Jeremiya 14:15 - Siswati 1996 Bible

¹⁵ Ngako-ke, naku lokushiwo nguSimakadze ngalabaphrofethi labaphrofetha ngelibito lami, utsi: Angizange sengibatfume, noko batsi: ‘Kute inkemba nome indlala letalitsinta lelive.’ Bona labo baphrofethi bayawubhubha ngenkemba nangendlala.

Jeremiya 14:15 Referencias Cruzadas

1 Emakhosi 22:25

Mikhaya waphendvula watsi: “Loko uyawukubona ukwati, mhlazana uhamba sewuyawubhaca ekamelweni lelisekhatsi.”

Jeremiya 20:6

Wena-ke Phashuri, nabo bonkhe basekhaya kakho, niyawutfunjelwa eBhabhulona. Niyawufike nifele khona lapho, ningcwatjwe khona, wena kanye nabo bonkhe labangani bakho lophrofethe kubo emanga.’ ”

Jeremiya 23:30

Simakadze utsi: “Ngako-ke, ngiphambene nebaphrofethi labebelana emavi lekutsiwa akhulunywe ngimi.”

Jeremiya 27:15

‘Angikabatfumi, baphrofetha emanga egameni lami,’ kusho Simakadze. ‘Ngako-ke ngitanicosha eveni lenu, niyawuze niphele, nine kanye nebaphrofethi labaphrofetha kini.’ ”

Jeremiya 6:15

Kantsi banawo yini emahloni ngemanyala abo labawentako? Cha, bate nalamancane nje emahloni, abakwati ngisho nekukhophota. Ngako batakuwela kulabawile, bayawukwehliselwa phansi nangibajezisa,” kusho Simakadze.

Jeremiya 8:12

Kantsi banawo yini emahloni ngalamanyala abo labawentako? Cha, bate nalamancane nje emahloni; abakwati ngisho nekukhophota. Ngako bayakuwela kulabawile, bayakwehliselwa phansi, nabajeziswako, kusho Simakadze.

Jeremiya 8:13

“ ‘Simakadze utsi: Ngiyawususa sivuno sabo, kuyawubate emagelebisi emvinini. Kuyawubate emakhiwa esihlahleni semkhiwa, nemacembe aso ayawubuna. Loko lengabanika kona kuyawutsatfwa kubo.’ ”

Sililo 1:19

“Ngabamemeta labo labangakimi, kodvwa bona bangihlamuka. Baphristi bami, nebaholi bami babhubhela edolobheni, ngesikhatsi balibele kuchwandza kudla batsi betama kutiphilisa.

Sililo 2:20

“Buka, Simakadze, unakisise. Ngubani nje lowake wamphatsa ngalendlela? Kufanele yini bafati badle batukulu babo, bantfwana lababongile babakhulisa? Baphrofethi nebaphristi kufanele yini babulawe bafele endlini lengcwele yaSimakadze?

Hezekeli 13:14

Ngiyakuluhhihlitela phansi lolubondza loluhucwe ngemcakaco, ngiludzilite lube litsafa, kuze tisekelo talo tisale ebaleni. Ngesikhatsi naluwa, nani niyawubhujiswa kulo. Ngulapho-ke niyawukwati khona kutsi mine nginguSimakadze.

Hezekeli 13:15

Ngako lulaka lwami ngiyakulusebentisa ekulweni nelubondza nasekulweni nalabo labaluhuce ngemcakaco. Ngiyawukhuluma kini ngitsi: “Lubondza alusekho, kanjalo nalabo labaluhucile abasekho,

Hezekeli 13:9

Sandla sami siyawumelana nebaphrofethi lababona imibono leyinkhohliso, baphengule lokungemanga. Bangeke babe belibandla lebantfu bami nome babhaliswe etincwadzini tebantfu bendlu yaka-Israyeli, futsi bangeke bangene eveni lema-Israyeli. Ngulapho-ke niyawungati khona kutsi mine ngiyiNkhosi Simakadze.

Hezekeli 14:10

Bayakwetfwala licala labo, lowo mphrofethi uyawuba nelicala ngalokufananako nalowo muntfu labute kuye.

Hezekeli 14:9

“ ‘Nangabe umphrofethi acindzetelekile kutsi aphimisele siphrofetho, ngimi Simakadze lomcindzetele lowo mphrofethi, futsi ngiyakwelula sandla sami ngimelane naye, ngimbhubhise emkhatsini wesive sami, ema-Israyeli.

Hezekeli 33:6

Kodvwa nangabe lomlindzi abona inkemba ita, angayishayi impalampala kwecwayisa bantfu, bese kuta inkemba idle munye wabo, lowo muntfu uyawususwa ngenca yesono sakhe, kodvwa ingati yalowo muntfu ngiyawuyibita kulowo mlindzi.’

Amose 7:17

“Ngako-ke naku lokushiwo nguSimakadze: “ ‘Umfati wakho uyawuba yingwadla yelidolobha; emadvodzana nemadvodzakati akho ayakufa ngenkemba. Emasimi akho atawulinganiswa, abelwe labanye; wena utakufa, ufele eveni lemahedeni. Israyeli, vele, yena utawutfunjwa, esuswe eveni lakhe lekutalwa.’ ”

Mikha 3:5

Sive sami sedukiswa baphrofethi labetsembisa kuthula kulabo lababapha imali, kantsi labo labangabadizeli babetsembisa babasongele ngemphi. Kulabo baphrofethi Simakadze utsi:

Dutheronomi 18:20

Kodvwa umphrofethi lotenta shangatsi ukhuluma ngelibito lami loko lengingakasho kutsi akakukhulume, nome umphrofethi lokhuluma ngelibito lalabanye bonkulunkulu, lowo kufanele abulawe.’

Sembulo 19:20

Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.