Jeremiya 14:3 - Siswati 1996 Bible

³ Bahlonishwa batfumela tisebenti tabo kutsi tiyewubakhelela emanti; tiya etitibeni temanti kodvwa tikhandze kute emanti. Tibuya netimbita tato temanti tingenalutfo, tijabhile futsi tiphelelwe litsemba.

Jeremiya 14:3 Referencias Cruzadas

2 Samuweli 15:30

Kodvwa Davide yena wachubeka wenyuka iNtsaba Yemincumo, ahambe akhala; inhloko yakhe yayimbonyiwe, nasetinyaweni angakafaki lutfo. Bonkhe bantfu lababenaye lapho babembonye tinhloko tabo, nabo benyuka bakhala.

2 Samuweli 19:4

Inkhosi yambonya buso bayo, yadzatimula yakhala yatsi: “Awu, ndvodzana yami, Absalomu, ndvodzana yami, ndvodzana yami!”

1 Emakhosi 17:7

Ngekuhamba kwesikhatsi, lomfudlana woma, ngobe kwase kute imvula eveni.

2 Emakhosi 18:31

“Inkhosi yase-Asiriya itsi: ‘Ningamlaleli Hezekiya, yentani sivumelwane nami, niphume nite kimi, nguleyo naleyo ndvodza-ke iyawube seyitidlela kahle esivinini sayo, nasemkhiwaneni wayo, inatse nemanti laphuma emtfonjeni wayo,

Esta 6:12

Emvakwaloko Modekhayi wabuyela emphundvwini yendlunkhulu, kodvwa Hamani wabuyela ekhaya kakhe ajabhe, waze wembonya nebuso bakhe ngenca yekudliwa ngemahloni.

Jobe 6:20

Tiyajabha noko, ngobe betetsemba kakhulu, titsi natifika lapho, tijabhe.

Tihlabelelo 109:29

Shangatsi labangimangalelako bangahlazeka, shangatsi emahloni angabambonya njengengubo.

Tihlabelelo 40:14

Bonkhe bantfu labafuna kungibulala abahlazeke basangane. Bantfu labangifisela lokubi abancandzekiswe bahlazekile.

Jeremiya 14:4

Umhlabatsi sewugatukile, ngobe kute imvula eveni: Balimi bayajabha, bambonye buso babo.

Jeremiya 15:18

Kwentiwa yini kutsi iminjunju yami ingapheli, nelinceba lami libe libibitseka, futsi lingelapheki? Vele, kimi utawuba njengemfula lolite yini nanjengemtfombo lote emanti?

Jeremiya 2:13

“Sive sami sente tono letimbili: Singishiyile mine, mtfombo wemanti ekuphila, satimbela ticojana taso emadvwaleni, ticojana letinetimbobo letingeke tiwemise emanti.”

Jeremiya 2:37

Nawe utawusuka kuleyo ndzawo, utawusuka ujabhile, ngobe Simakadze sewubalahlile labo bewukadze ubetsemba, bangeke bakusite ngalutfo.”

Jeremiya 20:11

Kodvwa Simakadze ume ngakimi njengelichawe lemphi lelinemandla; ngako-ke bahluphi bami bayawukhubatela, ngeke baphumelele. Batakwehluleka batseleke ngalelikhulu lihlazo, badliwe ngemahloni langayiwuphindze akhohlakale.

Jeremiya 3:3

Ngako-ke imvula yabanjwa langete lana, kwabate nembodlisamahlanga. Noko waba nelibunti lelomile lebugwababane, wangete wadliwa nangemahloni ngaloko.

Sililo 4:4

Ngenca yekoma, lulwimi lwalabamunyako lunamatsela elwangeni; bantfwana bacela kudla, kodvwa kubete lobapha kona.

Hoseya 2:3

Ngaphandle kwaloko ngitamhlubula abe ngcunu, ngimente abe ngcunu njengamhlazane atalwa; ngitawumenta abe njengelihlane, ngimgucule abe live leligagadzekile, afe ngekoma.

Joweli 1:20

Ngisho netilwane tesiganga tikhalela wena, imifula yemanti seyomile, nemlilo sewuwakhotse onkhe lamadlelo.

Amose 4:7

“Ngaphindze ngabamba imvula, sekusele tinyanga letintsatfu nje kutsi kuvunwe; ngatfumela imvula kulelinye lidolobha, kodvwa ngayibamba kulelinye. Lenye insimi yatfola imvula, lenye yangete yayitfola imvula yaze yoma.

Amose 4:8

Bantfu badzayitela besuka kulelinye lidolobha baya kulelinye, bafunana nemanti, kodvwa abazange bawatfole lenele kutsi banganatsa baze bakholwe; noko anikabuyeli kimi,” kusho Simakadze.

Zakhariya 14:17

Nangabe letinye tive temhlaba tingayi eJerusalema kuyawukhonta iNkhosi, Simakadze longuSomandla, tiyawubate imvula.