Jeremiya 18:21 - Siswati 1996 Bible

²¹ Ngako-ke nikela bantfwababo endlaleni, banikele emandleni enkemba. Yenta bafati babo bemukwe bantfwababo babe bafelokati, emadvodza abo akabulawe ngesifo lesibulalanako, emajaha abo ajutjwe ngenkemba emphini.

Jeremiya 18:21 Referencias Cruzadas

2 Tikhronike 36:17

Simakadze wabavusela inkhosi yaseBhabhulona leyafike yabulala onkhe emajaha abo ngenkemba, iwabulalela endzaweni lengcwele, ingashiyi lutfo loluselusha labadvuna nalabasikati nome talukati nemakhehla. Nkulunkulu wabaniketela bonkhe kuNebukhadnezari.

Tihlabelelo 63:10

bangenelwe ngetikhali nase ibambene, tidvumbu tabo tibe kudla kwemangce.

Tihlabelelo 63:11

Kodvwa inkhosi iyawujabula ngaNkulunkulu, bonkhe labafunga ngawe bayawukudvumisa; kepha imilomo yebacambimanga iyawuvalwa.

Eksodusi 22:24

intfukutselo yami iyawunivutsela, nginibulale ngenkemba. Bafati benu bayawuba bafelokati, nebantfwabenu babe tintsandzane.

Isaya 13:18

Ngebutjoki babo lobugobile bayawudubula emajaha, abanamusa ngetinswane, futsi bate nesihawu ngebantfwana.

Isaya 9:16

Labo labahola lesive bayasedukisa, nalabo labaholwako bayalahlekiswa.

Isaya 9:17

Ngako-ke Simakadze ngeke ajabule ngemajaha abo, futsi ngeke abadzabukele labo labangenaboyise kanye nebafelokati, ngobe bonkhe abanaNkulunkulu, futsi babi, bonkhe bakhuluma emanyala. Noko ngako konkhe loku, lulaka lwakhe alukagucuki, sandla sakhe sisephakeme.

Jeremiya 12:3

Noko uyangati mine, Simakadze; uyangibona, uvivinye imicabango yami ngawe. Bahudvule phansi njengetimvu tiyawuhlatjwa! Babeke eceleni, ubabekele lilanga lekuhlatjwa!

Jeremiya 14:16

Labantfu labaphrofetha kubo bayawulahlelwa etitaladini taseJerusalema ngenca yendlala nenkemba. Kuyawubate namunye loyawubangcwaba, bona kanye nebafati babo, nemadvodzana nemadvodzakati abo. Ngiyawutfululela kubo inhlekelele lebafanele.

Jeremiya 15:7

Ngiyakubahlunga ngemfologo yekuhlenga ngasemasangweni emadolobha elive. Ngitawuletsa sifo nembhubhiso esiveni sami, ngobe abakatiguculi tindlela tabo.

Jeremiya 15:8

Ngiyakwenta bafelokati babo babe banyenti kwendlula sihlabatsi saselwandle. Emini ngiyawuletsa umbhubhisi loyawucondzana nabonina bemajaha, ngekushesha ngibehlisele buhlungu nekutfutfumela.

Jeremiya 50:30

Ngako-ke emajaha ayo ayawufela etitaladini tayo, onkhe emabutfo ayo ayawubhujiswa ngalelo langa,” kusho Simakadze.

Jeremiya 9:21

Kufa sekufohle emafasitelo etfu kwangena ngekhatsi, kwadzimate kwangena nasetinqabeni tetfu, kwancamula bantfwana lapha etindleleni, nemajaha ancamuka etinkhundleni.

Sililo 1:15

“Simakadze uwalahlile onkhe emabutfo lengisemkhatsini wawo, sewuhlomise imphi letewumelana nami kutsi itewuhlifita onkhe emajaha akami. Simakadze uyihlifitile iNtfombi yakaJuda njengemagelebisi etjeni lekuhlutela liwayini.

Sililo 5:3

Sesigucuke saba tintsandzane, sabate nabobabe, nabomake sebabafelokati.

Hezekeli 16:38

Ngiyawukugweba ngesijeziso sebafati labagwadlako nalabacitsa ingati; ngiyakwehlisela etikwakho imphindziselo yengati ngekwelulaka lwami nangekwentfukutselo yesikhwele sami.

Hezekeli 22:25

Kuneluzungu lwetikhulu talo letisekhatsi kulo njengelibhubesi lelibhodlako nalidladlabula inyamatane yalo lelitayidla, tishwabudzela bantfu, titsatse ingcebo netintfo letingemagugu, tente bafelokati labanyenti ekhatsi kulo.

Amose 4:10

“Nginitfumela tishayo njengaloku ngenta naseGibhithe. Emajaha enu ngawabulala ngenkemba, kanye nemahhashi enu latfunjiwe. Emakhala enu ngawagcwalisa ngeluboti etinkanjini tenu; noko anikabuyeli kimi,” kusho Simakadze.

Dutheronomi 32:25

Esitaladini inkemba iyawubenta babe ngulabangenabantfwana. Emakhaya abo kuyawubusa luvalo. Emajaha netintfombi kuyawubhubha, emakhehla netinswane kuphele.

2 kuThimothi 4:14

Alekzanda, umkhandzi welitfusi, wenta tintfo letinyenti letimbi kimi, iNkhosi iyawungenanela kuye.

1 Samuweli 15:33

Kodvwa Samuweli wakhuluma kuye, watsi: “Njengobe inkemba yakho yacotfula bantfwana bebafati, kanjalo nenyoko naye utakwentiwa angabi naye umntfwana emkhatsini webafati.” Samuweli wahlahlela Agagi embikwaSimakadze eGilgali.