Jeremiya 18:13 - Siswati 1996 Bible

¹³ Ngako-ke naku lokushiwo nguSimakadze, utsi: “Butani kuletinye tive nitsi: ‘Ngubani lowake weva ngentfo lenje?’ Intfo leyesabeka kakhulu yentiwe yiNtfombi lengu-Israyeli.

Jeremiya 18:13 Referencias Cruzadas

Isaya 36:22

Bo-Eliyakimu, umsa waHilkiya, labeyindvuna yesigodlo, naShebna, labengumabhalane, kanye naJowa, umsa wa-Asafa, labengulobhalisako, bahamba bayawubikela Hezekiya sebadzabule tingubo tabo, bafike bamtjela konkhe lokwakushiwo yindvuna lenkhulu yemphi yase-Asiriya.

Isaya 66:8

Ngubani lowase weva ngentfo lefanana naleyo? Ngubani lowase watibona tintfo letinjengaleto? Live lingatalwa yini ngalanga linye? Sona sive sake savela yini ngesikhashana nje? Noko iSiyoni itsite ingakaphatfwa ngumhelo yatala bantfwana bayo.”

Jeremiya 14:17

“Khuluma lamavi kubo utsi: “ ‘Emehlo ami akagobhote tinyembeti busuku nemini, angakhawuli; ngobe indvodzakati yami leyintfombi sibili, sive sami, igwazwe linceba lelibi, yalinyatwa kakhulu.

Jeremiya 18:14

Sitfwatfwa saseLebanoni sake sanyamalala yini emawukeleni ayo langemadvwala? Emanti awo lapholile, latiyalu tawo tikhashane, ake ema yini angete ageleta?

Jeremiya 23:14

Emkhatsini webaphrofethi baseJerusalema ngabona intfo leyesabekako: Benta buphingi, baphile imphilo lengemanga. Bacinisa tandla talabenta lokubi, kuze kutsi kubete ngisho namunye lophendvukako ebubini bakhe. Bonkhe bafanana neSodoma kimi, bantfu baseJerusalema bafanana neGomora.”

Jeremiya 31:4

Ngitawuphindze ngikwakhe kabusha, futsi utakwakheka wena Ntfombi lengu-Israyeli. Uyawuphindze utsatse emafahlawane akho, uphumele ngephandle, uyewugidza nalabajabulako.

Jeremiya 5:30

“Kwenteke intfo lembi naleshacisako eveni:

Sililo 1:15

“Simakadze uwalahlile onkhe emabutfo lengisemkhatsini wawo, sewuhlomise imphi letewumelana nami kutsi itewuhlifita onkhe emajaha akami. Simakadze uyihlifitile iNtfombi yakaJuda njengemagelebisi etjeni lekuhlutela liwayini.

Hoseya 6:10

Ngibone intfo leyesabekako endlini yaka-Israyeli: Efrayimu utinikele ebugwadleni na-Israyeli sewaba ngulongcolile.

Amose 5:1

Lalelani nali livi, ninendlu yaka-Israyeli. Lesililo ngisenta ngenca yenu:

Amose 5:2

“Iwile iNtfombi yaka-Israyeli, ingeke iphindze ivuke futsi, ayinakwa ngumuntfu eveni layo, kantsi futsi kute longayivusa ime.”

1 kubaseKorinthe 5:1

Kubikiwe ngempela kimi kutsi kukhona bugwadla nebuphingi emkhatsini wenu, futsi buphingi lobungazange sebubekhona ngisho nakulabangakholwa, ngobe kutsiwa umuntfu ushenda nemkayise.

1 Samuweli 4:7

emaFilisti esaba kakhulu atsi: “Bonkulunkulu sebafikile enkambu; tsine sesisengotini! Kute intfo lenje leyake yenteka ngaphambili.