Jeremiya 17:17 - Siswati 1996 Bible

¹⁷ Ungabi silwane kimi, ngobe usiphephelo sami ngelilanga lesehlakalo.

Jeremiya 17:17 Referencias Cruzadas

Jobe 31:23

Ngobe mine ngangiyesaba kakhulu imbhubhiso levela kuNkulunkulu. Nangenca yekwesaba bukhosi bakhe nje, ngangingeke ngiyente intfo lenje.

Tihlabelelo 41:1

Ubusisiwe umuntfu lonakekela lobutsakatsaka, Simakadze uyawumsindzisa ngelilanga lekuhlupheka.

Tihlabelelo 59:16

Kodvwa mine ngiyawuhlabela ngibabate emandla akho, ngetsabele umusa wakho ekuseni, ngobe wena uyinqaba yami, waba siphephelo sami ngesikhatsi sekuhlupheka kwami.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Jeremiya 17:13

Awu, Simakadze, tsemba lema-Israyeli, bonkhe labakushiyako bayawuhlazeka. Labo labakufulatselako bayawubhalwa elutfulini, ngobe bamshiyile Simakadze, umtfombo wemanti laphilako.

Jeremiya 17:7

“Kodvwa ubusisiwe umuntfu lowetsembela kuSimakadze, lotsemba lakhe linguSimakadze.

Joweli 3:16

Simakadze utawubhodla aseSiyoni, abhavumule eJerusalema, umhlaba nesibhakabhaka kutfutfumele. Kodvwa Simakadze utawuba siphephelo esiveni sakhe, abe yinqaba yesive saka-Israyeli.

Nahume 1:7

Simakadze ulungile, usiphephelo ngetikhatsi tekuhlupheka. Uyabanakekela labo labakhosela kuye.

Kubase-Efesu 6:13

Ngako-ke hlomani tikhali tonkhe taNkulunkulu, khona nitewuba nemandla ekulwa ngelilanga lelibi, nitsi nome senicedzile kulwa, nigcine nincobile.