Jeremiya 18:16 - Siswati 1996 Bible

¹⁶ Live labo liyawusala likhala libhungane, libe yintfo yekuba yinhlekisa; bonkhe labendlulako bayawumangala banikine tinhloko.

Jeremiya 18:16 Referencias Cruzadas

1 Emakhosi 9:8

Noko nome kwanyalo lelithempeli lisenesitfunti lesimatima kangaka, bonkhe labendlula ngakulo bayawumangala bahhalatise, batsi: ‘Simakadze uyenteleni lentfo lenjena kulelive nakulelithempeli?’

2 Tikhronike 29:8

Ngako-ke intfukutselo yaSimakadze seyehlele etikwaJuda naseJerusalema; sewubente baba sesabiso, nentfo yekutfutfumelisa kanye neyekuhlekisa, njengobe nibona nje nani ngemehlo enu.

Tihlabelelo 109:25

Ngiyinhlekisa yetitsa tami; nabangibona, banikina tinhloko.

Tihlabelelo 22:7

Bonkhe labangibonako bayangiphukuta, badvubula imilomo bancife, banikine netinhloko, batsi:

Tihlabelelo 44:14

Usente siga emkhatsini wetive, wasenta saba yintfo yekubukelwa phansi.

Isaya 37:22

nali-ke livi lelikhulunywe nguSimakadze lelimelene naye, litsi: “INdvodzakati yaseSiyoni iyakwedzelela, ikubukela phansi. INdvodzakati yaseJerusalema igencetisa inhloko yayo nawubaleka.

Isaya 6:11

Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,

Jeremiya 19:8

Ngiyawulibhidlita lelidolobha, ngilente libe yintfo yekuhlekisa; bonkhe labendlulako bayawumangala kakhulu, bahleke lusulu ngenca yemanceba alo.

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 29:18

Ngiyawubagijimisa ngenkemba, nangendlala, nangesifo lesibulalanako, ngibente banengeke kuyo yonkhe imibuso yasemhlabeni, babe yintfo yesicalekiso nesesabiso, intfo yekuhlekisa nelihlazo emkhatsini wato tonkhe tive, lapho ngibayisa khona.’

Jeremiya 42:18

“Naku lokushiwo nguSimakadze longuSomandla, Nkulunkulu wema-Israyeli, utsi: ‘Njengobe intfukutselo yami nelulaka lwami sekutfululelwe kulabo labebahlala eJerusalema, kanjalo lulaka lwami lutawutfululelwa etikwenu, naniya eGibhithe. Niyawuba yintfo yekucalekisa neyekwesabisa, nibe yintfo yekwetfuka nelihlazo; ningeke niphindze niyibone lendzawo.’

Jeremiya 44:12

Ngitayisusa insali yakaJuda leyayitimisele kuyawuhlala eGibhithe; bonkhe bayawubhubhela khona eGibhithe; bayawubulawa ngenkemba, nome babulawe yindlala. Kusukela kulomncane kakhulu kuye kulomkhulu kakhulu, bayawubulawa ngenkemba nome babulawe yindlala. Bayawuba yintfo yekucalekisa neyekwesabisa, babe yintfo yekwetfuka nelihlazo.

Jeremiya 48:27

Israyeli abengasiyo yini intfo yakho yekuhlekisa? Abebanjwe emkhatsini wemasela yini kwekutsi ungaze unikine inhloko uhlekise ngaye njalo nje, nawuphatsa libito lakhe?

Jeremiya 49:13

Ngitifunga mine, kutsi iBhosra iyawubhidlitwa ibe yintfo yekwesabisa, intfo yelihlazo, neyekucalekisa, nawo onkhe emadolobha ayo ayawuba ngemadzibikelo aphakadze,” kusho Simakadze.

Jeremiya 49:17

“I-Edomu itawuba sesabiso; bonkhe labendlula ngendlela bayawumangala bahleke bulima ngenca yawo onkhe emanceba ayo.

