Jeremiya 13:22 - Siswati 1996 Bible

²² Nawutibuta utsi: “Loku kwentekeleni kimi?” phela kungenca yetono takho letinyenti, lokutsi tidvwaba takho tidzatjulwe, nemtimba wakho uphatseke kabi.

Jeremiya 13:22 Referencias Cruzadas

Isaya 20:4

kanjalo inkhosi yase-Asiriya iyawuhola baseGibhithe nebaseSudani labatfunjwe bangcunu, bangakafaki lutfo nasetinyaweni, labancane nalabadzala, bayawushwebheta ngetibunu tabo tisebaleni, kube lihlazo laseGibhithe.

Isaya 3:17

Ngako-ke Simakadze utawuveta tilondza etinhloko tebafati baseSiyoni; Simakadze utawucotfula tinhloko tabo, tibe timphandla.”

Isaya 47:8

“Nyalo-ke, lalela, wena mtsandzi wekukhibika, wena lotibusa ngekuvikeleka kwakho, ucabange utsi: ‘Ngimi ngimi, futsi kute lomunye. Ngingeke ngize ngibe ngumfelokati, nome ngive kufelwa bantfwana.’

Jeremiya 13:26

“Ngitawugwabula tidvwaba takho tibuye ebusweni, khona kutewubonakala bungcunu bakho:

Jeremiya 14:16

Labantfu labaphrofetha kubo bayawulahlelwa etitaladini taseJerusalema ngenca yendlala nenkemba. Kuyawubate namunye loyawubangcwaba, bona kanye nebafati babo, nemadvodzana nemadvodzakati abo. Ngiyawutfululela kubo inhlekelele lebafanele.

Jeremiya 5:19

Bantfu nabakubuta, Jeremiya, batsi: ‘Simakadze ukwenteleni konkhe loku kitsi?’ uyawubatjela utsi: ‘Njengobe ningishiyile mine nakhonta labanye bonkulunkulu betive eveni lenu, ngako manje seniyawukhonta betive eveni lekungesilo lenu.’ ”

Sililo 1:8

IJerusalema yone kakhulu, ngaloko seyisinengiso. Bonkhe lababeyihlonipha sebayayedzelela, ngobe sebabubonile bungcunu bayo; yona cobo lwayo iyabubula ifulatsele.

Hezekeli 23:26

Bayawuphindze bakuhlubule timphahla takho batsatse lokwekutihlobisa kwakho lokuligugu.

Hoseya 12:8

Efrayimu uyatigabatisa, utsi: “Nginjinge kakhulu; senginemfuyo lenyenti. Ngalobunjinga bami bonkhe bangeke bakutfole lokubi nome sono kimi.”

Hoseya 2:10

Ngako nyalo sengitabungcunula lobubheva bakhe, embikwemashende akhe abuka; kute lotamephula lapha etandleni tami.

Hoseya 2:3

Ngaphandle kwaloko ngitamhlubula abe ngcunu, ngimente abe ngcunu njengamhlazane atalwa; ngitawumenta abe njengelihlane, ngimgucule abe live leligagadzekile, afe ngekoma.

Hoseya 2:5

Unina abengaketsembeki, wabemitsa ngekwelihlazo, watsi: ‘Ngitawulandzela emashende ami, labo labangipha kudla kwami nemanti ami, insontfo yami, nelineni yami, emafutsa ami kanye nesinatfo sami.’

Nahume 3:5

Simakadze longuSomandla utsi: “Mine ngiphambene nawe, ngitawuphakamisa tidvwaba takho tibheke etulu. Tonkhe tive temhlaba ngitatikhombisa bungcunu bakho, nemibuso yemhlaba ngiyikhombise lihlazo lakho.

Zefaniya 1:12

“Ngaleso sikhatsi ngiyakuyiphenya ngetibane iJerusalema, ngijezise labo labatesutsisako, labafanana neliwayini lelisele emashiceni alo, bacabange batsi: ‘Simakadze angeke ente lutfo, loluhle nome lolubi.’

Dutheronomi 18:21

“Nine-ke ningasho nitsi: ‘Pho, singati kanjani kutsi lelivi alikakhulunywa nguSimakadze?’

Dutheronomi 7:17

“Encenye etinhlitiyweni tenu nitsi: ‘Letive tinemandla kakhulu kunatsi; singaticosha kanjani lapha sitikhiphe?’

Dutheronomi 8:17

Wena ungatitjela utsi: ‘Ngemandla ami netikhwepha temikhono yami letingikhitsitele wonkhe lomcebo.’