Jeremiya 14:9 - Siswati 1996 Bible

⁹ Wentelani kufanana nemuntfu lomangele, ube njengelisotja lelite emandla ekusindzisa? Awu Simakadze, wena usemkhatsini wetfu, tsine sibitwa ngeLibito lakho, ungasilahli!

Jeremiya 14:9 Referencias Cruzadas

2 Tikhronike 7:14

nangabe sive sami lesibitwa ngelibito lami, sititfoba sithandaze kimi, sifunisise intsandvo yami, siphendvuke etindleleni taso letimbi temonakalo, ngiyakuva ngisezulwini, ngitsetselele sono saso, ngiphilise live laso.

Tihlabelelo 10:1

Simakadze, umeleni khashane? Utifihleleni ngesikhatsi sisekuhluphekeni?

Tihlabelelo 27:9

Ungabufihli buso bakho kimi. Ungayincandzi ngentfukutselo inceku yakho, nguwe Somandla, lolusito lwami. Ungangiyekeleli, ungangilahli! Wena unguNkulunkulu wensindziso yami.

Tihlabelelo 46:5

Nkulunkulu uhlala kulelo khaya, lingeke litanyatanyiswe, Nkulunkulu uyawulisita ekuseni entsatsakusa.

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 43:7

bonkhe lababitwa ngelibito lami, labo lengabadalela ludvumo lwami, yebo, labo lengababumba ngabenta.”

Isaya 51:9

Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?

Isaya 59:1

Nembala, ingalo yaSimakadze ayiyimfisha kangako kutsi ingete yasindzisa, nendlebe yakhe ayisiso sihhulu kutsi ingete yeva.

Isaya 63:19

Tsine sibakho kusukela kadzenidzeni; kodvwa shangatsi wena awukabusi etikwetfu, asikaze sabitwa ngeLibito lakho.

Jeremiya 15:16

Emavi akho atsi nakefika kimi, ngawadla, aba yinjabulo yami nentfokoto yenhlitiyo yami, ngobe ngibitwa ngeLibito lakho, awu, Simakadze Nkulunkulu longuSomandla.

Jeremiya 51:5

Ngobe baka-Israyeli nebakaJuda abakashiywa nguNkulunkulu wabo, Simakadze longuSomandla, noko live lemaBhabhulona liphuphuma ngemacala kuLongcwele waka-Israyeli.

Jeremiya 8:19

Lalelani kukhala kwesive sami, sikhala eveni lelikhashane kakhulu, sitsi: “Simakadze akekho yini eSiyoni? Kungabe iNkhosi yayo ayikho yini lapho?” “Bangitfukutseliseleni ngaletitfombe tabo, ngaletithico tabo tebetive letingenamsebenti?”

Sililo 5:20

Usikhohlwelani njalo nje? Usilahleleni sikhatsi lesidze kangaka?

Hezekeli 48:35

“Sebubonkhe budze balelidolobha kutungeleta lonkhe buyawuba ngemakhilomitha langaba yimfica. “Libito lalelidolobha kusukela ngaleso sikhatsi sekuyawutsiwa: ngusimakadze ulapha.”

Habakhuki 1:2

Awu, Simakadze, kuyawudzimate kube ngunini solo ngikhala ngicela lusito, kodvwa wena solomane ungalaleli? Kuyawudzimate kube ngunini ngimemeta ngikhala kuwe ngitsi: “Budlwangudlwangu!” kodvwa wena ungasindzisi?

Zakhariya 2:5

Mine matfupha ngiyawuba lubondza lwemlilo loluyitungeleta luyivikele, ngibe yinkhatimulo yayo ngekhatsi kwayo,’ kusho Simakadze.”

Zakhariya 8:3

Naku lokushiwo nguSimakadze, utsi: “Ngiyawubuyela eSiyoni, ngihlale eJerusalema. Lapho-ke iJerusalema sekuyawutsiwa Lidolobha Lekwetsembeka, nentsaba yaSimakadze longuSomandla iyawubitwa ngekutsi yiNtsaba Lengcwele.”

Numeri 11:23

Simakadze waphendvula Mosi watsi: “Sandla saSimakadze sifishane yini? Utase ubone-ke kutsi loku lengikushoko kutakwenteka ngempela yini kuwe, nome cha!”

Imisebenti yebaPhostoli 15:17

kuze labanye bantfu nato tonkhe tive letibitwa ngelibito lami batewufuna iNkhosi, kusho iNkhosi, leyenta loko

2 kubaseKorinthe 6:16

Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”

Dutheronomi 23:14

Ngobe Simakadze Nkulunkulu wenu wehla enyuka emkhatsini wenu enkambu, entela kunivikela nekwetfula titsa tenu etandleni tenu. Inkambu yenu kufanele ibe ngcwele, khona angetiwukhandza lutfo lolubi emkhatsini wenu, aze ancandzeke anifulatsele.”

Dutheronomi 28:10

Tive tonkhe temhlaba tiyawubona kutsi nibitwa ngelibito laSimakadze, bese tiyanesaba.

KumaHebheru 13:5

Balekelani kutsandza imali, neneliswe nguloko leninako, ngobe Nkulunkulu watsi: “Ngingeke ngikuyekele, ngingeke ngikushiye.”

Sembulo 21:3

Ngeva livi liphuma esihlalweni sebukhosi limemeta kakhulu litsi: “Nalo likhaya laNkulunkulu likubantfu. Nkulunkulu utawuhlala emkhatsini wabo, bona babe bantfu bakhe. Nkulunkulu cobo lwakhe uyawuhlala nabo, abe nguNkulunkulu wabo.

1 Samuweli 12:22

Ngenca yelibito lakhe lelikhulu Simakadze angeke asilahle sive sakhe, ngobe kwaba kuhle kuye Simakadze kutsi anente nibe bakhe.