Jeremiya 15:15 - Siswati 1996 Bible

¹⁵ Awu Simakadze, uyacondza, ngikhumbule unginakekele. Ngiphindziselele kubahluphi bami. Uyakwati kubeketela, ungangilahleli khashane, yati kutsi ngisolwa kangakanani ngenca yakho.

Jeremiya 15:15 Referencias Cruzadas

Nehemiya 13:22

Ngase ngitjela emaLevi kutsi akatihlambulule ahambe ayewuciza emasango, kuze agcine liSabatha lingcwele. Nangenca yaloko ngikhumbule, Nkulunkulu wami, ungihawukele njengekwelutsandvo lwakho lolukhulu.

Nehemiya 13:31

Ngase ngenta nelitfuba leminikelo yetinkhuni ngetikhatsi letimisiwe newetitselo tekucala. Awu, Nkulunkulu wami, ngikhumbule ngekwesihawu sakho.

Nehemiya 5:19

Awu, Nkulunkulu wami, ngikhumbule ube nesihawu kimi ngako konkhe lengikwentele lesive.

Nehemiya 6:14

Ngathandaza ngatsi: “Nkulunkulu wami, khumbula boThobiya naSanbalati ngenca yaloko labakwentile; ukhumbule nalomphrofethikati Nohadiya, kanye nalabanye babetama kungesabisa.”

Jobe 10:7

Nawe wati kahle nje kutsi anginacala, nekutsi kute nalongahle angisindzise esandleni sakho.

Tihlabelelo 102:24

Ngitsi: “Hhawu, Nkulunkulu wami, ungaphangisi ungitsatse ngisakhula. Iminyaka yakho yetitukulwane netitukulwane.

Tihlabelelo 106:4

Awu, Simakadze, ngikhumbule nawusentela umusa sive sakho, nami ungisindzise kanye naso,

Tihlabelelo 119:84

Inceku yakho iyawulindzela kuze kube ngunini? Uyawubehlulela nini laba labangitingelela kungihlupha?

Tihlabelelo 17:3

Uvivinye inhlitiyo yami, wangivakashela utengihlolisisa ebusuku, kepha awutfolanga lutfo lolubi kimi. Nome ngicabange lokubi, kodvwa umlomo wami awuzange ukhulume lokubi.

Tihlabelelo 39:13

Ngiyekele! Ungabe uloku ungigolotele, ngobe ngifuna kuphindze ngijabule, ngingakahambi emhlabeni.

Tihlabelelo 44:22

Yebo, ngenca yakho sibulawa lonkhe lilanga, sitsatfwe njengetimvu timele kuhlatjwa.

Isaya 38:3

“Awu, Simakadze, khumbula kutsi bengihamba ngekwetsembeka lokunjani embikwakho, nekutsi bengitinikele kangakanani embikwakho ngayo yonkhe inhlitiyo yami, ngenta lokuhle emehlweni akho.” Hezekiya wakhala kabuhlungu.

Jeremiya 12:3

Noko uyangati mine, Simakadze; uyangibona, uvivinye imicabango yami ngawe. Bahudvule phansi njengetimvu tiyawuhlatjwa! Babeke eceleni, ubabekele lilanga lekuhlatjwa!

Jeremiya 15:10

Maye, make lowangitala, wangiletsa emhlabeni, indvodza, umhlaba wonkhe lowetama kumelana nayo! Angikebolekisi kantsi futsi angikeboleki, noko wonkhe umuntfu uyangicalekisa.

Jeremiya 15:20

Ngiyawukwenta ube lubondza kulesive, yebo, lubondza lwelitfusi lolucinile: bayakulwa nawe kodvwa bangeke bakwehlule, ngobe nginawe kutsi ngikwephule ngibuye ngikusindzise,” kusho Simakadze.

Jeremiya 17:16

Angikakubalekeli kuba ngumelusi wakho, uyati kutsi angikalilangateleli lilanga lekuphelelwa litsemba. Loko lokwendlula etindzebeni temlomo wami kusebaleni emehlweni akho.

Jeremiya 18:23

Awu Simakadze, kodvwa wena uyawati onkhe lamasu abo labafuna kungibulala ngawo. Ungawatsetseleli lamacala abo, futsi-ke ungacali utesule leto tono tabo embikwakho. Abaketulwe embikwakho, bavukele ngesikhatsi sentfukutselo yakho.

Jeremiya 20:11

Kodvwa Simakadze ume ngakimi njengelichawe lemphi lelinemandla; ngako-ke bahluphi bami bayawukhubatela, ngeke baphumelele. Batakwehluleka batseleke ngalelikhulu lihlazo, badliwe ngemahloni langayiwuphindze akhohlakale.

Jeremiya 20:12

Awu Simakadze, longuSomandla, wena lohlola lolungile, uphenye inhlitiyo nengcondvo, angikubone kuphindzisela kwakho kubo, ngobe indzaba yami sengiyiniketele kuwe.

Jeremiya 20:8

Njalo nje nangikhuluma, ngikhala ngimemetela kulwa nembhubhiso. Ngako livi laSimakadze selingitsele ngenhlamba nenhlekisa lonkhe lilanga.

Sililo 3:64

Awu Simakadze, buyisela kuto loko lokufanele tandla tato.

Sililo 3:66

Ticoshe ngentfukutselo yakho, utibhubhise, tingaphindzi tibe khona ngaphansi kwemazulu aSimakadze.

Matewu 10:22

Niyawutondvwa bantfu bonkhe ngenca yelibito lami; kodvwa lokhutsatelako kuze kubesekupheleni, uyawusindziswa.

Matewu 19:29

Wonkhe lodzele tindlu, nome bomnakabo, nome bodzadzewabo, nome uyise, nome unina, nome bantfwana, nome emasimi ngenca yami, uyakwemukela ngalokuphindvwe kanyenti, adle nelifa lekuphila lokuphakadze.

Lukha 21:17

Wonkhe umuntfu uyawunitondza ngenca yelibito lami.

KubaseRoma 12:19

Bazalwane bami, ningatiphindziseleli, kodvwa yekelelani konkhe elulakeni lwaNkulunkulu; ngobe kubhaliwe kutsi: “Kuphindzisela ngekwami, mine ngiyawubuyisela, kusho iNkhosi.”

KubaseRoma 8:35

Pho, ngubani-ke longasehlukanisa nelutsandvo lwaKhristu: kuhlupheka nome bulukhuni, nome kutingelwa, nome yindlala, nome kuhlubula, nome yingoti, nome kufa?

2 kubaseKorinthe 5:11

Ngako-ke, njengobe sati kutsi kuyini kwesaba Nkulunkulu, setama kuzuza bonkhe bantfu. Nkulunkulu usati njengobe sinjalo; nami ngiyetsemba kutsi nani niyasicondzisisa.

2 kuThimothi 4:14

Alekzanda, umkhandzi welitfusi, wenta tintfo letinyenti letimbi kimi, iNkhosi iyawungenanela kuye.

Sembulo 18:20

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!

Sembulo 6:10

Bamemeta kakhulu, ngelivi lelikhulu, batsi: “Nkhosi Somandla, longcwele naloliciniso, kuyawudzimate kube ngunini ungehluleli uphindzisele ingati yetfu kulabo labahleti emhlabeni?”

Tikhulu 16:28

Samsoni wathandaza kuSimakadze, watsi: “Awu, Somandla, Simakadze, ngikhumbule kube kanye. Nkulunkulu wami, ngicinise kwekugcina. Ngivumele ngihlasele kanye ngitiphindzisele kumaFilisti ngenca yemehlo ami lamabili.”