Jeremiya 2:27 - Siswati 1996 Bible

²⁷ Bakhuluma elugodvweni batsi: ‘Wena ungubabe wami,’ nasetjeni bakhulume batsi: ‘Wena wangitala.’ Bangifulatsele, bafihla buso babo kimi, kodvwa batsi nase bahluphekile bese batsi: ‘Kota utesisindzisa!’

Jeremiya 2:27 Referencias Cruzadas

2 Tikhronike 29:6

Bobabe bebangaketsembeki; benta lokubi emehlweni aSimakadze Nkulunkulu wetfu, bamfulatsela. Besusa buso babo endzaweni lapho kuhlala khona Simakadze, bamfulatsela.

Isaya 26:16

Simakadze, beta kuwe ekudzabukeni kwabo, ngesikhatsi ubajezisa babehluleka ngisho nekuhebeta umkhuleko.

Jeremiya 10:8

Tonkhe atinangcondvo tetfwele bulima, tifundziswa tithico letingenamsebenti tetigodvo.

Jeremiya 18:17

Njengemoya wasemphumalanga, ngiyawubasakata embikwetitsa tabo; ngiyawubafulatsela, ngingabheki ngakubo, ngelilanga lesehlakalo sabo.”

Jeremiya 2:24

unjengembongolo yesiganga, leyetayele lihlane, lehosha umoya nase ikhanuka, ngubani nje longayivimbela nase ifuna kwekhwelwa? Tonkhe tinkunzi tetimbongolo letiyicoshako atikafaneli kutsi titikhatsate, ngesikhatsi sekwekhwelwa titayitfola.

Jeremiya 22:23

Wena lohlala ‘eLebanoni,’ lotitfukuse etindlini temisedari, maye uyawufa kuquma kanjani nase wehlelwa tinhlungu, tinhlungu letifanana netemhelo wemfati nakabeleka!”

Jeremiya 3:9

Njengobe bugwadla ba-Israyeli abusho lutfo kuye, walingcolisa live, waphinga netithico letingematje naletitigodvo.

Jeremiya 30:7

Maye, liyesabeka lelo langa, kute leliyawuse libe njengalo. Kuyawuba sikhatsi senhlupheko kaJakobe, kodvwa uyawusindziswa kuso.

Jeremiya 32:33

Bangifulatsela bangete bangibuka, lite nome ngangibafundzisa njalonjalo, abazange balalele, futsi abazange bakunake nekukunaka kujezisa kwami.

Jeremiya 37:3

Noko Sedekiya, inkhosi, watfumela Jukhali, umsa waShelemiya, kanye nemphristi Zefaniya, umsa waMaseya, kuJeremiya, umphrofethi, nemlayeto lotsi: “Siyakucela kutsi umane usithandazele kuSimakadze Nkulunkulu wetfu.”

Jeremiya 42:2

bafika kuJeremiya, umphrofethi, batsi: “Sicela ulalele nasi sicelo setfu, bese uthandazela yonkhe lensali kuSimakadze longuNkulunkulu wakho. Njengobe ubona nje, nome sake saba banyenti, kodvwa nyalo sesisele simbalwa.

Hezekeli 23:35

“Ngako-ke naku lokushiwo yiNkhosi Simakadze, itsi: Njengobe sewungikhohliwe wangilahla ngemuva kwakho, ufanele uwetfwale umphumela weluntjingintjingi lwakho lwenkhanuko nebugwababane bakho.”

Hezekeli 8:16

Wase ungiyisa esibuyeni lesisekhatsi nekhatsi endlini yaSimakadze, lapho ekungeneni kwelithempeli, emkhatsini wemhubhe nelilati, kwakunemadvodza langema-25. Imihlane yawo ibheke ngasethempelini laSimakadze, buso bawo bubheke ngasemphumalanga, babekhotsamela lilanga ngasemphumalanga.

Danyela 9:7

“Simakadze, wena ulungile, kodvwa lamuhla nje sesitseleke ngelihlazo, bantfu bakaJuda netakhamiti taseJerusalema, nawo onkhe ema-Israyeli, yebo, labasedvute nalabakhashane kuwo onkhe emave, lapho usisakatele khona ngenca yekungetsembeki kwetfu kuwe.

Hoseya 4:12

kwebantfu bami. Indlela bayibuta etithicweni tetigodvo, baphendvulwe yindvuku yelugodvo. Umoya webugwadla uyabedukisa; abaketsembeki kuNkulunkulu wabo.

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Hoseya 7:14

Abakhali kimi ngalokusuka etinhlitiyweni tabo, kodvwa balila emibhedzeni yabo. Babutsana ndzawonye babutsanele emabele neliwayini lelisha, kodvwa bangifulatsele mine.