Jeremiya 14:6 - Siswati 1996 Bible

⁶ Timbongolo tesiganga tima emadvundvwini lagagadzekile etintsaba tikhefutele njengetimphungutja; atisaboni nasemehlweni ngenca yekweswela luhlata.”

Jeremiya 14:6 Referencias Cruzadas

Isaya 32:14

Inqaba iyawusala yodvwa, lidolobha lemsindvo lisale likhala libhungane, indlu leyinqaba kanye nembhoshongo kuyawuba lihlane lelingenalutfo phakadze naphakadze, kube kujabula kwetimbongolo nelidlelo lemihlambi,

Jeremiya 2:24

unjengembongolo yesiganga, leyetayele lihlane, lehosha umoya nase ikhanuka, ngubani nje longayivimbela nase ifuna kwekhwelwa? Tonkhe tinkunzi tetimbongolo letiyicoshako atikafaneli kutsi titikhatsate, ngesikhatsi sekwekhwelwa titayitfola.

Sililo 4:17

Ngetulu kwaloko, emehlo etfu adzimate akhatsala solomane agolotele lusito lungaveli, sabukisisa emibhoshongweni yetfu, silindzele sive lesasingeke sisisindzise.

Sililo 5:17

Ngenca yako konkhe loku tinhlitiyo tetfu tidzabukile, nangenca yato tonkhe letintfo emehlo etfu ayadvumba,

Joweli 1:18

Maye, tinkhomo tiyabhonsa! Imihlambi ihlakatekile, ngobe ayinalo lidlelo, ngisho nemihlambi yetimvu iyahlupheka.

1 Samuweli 14:29

Jonathani watsi: “Babe ufake live lonkhe elusizini. Ase ubuke nje kutsi emehlo ami avele akhanya kanjani ngesikhatsi nginambitsa lolwa luju loluncane.