeleni bantfwabenu, nebantfwabenu bakutjele bantfwababo, nebantfwababo bakutjele situkulwane lesilandzelako,

Amose 6:1

Maye kini, nine labanetsetekile eSiyoni, nakini nine labativela bavikelekile entsabeni yaseSamariya! Maye nakini, nine madvodza lagcamile esiveni lesikhulu nalesisekucala etiveni tonkhe, nine labeta kini baka-Israyeli!

Habakhuki 1:11

Bese sishulungana sendlulele embili njengemoya, emadvodza lanemacala, lamandla awo angunkulunkulu wawo.”

Zakhariya 1:15

Bengingakatfukutseli kangaka, kodvwa tive letitibona kutsi tiphephile setengete kulenhlekelele, tangitfukutselisa kakhulu.’

Zakhariya 2:8

Ngobe naku lokushiwo nguSimakadze longuSomandla, longitfumile wangipha emandla kutsi ngimelane netive letiniphangile, ngobe umuntfu lotsintsa nine utsintsa inhlavu yeliso laSimakadze.

Numeri 18:12

“Ngikupha sonkhe sivuno lesihle setilinga lesinikelwa kuSimakadze kulowo nalowo mnyaka: semafutsa emncumo, neseliwayini kanye nesakolo.

KubaseRoma 11:16

Nangabe litsantana lenhlama lehlukaniselwe Nkulunkulu, nenhlama yonkhe yehlukaniselwe Nkulunkulu; futsi nangabe imphandze ingcwele, nemagala angcwele.

KubaseRoma 16:5

Hambisani nalelo bandla lelihlanganela endlini yabo. Hambisani Ephayinethosi wami lotsandzekako lowaba yindvodza yekucala leyakholwa kuKhristu eveni lase-Asiya.

Kubase-Efesu 1:4

Kwatsi nemhlaba ungakasekelwa, Nkulunkulu wasikhetsa ngaKhristu, kuze sibe ngcwele, singabi nasici emehlweni akhe. Njengobe asitsandza,

Dutheronomi 14:2

ngobe nisive lesingcwele saSimakadze Nkulunkulu wenu. Kuto tonkhe tive letisebusweni bemhlaba, Simakadze ukhetse nine kutsi nibe sive lesiligugu lakhe.”

Dutheronomi 26:19

Wetsembisile kutsi uyakunenta nidvunyiswe, nidvume, nihlonishwe ngetulu kwato tonkhe tive latentile Nkulunkulu wenu, njengobe etsembisa.”

Dutheronomi 7:6

Ngobe nine nisive lesingcwele saSimakadze Nkulunkulu wenu. Simakadze Nkulunkulu wenu unikhetse emkhatsini wato tonkhe tive letisebusweni bemhlaba, kutsi nibe sive sakhe, sive lesiligugu lelingelakhe.

YaJakobe 1:18

Ngekwentsandvo yakhe wasitala ngelivi leliciniso, khona sitekuba ngematubulo ato tonkhe tidalwa takhe.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

Sembulo 14:4

Laba bangemadvodza langazange asatingcolise ngalabasikati, bamsulwa. Ngibo laba labalandzela liWundlu nome kukuphi lapho liya khona. Kubo bonkhe bantfu ngibo labahlengiwe, balulibo lwaNkulunkulu nelweliWundlu.