Jeremiya 15:6 - Siswati 1996 Bible

⁶ Simakadze utsi: “Ungilahlile mine. Ulibele kuchubeka nekuhlubuka. Ngako ngitawubeka tandla tami etikwakho, ngikubhubhise, ngingeke ngisaba nesihe kuwe.

Jeremiya 15:6 Referencias Cruzadas

Isaya 1:4

Awu, sive lesonako, bantfu labasindvwa kona, nine ntalelwane yalabenta lokubi, bantfwana labasimilo sabo sonakele. Simakadze sebamshiyile; bamhlubukile Longcwele waka-Israyeli, bagucuka bamfulatsela.

Isaya 28:13

Ngako-ke livi laSimakadze kubo liyawuba kutsi: “Savu lasavu, savu lasavu, khavu lakhavu, khavu lakhavu, ziyere shamu, ziyere shamu,” kuze batewuhamba baze bawe ngetiphundvu, balimale babanjwe, bese bayatfunjwa.

Isaya 31:3

Kodvwa baseGibhithe bantfu nje, abasiye Nkulunkulu, nemahhashi abo ayinyama nje, akasiwo umoya. Simakadze utsi nakaphakamisa sandla sakhe, kutsi lowo lositako akhubatele, nalowo lositwako yena awe, babhubhe bonkhe kanyekanye.

Jeremiya 1:16

Ngiyawukhipha tigwebo tami esiveni sami ngenca yabo bonkhe bubi baso: ngekungifulatsela kwaso, ngekutfuncisa imphepho kulabanye bonkulunkulu, nangekukhonta loko lokwentiwe tandla tabo.

Jeremiya 13:14

Ngitabashayanisa lomunye kulomunye, boyise nemadvodzana ngalokufananako, kusho Simakadze. Ngingeke ngisivumele sihe nome sihawu nome luvelo kutsi kungivimbele ngingababhubhisi.’ ”

Jeremiya 2:13

“Sive sami sente tono letimbili: Singishiyile mine, mtfombo wemanti ekuphila, satimbela ticojana taso emadvwaleni, ticojana letinetimbobo letingeke tiwemise emanti.”

Jeremiya 2:17

Ngabe anikatiletseli nine yini loku, ngalokutsi nishiye Simakadze Nkulunkulu wenu ngesikhatsi asanihola kahle endleleni?

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 20:9

Kodvwa nangitsi: “Ngingeke ngisambita, futsi ngeke ngisakhuluma egameni lakhe,” livi lakhe lisenhlitiyweni yami lishisa njengemlilo lovalelwe ematsanjeni ami. Sengidziniwe kulibandzetela ngekhatsi kimi, ngempela angisakhoni.

Jeremiya 44:22

Watsi Simakadze nasehlulekile kubeketelela tento tenu tebubi naletintfo letisinengiso lenanitentile, live lenu laba yintfo yekucalekisa nendzawo lelihlane lelite bantfu, njengobe linjalo lamuhla.

Jeremiya 6:11

Kodvwa mine ngigcwele lulaka lwaSimakadze, futsi ngingeke ngisalubeketelela lukimi. Simakadze wase utsi kimi: “Lutfululele kubantfwana labasetitaladini, nasemajaheni labutsene ndzawonye; bonkhe bafati nemadvodza abo bayawubhajwa kulo, kanye nalabadzala labo lasebahanjelwe ngiminyaka.

Jeremiya 6:12

Tindlu tabo tiyawunikwa labanye, konkhe kanye nemasimi abo nebafati babo, nangiphindza ngelula sandla sami kulabo labahlala kulelo live,” kusho Simakadze.

Jeremiya 6:19

Awu mhlaba, vani! Ngitakwehlisela inhlekelele kulesive, sitselo semacebo abo, ngobe abakawalaleli emavi ami, bawala nemtsetfo wami.

Jeremiya 7:16

“Ngako-ke, wena Jeremiya, ungabathandazeli labantfu, futsi ungabancuseli, ungabancengeli; ungangincengi nami, ngobe ngingeke ngikuve.

Jeremiya 7:24

Kodvwa abazange balalele, futsi abanakanga nekunaka; esikhundleni saloko balandzela kutsambekela kwenkhani yetinhlitiyo tabo letimbi. Babuyela emuva, bangete baya embili.

Jeremiya 8:5

Bahlubukeleni kepha labantfu? IJerusalema yentiwa yini lokuhlubuka njalo nje? Banamatsela ekuyengweni, bala kubuya.

Jeremiya 8:9

Labahlakaniphile bayawuhlazeka; bayawujabhiswa, babhajwe elugibeni. Njengobe balilahlile livi laSimakadze nje, banakuphi-ke kuhlakanipha?

Hezekeli 14:9

“ ‘Nangabe umphrofethi acindzetelekile kutsi aphimisele siphrofetho, ngimi Simakadze lomcindzetele lowo mphrofethi, futsi ngiyakwelula sandla sami ngimelane naye, ngimbhubhise emkhatsini wesive sami, ema-Israyeli.

Hezekeli 25:7

ngako-ke ngiyakwelula sandla sami ngimelane nawe, ngikunikele kutsi ube yimphango yetive. Ngiyawukkususa etiveni, ngikutsanyele emaveni. Ngiyawukubhubhisa. Ngulapho-ke uyawungati khona kutsi mine nginguSimakadze.’ ”

Hezekeli 35:3

utsi: ‘Naku lokushiwo yiNkhosi Simakadze, itsi: Ngimelene nawe, Edomu, live letintsaba, ngiyakwelula sandla sami ngimelane nawe, ngikwente ube lihlane lelingenalutfo.

Hoseya 11:7

Bantfu bami batimisele kusuka kimi. Ngisho nome sebangambita Longetulu Kwako Konkhe, angeke abaphakamise ngisho nangayiphi indlela.

Hoseya 13:14

“Ngiyawubahlawulela yini emandleni elithuna ngibahlenge ekufeni? Ye Kufa, tiphi tifo takho letibulalanako? Ye Thuna, kuphi kubhubhisa kwakho? “Ngiyawubate sihawu.

Hoseya 4:16

Ema-Israyeli anenkhani, anjengesitfokati lesinenkhani. Pho, Simakadze angabelusa kanjani njengemazinyane etimvu lasedlelweni?

Zefaniya 1:4

“Ngiyakwelula sandla sami ngimelane naJuda, ngimelane nabo bonkhe labahlala eJerusalema. Yonkhe imisalela yaBhali ngiyakuyisusa kulendzawo: Emabito emahedeni nebaphristi labakhonta tithico,

Zakhariya 7:11

“Kodvwa bala kulalela, bavuka inkhani bafulatsela, bavala tindlebe tabo.