Jeremiya 16:16 - Siswati 1996 Bible

¹⁶ “Kodvwa nyalo sengitawutfumela badwebi babe banyenti, futsi batababamba baka-Israyeli. Emvakwaloko ngitawutfumela batingeli babe banyenti, batawubatingela yonkhe indzawo, ngisho nasetintsabeni, nasemagcumeni, nasemifantfwini yemadvwala,” kusho Simakadze.

Jeremiya 16:16 Referencias Cruzadas

Genesisi 10:9

Abengumtingeli lonemandla kakhulu embikwaSimakadze, ngako-ke kutsiwa: “NjengaNimrodi umtingeli labenemandla embikwaSimakadze.”

Isaya 2:21

Bayawubalekela emihumeni lesemadvwaleni kanye naseticongweni tetihhehle, babalekela kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 7:19

Tiyawubuya tonkhe titewubutsana etihosheni letehlelako kanye nasemifantfwini yemadvwala, nasetikwato tonkhe tihlahla temanyeva nasetimbotjeni tonkhe temanti.

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 4:29

Kutsi nakuvakala umsindvo webagibeli bemahhashi nalabanemba ngebutjoki, onkhe emadolobha abaleke. Labanye bantfu babaleka bayewubhaca emahlatsini, labanye bekhwela etulu emadvwaleni. Onkhe emadolobha asele akhala libhungane, kute namunye lohlala kuwo.

Jeremiya 49:5

Ngitakwehlisela sesabiso etikwakho sichamuke kubo bonkhe lababomakhelwane bakho, nonkhe niyawudvungululwa nicoshwe, kute loyawubutsa lababalekile,” kusho Simakadze, Simakadze longuSomandla.

Jeremiya 6:9

Naku lokushiwo nguSimakadze longuSomandla, utsi: “Abakhukhute insali yaka-Israyeli, bayikhwimite njengemvini; phindza wendlulise sandla sakho etikwemagala, ulingise umuntfu lovuna emagelebisi.”

Sililo 4:18

Emadvodza asibekela lugibe kuto tonkhe tinyatselo tetfu, ngaloko asikhonanga kuhamba etitaladini tetfu, kuphela kwetfu kwakusedvute, nemalanga etfu abesabaliwe, ngobe kuphela kwetfu kwase kufikile.

Sililo 4:19

Batingeli betfu babegijima kwendlula lusweti lwasesibhakabhakeni; basigijimisa etintsabeni, basibhacela ehlane.

Hoseya 10:10

Ngitimisele kutsi ngitabajezisa; tive titawubutsana timelane nabo, tibabophe ngenca yetono tabo letinyenti.

Amose 4:2

INkhosi Simakadze ifungile ngebungcwele bayo, yatsi: “Lalelani la: Siyeta sikhatsi lapho niyawutsatfwa khona ngemadweba, ngisho nebekugcina benu bayawutsatfwa ngemahhuka ekudweba tinhlanti.

Amose 5:19

Kuyawuba shangatsi ngumuntfu lobalekele libhubesi, wase utitsela etikwelibhele; kube shangatsi ngumuntfu longene endlini yakhe wabeka tandla takhe elubondzeni, kusuke inyoka imlume.

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

Zefaniya 1:12

“Ngaleso sikhatsi ngiyakuyiphenya ngetibane iJerusalema, ngijezise labo labatesutsisako, labafanana neliwayini lelisele emashiceni alo, bacabange batsi: ‘Simakadze angeke ente lutfo, loluhle nome lolubi.’

1 Samuweli 24:11

Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.

1 Samuweli 26:20

Ungavumi kutsi ingati yami icitsekele emhlabatsini lokhashane nebukhona baSimakadze. Inkhosi yema-Israyeli iphumele kutewufuna likululu, njengemuntfu lotewutingela intsendzele etintsabeni.”