Jeremiya 14:22 - Siswati 1996 Bible

²² Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Jeremiya 14:22 Referencias Cruzadas

1 Emakhosi 17:1

Elija waseThishbe, labewekutalwa eThishbe kulakaGileyadi, wakhuluma ku-Ahabi watsi: “Ngelibito laSimakadze, Nkulunkulu lophilako wema-Israyeli, lengimkhontako, ngiyakutjela ngitsi kungeke kube khona ematolo ngisho nemvula kuleminyaka lembalwa letako, kuze kusho mine.”

1 Emakhosi 17:14

Ngobe nguloko lokushiwo nguSimakadze Nkulunkulu wema-Israyeli, utsi: ‘Fulaha losesitjeni angeke aphele, nenseketse yemafutsa ingeke iphele eludziweni, kuze kube lilanga lapho Simakadze ayawunisa khona litulu eveni.’ ”

1 Emakhosi 18:1

Emvakwesikhatsi lesidze, emnyakeni wesitsatfu wesomiso, livi laSimakadze lefika ku-Elija, latsi: “Hamba uyekutiveta ku-Ahabi, ngitawutfumela imvula eveni.”

1 Emakhosi 8:36

wena ubobe sewuyeva usezulwini lakho utsetselele sono setinceku takho, sive sakho, ema-Israyeli. Bafundzise indlela lelungile yekuphila, bese wehlisela imvula eveni labo, lowabapha lona bantfu bakho kutsi libe lifa labo.

Jobe 28:26

nakashayela imvula umtsetfo, abhola indlela yemibane yekudvuma kwelitulu,

Jobe 5:10

Unisa imvula etikwemhlaba, ehlisele emanti etikwematsafa.

Tihlabelelo 130:5

Lusito lwaSimakadze, ngilubheke ngalabovu, umphefumulo wami uyawumlindzela. Ngiyaletsemba livi lakhe.

Tihlabelelo 135:7

Nguye lokhuphula tinkhungu emikhawulweni yemhlaba. Wenta imibane ilandzelwe yimvula. Ukhipha imimoya etingosini takhe.

Tihlabelelo 147:8

Yena losibekela sibhakabhaka ngemafu, alungisele umhlaba imvula, ahlumise tjani etintsabeni.

Tihlabelelo 25:21

Shangatsi bumsulwa nebucotfo bungangigcina, ngobe litsemba lami likuwe.

Tihlabelelo 25:3

Yebo, labo labetsembele kuwe kute namunye loyawuhlazeka; kepha bayawuhlazeka labo labakuhlubuka ngelite.

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 30:23

Utawubuye anitfumelele imvula ngenca yenhlanyelo yenu leseniyihlanyele phansi emhlabatsini, kudla lokuphuma emhlabatsini kutawunona, futsi kube kunyenti. Ngalelo langa tinkhomo tenu tiyawukudla emadlelweni labanti nalaluhlata.

Isaya 41:29

Bukani la, bonkhe balite! Tento tabo tilite; titfombe tabo tingumoya nesiphitsiphitsi.”

Jeremiya 10:12

Kodvwa Nkulunkulu wawudala umhlaba ngemandla akhe lamakhulu; wesekela umhlaba ngekuhlakanipha kwakhe, weneka emazulu ngekucondza kwakhe.

Jeremiya 10:13

Utsi nakabhavumula, emanti asemazulwini advume; ukhuphula emafu emikhawulweni yemhlaba. Utfumela imibane kanye nemvula, akhiphe umoya lohhushako etingungwini takhe.

Jeremiya 10:15

Atinamsebenti walutfo, tintfo nje tekuhlekisa, kuyawutsi nakufika kwehlulelwa kwato, tibhubhe.

Jeremiya 10:3

Ngobe emasiko etive akanamsebenti, bajuba sihlahla ehlatsini, bese kutsi umbati usibata ngelishizolo lakhe,

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Jeremiya 5:12

Bacale emanga ngaSimakadze batsi: “Kute latakwenta! Kute lokubi lokutasehlela, singeke siyibone inkemba nome indlala.

Jeremiya 5:24

Abatekhuti bona batsi: ‘Asesabe Simakadze Nkulunkulu wetfu, lowehlisa timvula tasekwindla netasentfwasahlobo, ngesikhatsi lesifanele; losinika siciniseko ngekutsi sikhatsi sekuvuna sitawufika.’

Jeremiya 51:16

Nakabhavumula yena, emanti asemazulwini ayabhodla, ukhuphula emafu emikhawulweni yonkhe yemhlaba. Utfumela umbane nemvula, akhiphe umoya etingungwini takhe.

Hoseya 2:7

Uyawucoshana nemashende akhe, kodvwa ngeke awakhandze; uyakuwafuna, kodvwa angeke awatfole. Uyawube sewutsi: ‘Ngitawuncandzeka ngibuyele endvodzeni yami yakucala, ngobe ngaleso sikhatsi bekukuhle kakhulu kimi kunanyalo.’

Joweli 2:23

Jabulani, nine sive saseSiyoni, tfokotani kuSimakadze Nkulunkulu wenu, ngobe sewuniphe umfundzisi wekulunga. Unitfumela imvula lenyenti, imvula yasekwindla neyasentfwasahlobo njengakucala.

Amose 4:7

“Ngaphindze ngabamba imvula, sekusele tinyanga letintsatfu nje kutsi kuvunwe; ngatfumela imvula kulelinye lidolobha, kodvwa ngayibamba kulelinye. Lenye insimi yatfola imvula, lenye yangete yayitfola imvula yaze yoma.

Mikha 5:6

Bayakuyehlula bayincobe i-Asiriya, lekulive laNimrodi; yebo, bayakuyibusa ngemkhonto. Ngalendlela siyakuphephiswa kuma-Asiriya, nakahlasela live letfu.

Mikha 7:7

Kodvwa mine ngitakwetsembela kuSimakadze, ngilindzele Nkulunkulu ngesibindzi, ngobe nguye lotangiphephisa. Nkulunkulu wami utangiva.

Matewu 5:45

kuze nitewuba ngemadvodzana eYihlo losezulwini. Ngobe yena uphumisa lilanga lakhe kulababi nalabahle, anise imvula yakhe kulabalungile nalabangakalungi.

Dutheronomi 28:12

“Simakadze uyawuvula emazulu, incolobane yakhe yengcebo, anise imvula eveni lenu ngesikhatsi lesifanele, abusise yonkhe imisebenti yetandla tenu. Niyakwebolekisa etiveni letinyenti, kodvwa nine aniyikweboleka ngisho nakusinye sato.

Dutheronomi 32:21

Bangenta ngaba nesikhwele ngalokungesiye nkulunkulu. Bangitfukutselisa ngetithico tabo letingenamsebenti. Ngiyawubenta babe nemona ngalabo labangesiso sive. Ngiyawubatfukutselisa ngesive lesingenakucondza.