Jeremiya 14:16 - Siswati 1996 Bible

¹⁶ Labantfu labaphrofetha kubo bayawulahlelwa etitaladini taseJerusalema ngenca yendlala nenkemba. Kuyawubate namunye loyawubangcwaba, bona kanye nebafati babo, nemadvodzana nemadvodzakati abo. Ngiyawutfululela kubo inhlekelele lebafanele.

Jeremiya 14:16 Referencias Cruzadas

Taga 1:31

Ngako-ke batawutfola titselo tetindlela tabo, bacunjiswe ngemacebo abo.

Isaya 51:20

Emadvodzana akho acalekile, adzindzibele ekugcineni kwato tonkhe titaladi njengenyamatane ibanjwe elugibeni. Emadvodzana akho ehlelwe yintfukutselo yaSimakadze, ahlaselwa kwekhutwa nguNkulunkulu wakho.

Isaya 9:16

Labo labahola lesive bayasedukisa, nalabo labaholwako bayalahlekiswa.

Jeremiya 16:4

“Bayawukufa babulawe sifo lesibulalanako. Abayiwulilelwa, futsi bangeke bangcwatjwe, kodvwa bayawuba njengemfucuta nje lelahlwe phansi. Bayawubhubha ngenkemba nangendlala, netidvumbu tabo tiyawuba kudla kwetinyoni tasemoyeni kanye nekwetilwane tesiganga.”

Jeremiya 18:21

Ngako-ke nikela bantfwababo endlaleni, banikele emandleni enkemba. Yenta bafati babo bemukwe bantfwababo babe bafelokati, emadvodza abo akabulawe ngesifo lesibulalanako, emajaha abo ajutjwe ngenkemba emphini.

Jeremiya 20:6

Wena-ke Phashuri, nabo bonkhe basekhaya kakho, niyawutfunjelwa eBhabhulona. Niyawufike nifele khona lapho, ningcwatjwe khona, wena kanye nabo bonkhe labangani bakho lophrofethe kubo emanga.’ ”

Jeremiya 27:15

‘Angikabatfumi, baphrofetha emanga egameni lami,’ kusho Simakadze. ‘Ngako-ke ngitanicosha eveni lenu, niyawuze niphele, nine kanye nebaphrofethi labaphrofetha kini.’ ”

Jeremiya 4:18

“Kutiphatsa kwakho netento takho, nguko lokwehlisele loku etikwakho. Lesi sijeziso sakho. Maye, kubuhlungu bo! Maye, kuyayihlaba inhlitiyo bo!”

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Jeremiya 7:33

Tidvumbu talabo bantfu tiyawuba kudla kwetinyoni tasemoyeni nekwetilwane tesiganga; kuyawubate nalokuyatetfusa, aticoshe.

Jeremiya 8:1

“ ‘Simakadze utsi: Ngaleto tikhatsi, ematsambo emakhosi newetindvuna takaJuda, nematsambo ebaphristi newebaphrofethi, nematsambo ebantfu baseJerusalema ayawususwa emadlizeni abo.

Jeremiya 8:2

Ayawukwenekwa elangeni, nasenyangeni, nakuto tonkhe tinkhanyeti tasemazulwini lababekutsandzile, bakusebentela, bakulandzela, bakufuna, bakukhotsamela. Akayiwubutfwa futsi akayiwungcwatjwa, kodvwa ayawuba njengemfucuta yetibi lelahlwe emhlabatsini.

Jeremiya 9:20

Awu, nine labasikati, vanini livi laSimakadze. Vulani tindlebe tenu kuwo emavi laphuma emlonyeni wakhe. Fundzisani emadvodzakati enu kukhihla sililo, fundzisani ngulowo nalowo kulila.

Jeremiya 9:22

Tsani: “Naku lokushiwo nguSimakadze, utsi: “ ‘Tidvumbu temadvodza tiyawulala lunja ematsafeni njengetibi, kube shangatsi ngemabele lajutjiwe, asala ngemvakwalovunako, yebo, emabele lasala ate lowabutsako emvakwalovunako.’ ”

Hezekeli 39:14

“ ‘Kuyawukhetfwa emadvodza latsite kutsi ehle enyuke nalo lonkhe live ahambe angcwaba tonkhe tidvumbu latitfola tidzindzibele eveni, entele kuhlanta live. Kuyawutsi ekupheleni kwaletinyanga letisikhombisa acale kuphenya.

Amose 7:17

“Ngako-ke naku lokushiwo nguSimakadze: “ ‘Umfati wakho uyawuba yingwadla yelidolobha; emadvodzana nemadvodzakati akho ayakufa ngenkemba. Emasimi akho atawulinganiswa, abelwe labanye; wena utakufa, ufele eveni lemahedeni. Israyeli, vele, yena utawutfunjwa, esuswe eveni lakhe lekutalwa.’ ”

Matewu 15:14

Bayekeleni, ngobe ngibo baholi labatimphumphutse; kepha nangabe imphumphutse ihola lenye imphumphutse, totimbili tiyawuwela emgodzini.”

Sembulo 16:1

Ngase ngiva livi lelikhulu liphuma ethempelini litjela tingilosi letisikhombisa litsi: “Hambani niyewutfululela emhlabeni letitja letisikhombisa letinelulaka lwaNkulunkulu.”