Jeremiya 50:13

Ngenca yentfukutselo yaSimakadze angeke asahlalwa bantfu, kodvwa sewuyawusala ayedvwa. Bonkhe labendlula eBhabhulona bayakwetfuka bafe, bahleke lusulu, ngenca yawo onkhe emanceba ayo.

Jeremiya 51:37

IBhabhulona iyawuba yindvundvuma yematje, kube ngumgedze wetimphungutja, sesabiso nentfo yekuphukutwa, yebo, indzawo lengahlalwa ngumuntfu.

Jeremiya 51:43

Emadolobha ayo ayawusala akhala libhungane, ibe live lelomile nalelilihlane, live lapho kungahlali muntfu khona, lapho kungahambi muntfu khona.

Jeremiya 9:11

“IJerusalema ngitayenta indvundvuma yematje, ngiyente umgedze wetimphungutja. Emadolobha akaJuda ngiyakuwenta abe tindzala, kuze kubete muntfu lohlala kuwo.”

Sililo 1:12

“Akusho lutfo yini kini, nonkhe nine lenendlula ngendlela? Calatani ndzawo tonkhe nibone. Kukhona yini kuhlupheka lokufanana nekwami kuhlupheka lokwehliselwa kimi, kuhlupheka Simakadze langishaya ngako ngelilanga lekutfukutsela kwakhe lokwesabekako?

Hezekeli 12:19

Khuluma kulabantfu balelive, utsi: ‘Naku lokushiwo yiNkhosi Simakadze ngalabo labahlala eJerusalema naseveni lema-Israyeli, itsi: Bayawudla kudla kwabo baseluvalweni, banatse emanti abo bangasenatsemba, ngobe live labo liyakwemukwa konkhe lelinako ngenca yebudlova babo bonkhe labahlala kulo.

Hezekeli 27:36

Bahwebi emkhatsini wetive bayekhuta bababate ngenca yakho; sewufike ekwephetseni lokwetfusanako, futsi ungeke uphindze ube khona.’ ”

Hezekeli 36:3

Ngako-ke phrofetha, utsi: ‘Naku lokushiwo yiNkhosi Simakadze, itsi: Ngenca yekutsi banona kangaka banicosha yonkhe indzawo, naze naba lifa lato tonkhe letinye tive, nentfo yekuhlekisa neyekucashatwa bantfu,

Hezekeli 6:14

Ngiyakwelula sandla sami etikwabo, ngente lelive labo lisale likhala libhungane, kusukela ehlane kuze kuyewufika eDibla, kuyo yonkhe indzawo lapho bahlala khona. Ngulapho-ke bayawukwati khona kutsi mine nginguSimakadze.’ ”

Levithikusi 26:32

Live lenu ngiyawuliphundla, kuze kutsi netitsa tenu letingena kulo timangale ngalo.

Levithikusi 26:43

Lelo live bayawulifulatsela lisale litijabulisa ngemaSabatha alo ngesikhatsi liselihlane bangekho kulo. Bayawukhipha inkhokhelo yetono tabo, ngobe bayilahlile imitsetfo baticansukela netimiso tami.

Mikha 6:16

Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”

Matewu 27:39

Bantfu lababendlula lapho babemetfuka banikine tinhloko,

Makho 15:29

Bantfu labendlulako lapho babemetfuka banikine tinhloko batsi: “Wo! Wena longabhidlita lithempeli ubuye ulakhe ngemalanga lamatsatfu!

Dutheronomi 28:59

Simakadze uyawunehlisela tinhlupho letesabekako, atehlisele ngisho nakubantfwabenu tinhlupho letimatima naletingapheli, letibuhlungu nekugula lokungenawuncamuka.

Dutheronomi 29:23

Live lonkhe liyawuba luswayi lolungenamsebenti lolubhadlako nesibabule. Kute lokuyawuhlanyelwa, kute lokuyawumila, kute nakunye lokuluhlata lokuyawuhluma kulelo live. Kuyawufanana nekubhujiswa kweGomora neSodoma, i-Adma neSeboyimu, Simakadze lakubhubhisa ngalolulaka lolwesabekako.