Jeremiya 18:8 - Siswati 1996 Bible

⁸ nangabe futsi leso sive lengisecwayisile siphendvuka ebubini baso, ngiyawube sengiyasiyekela, ngingabe ngisasehlisela leso sehlakalo lebesengisilungisele sona.

Jeremiya 18:8 Referencias Cruzadas

2 Tikhronike 12:6

Baholi baka-Israyeli kanye nenkhosi batitfoba batsi: “Simakadze ulungile.”

Tihlabelelo 106:45

Wabevela, wasikhumbula sivumelwane sakhe, ngenca yemusa wakhe lomkhulu wabuye wabahawukela.

Tihlabelelo 135:14

Simakadze uyawubavikela bantfu bakhe, ahawukele tinceku takhe.

Tihlabelelo 90:13

Buya, Simakadze! Kuyawudzimate kube ngunini solomane usifulatsela? Hawukela tinceku takho.

Eksodusi 32:12

Pho, kudzingeke ngani kutsi emaGibhithe abe asatsi: ‘Wabakhipha ngebucili eGibhithe wabe sewubabulala ngekubacitsa ebusweni bemhlaba baphelela etintsabeni bonkhe’? Mane uluyekele lulaka lwakho loluvutsako, ucole, ungasehliseli imbhubhiso lesive sakho.

Eksodusi 32:14

Ngako Simakadze wagucula umcondvo wakhe, wangabe asababhubhisa bantfu bakhe.

Jeremiya 12:16

Nangabe bafundze kahle tindlela tebantfu bami base bafunga ngeLibito lami, batsi: ‘Ngifunga kuphila kwaSimakadze,’ njengaloku bake bafundzisa bantfu bami kutsi bafunge ngaBhali, bayawube sebayahlaliswa emkhatsini wesive sami.

Jeremiya 15:6

Simakadze utsi: “Ungilahlile mine. Ulibele kuchubeka nekuhlubuka. Ngako ngitawubeka tandla tami etikwakho, ngikubhubhise, ngingeke ngisaba nesihe kuwe.

Jeremiya 26:13

Manje-ke, guculani tindlela tenu tekuphila netento tenu nilalele Simakadze Nkulunkulu wenu. Simakadze-ke utawube sewuyagucuka angabe asanehlisela lenhlekelele labesayishito kini.

Jeremiya 26:19

“Kungabe kambe Hezekiya, inkhosi yakaJuda, yena nome-ke lomunye nje wakaJuda wambulala yini? Hezekiya akazange yini esabe Simakadze wafuna sihawu saSimakadze? Akazange agucuke yini yena Simakadze kwekutsi angabe asasehlisa lesehlakalo labesasishito kubo? Tsine nje sesitakwehlisela sehlakalo lesibi etikwetfu!”

Jeremiya 26:3

Mhlawumbe bayawulalela, kube ngulowo nalowo aphendvuke endleleni yakhe lembi. Ngiyawube sengiyagucuka ngingabe ngisabehlisela lenhlekelele lebese ngitilungiselele kuyehlisela kubo ngenca yebubi lababentile.

Jeremiya 36:3

Mhlawumbe bantfu bakaJuda nabeva ngato tonkhe letigameko lengase ngitimisele kubashaya ngato, ngulowo nalowo kubo uyawuphendvuka endleleni yakhe lembi, ngako-ke ngiyawube sengiyabatsetselela ebubini babo nasetonweni tabo.”

Jeremiya 42:10

‘Nanihlala kulelive, ngitawunakha nginganibhidliti; ngiyawunihlanyela nginganizuphuni, ngobe ngidzabuke kabi ngalenhlekelele lengiyehlisele etikwenu.

Hezekeli 18:21

“Kodvwa nangabe umuntfu lomubi aphendvuka kuto tonkhe tono latentile, agcine tonkhe timiso tami, ente lokucotfo nalokulungile, akasayikufa, uyawuphila.

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Hezekeli 33:12

“Ngako-ke, ndvodzana yemuntfu, khuluma kulabantfu bakini, utsi: ‘Kulunga kwemuntfu lolungile kungeke kumsindzise nangabe aphambuka, nebubi bemuntfu lomubi bungeke bumente awe, nangabe agucuka kubo. Umuntfu lolungile, nangabe ona, angeke avunyelwe kutsi aphile ngenca yekulunga kwakhe kwakucala.’

Hezekeli 33:13

Nangabe ngitjela lolungile kutsi ngempela utawuphila, kodvwa yena bese wetsembela kuloko kulunga kwakhe, ente lokubi, kute nome sinye kuletento takhe letinhle latente kucala lesiyawukhunjulwa; uyakufa ngenca yaloko lokubi lakwentile.

Hezekeli 33:14

Nangabe ngikhuluma kumuntfu lomubi, ngitsi: ‘Ngempela utakufa,’ kodvwa bese uyaphendvuka esonweni sakhe, ente loko lokucotfo nalokulungile,

Hoseya 11:8

“Ngingakuyekelela kanjani, wena Efrayimu? Ngingakulahla kanjani, wena Israyeli? Ngingakuphatsa kanjani njenga-Adma? Ngingakwenta kanjani ufanane naSeboyimu? Inhlitiyo yami iguculiwe ngekhatsi kwami; sonkhe sihawu sami sivuselelekile.

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Jona 4:2

Wathandaza kuSimakadze watsi: “Awu, Simakadze! Akusiko yini loku lengakusho ngiseseveni lakitsi kutsi kutakwenteka? Ngiko ngabaleka ngaya eThashishi; ngobe ngangati kutsi wena unguNkulunkulu lonemusa nesihawu, uyephuta kutfukutsela, unelutsandvo loluphuphumako, uyatisola ngekutfumela lokubi.

Dutheronomi 32:36

Simakadze uyawusehlulela sive sakhe. Unesihawu etincekwini takhe, nase abone kutsi emandla ato aphelile, sekute namunye losasele, sigcili nome lokhululekile.

Tikhulu 2:18

Kwakutsi njalo nje Simakadze nakabavusela sikhulu, abenaso lesikhulu, abasindzise etandleni tetitsa tabo, nasisekhona leso sikhulu; ngobe Simakadze abeba nesihe nabo ngesikhatsi sebakhaliswa kucindzetelwa nakushaywa titsa tabo.