Jeremiya 18:23 - Siswati 1996 Bible

²³ Awu Simakadze, kodvwa wena uyawati onkhe lamasu abo labafuna kungibulala ngawo. Ungawatsetseleli lamacala abo, futsi-ke ungacali utesule leto tono tabo embikwakho. Abaketulwe embikwakho, bavukele ngesikhatsi sentfukutselo yakho.

Jeremiya 18:23 Referencias Cruzadas

Tihlabelelo 119:126

Simakadze, sesikhatsi sakho sekutsi utsatse tinyatselo, ngobe umtsetfo wakho uyephulwa.

Tihlabelelo 35:4

Shangatsi bangajabha, bahlazeke, labo labafuna umphefumulo wami; shangatsi bangahlakateka labo labacondze kungicitsa.

Tihlabelelo 56:8

Wena ukucaphele kubaleka kwami, yetsa tinyembeti tami egabheni lakho, atikabhalwa yini encwadzini yakho?

Tihlabelelo 59:5

Wena, Simakadze, Nkulunkulu Somandla, unguNkulunkulu waka-Israyeli; vuka-ke utewujezisa tonkhe tive, ungahawukeli ngisho namunye kulaba labangemambuka. Cabanga.

Isaya 10:3

Niyakwenta njani ngelilanga lekwehlulelwa, ngesikhatsi sehlakalo sichamuka khashane? Niyawubalekela kubani nicele lusito? Niyakuwushiya nabani lomcebo wenu?

Isaya 2:9

Ngako umuntfu utakwehliswa neluntfu lonkhe lutfotjiswe, ungabatsetseleli.

Jeremiya 11:23

Kute ngisho lencane insali leyawusala kubo, ngobe ngiyakwehlisela inhlekelele etikwemadvodza ase-Anathothi ngemnyaka wekujeziswa kwawo.”

Jeremiya 15:15

Awu Simakadze, uyacondza, ngikhumbule unginakekele. Ngiphindziselele kubahluphi bami. Uyakwati kubeketela, ungangilahleli khashane, yati kutsi ngisolwa kangakanani ngenca yakho.

Jeremiya 17:18

Bahluphi bami abatseleke ngelihlazo, kodvwa mine ungikhweshise ehlazweni, abesatjiswe bona, kodvwa mine ngingesatjiswa. Yehlisela etikwabo lilanga lenhlekelele, babhubhise ngembhubhiso lephindvwe kabili.

Jeremiya 17:4

Ngenca yemacala enu niyawulahlekelwa lifa lenganinika lona. Ngitanigcilata ngetitsa tenu eveni leningalati, ngobe niluchukulutile lulaka lwami, futsi lutanivutsela phakadze naphakadze.”

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Jeremiya 26:11

Baphristi nebaphrofethi base bakhuluma kuletiphatsimandla nakubo bonkhe bantfu, batsi: “Lomuntfu kufanele agwetjwe intsambo, ngobe uphrofethe lokumelana nalelidolobha. Nani nitivele ngetenu tindlebe!”

Jeremiya 26:8

Kodvwa watsi acedza nje Jeremiya kubatjela bonkhe labantfu onkhe emavi labewatfunywe nguSimakadze kutsi atebatjela wona, kwesuka baphristi, nebaphrofethi kanye nabo bonkhe bantfu bambamba batsi kuye: “Ufanele ufe!

Jeremiya 37:15

Tamtfukutselela Jeremiya, tatsi akashaywe; tase tiyambopha tamfaka endlini kaJonathani, labengumabhalane, ngobe yayentiwe lijele.

Jeremiya 38:4

Tiphatsimandla takhuluma enkhosini, tatsi: “Lomuntfu kufanele abulawe. Utsela emanti emadvolweni emasotja lasele kulelidoloba, nakuwabo bonkhe bantfu, ngaletintfo latishoko kubo. Lomuntfu akacondzi lokuhle ngalabantfu, kodvwa ubafisela lokubi.”

Jeremiya 6:15

Kantsi banawo yini emahloni ngemanyala abo labawentako? Cha, bate nalamancane nje emahloni, abakwati ngisho nekukhophota. Ngako batakuwela kulabawile, bayawukwehliselwa phansi nangibajezisa,” kusho Simakadze.

Jeremiya 6:21

Ngako-ke naku lokushiwo nguSimakadze, utsi: “Ngiyawubeka emavimbandlela embikwalesive. Boyise kanye nemadvodzana bayawukhutjwa kuwo, bomakhelwane kanye nebangani bayawubhubha.”

Jeremiya 7:20

“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.

Jeremiya 8:12

Kantsi banawo yini emahloni ngalamanyala abo labawentako? Cha, bate nalamancane nje emahloni; abakwati ngisho nekukhophota. Ngako bayakuwela kulabawile, bayakwehliselwa phansi, nabajeziswako, kusho Simakadze.

Sililo 3:60

Ukubonile kujula kwemphindziselo yabo, onkhe emacebo labangibophele wona ngasense.

Sililo 3:61

Awu Simakadze, utivile tinhlamba tabo, onkhe emacebo abo labangimisele wona,

Lukha 21:22

Phela lamalanga ngesijeziso, newekugcwaliseka kwako konkhe lokushiwo ngimiBhalo.

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.