Jeremiya 13:19 - Siswati 1996 Bible

¹⁹ Emadolobha aseNegevu ayawuvalwa, futsi kuyawubate loyakuwavula. Juda wonkhe uyawutfunjwa, ayiswe ekudzingisweni, atsatfwe wonkhe.

Jeremiya 13:19 Referencias Cruzadas

2 Emakhosi 25:21

Lapha eRibla, eveni laseHamathi, inkhosi yafike yababulalela khona. Ngako-ke sive sakaJuda satfunjelwa khashane nelive laso.

1 Tikhronike 9:1

Bonkhe bantfu baka-Israyeli babalwa ngekwemindeni yabo, njengobe kubhaliwe encwadzini yemakhosi aka-Israyeli. Sive sakaJuda sona sase sitfunjelwe eBhabhulona ngenca yekungetsembeki kwaso.

Jobe 12:14

Loko lokubhidlitwe nguye, kute longaphindze akwakhe kabusha, umuntfu lamfake ejele angeke akhululwe ngumuntfu.

Jeremiya 17:26

Bantfu bayawuchamuka emadolobheni akaJuda, kanye nasetabelweni letitungelete iJerusalema, naseveni lakaBhenjamini, nasemaceleni angasenshonalanga, naseveni letintsaba, naseNegevu, beta baletsa iminikelo yekushiswa nemihlatjelo, neminikelo yalokutinhlavu, nemphepho kanye neminikelo yekubonga endlini yaSimakadze.

Jeremiya 20:4

Ngobe nguloko lokushiwo nguSimakadze, utsi: ‘Ngitakwenta ube sesabiso ngisho nakuwe cobo lwakho nakubo bonkhe bangani bakho; uyakubabona ngewakho emehlo bawa ngenkemba babulawa titsa tabo. Ngiyawuniketela wonkhe Juda enkhosini yaseBhabhulona, leyawubetfwala iye nabo eBhabhulona nome ibabulale ngenkemba.

Jeremiya 24:1

Emvakwekutsi Jehoyakhini, umsa waJehoyakimu, inkhosi yakaJuda, netindvuna, nebakhandzi betinsimbi kanye nebabati labatingcweti kaJuda sebatfunjiwe eJerusalema bayiswa eBhabhulona nguNebukhadnezari, inkhosi yaseBhabhulona, Simakadze wangibonisa titja letimbili temakhiwa tibekwe embikwelithempeli laSimakadze.

Jeremiya 28:4

Ngitawubuyisa futsi kulendzawo naJehoyakhini, umsa waJehoyakimu, inkhosi yakaJuda, nabo bonkhe labatfunjwa kaJuda bayiswa eBhabhulona, ngobe ngitakulephula lijoko lenkhosi yaseBhabhulona,’ kusho Simakadze.”

Jeremiya 32:44

Emasimi ayawutsengwa ngesiliva, netincwadzisivumelwane tekutsenga tiyawusayinwa, tivalwe ngeluphawu, tibuye tifakazelwe eveni lakaBhenjamini, nasemakhaya lakhelene neJerusalema, nasemadolobheni akaJuda, nasemadolobheni laseveni letintsaba nasemaceleni etintsaba ngasenshonalanga, nasemadolobheni aseNegevu, ngobe ngiyawutibuyisela kubo tibusiso tabo, kusho Simakadze.”

Jeremiya 33:13

Emadolobheni elive letintsaba, newasemahlandzeni ngasenshonalanga neNegevu, newaseveni lakaBhenjamini, nasemitini letungelete iJerusalema, nasemadolobheni akaJuda imihlambi yetimvu neyetimbuti iyawuphindze yendlule ngaphansi kwesandla salowo lotibalako,’ kusho Simakadze.

Jeremiya 39:9

Nebuzaradani, indvuna yabomahlalesangweni benkhosi, watfumba bantfu lababesele edolobheni kanye nalabanye nje bantfu labebasele, wabayisa eBhabhulona kanye nalabo labahlubuke baya kuye.

Jeremiya 52:27

Lapho eRibla, eveni laseHamathi, inkhosi yafike yababulalela khona. Ngako Juda waya ekutfunjweni, khashane nelive lakhe.

Jeremiya 52:28

Leli-ke linani lebantfu labatfunjwa nguNebukhadnezari wabayisa ekudzingisweni: Ngemnyaka wesikhombisa kwaba ngemaJuda lati-3 023;

Jeremiya 52:30

Ngemnyaka wakhe wema-23 kwaba ngemaJuda langema-745 layiswa nguNebuzaradani, indvuna yabomahlalesangweni, ekudzingisweni. Sebabonkhe kwakubantfu labati-4 600.

Sililo 1:3

Emvakwekushaywa nekukhandleka kamatima, Juda sewuyiswe ekutfunjweni. Sewuhlala emkhatsini wetive, akayitfoli indzawo yekuphumula. Bonkhe labacoshana naye sebamkhandzile, bamkhandza asekhatsi elusizini.

Zakhariya 7:7

Akusiwo yini emavi aSimakadze lawo lamenyetelwa ngebaphrofethi bakucala, ngesikhatsi iJerusalema kanye nemadolobha layitungeletile asephumulile, aphumelela lapho khona kwaze kwatinta iNegevu nelihlanze langasenshonalanga?’ ”

Dutheronomi 28:15

“Kodvwa nangabe ningamlaleli Simakadze Nkulunkulu wenu, ningayilandzeli ngekucophelela yonkhe lemiyalo yakhe netimiso takhe lengininika tona lamuhla, tonkhe leticalekiso tiyawukwehlela etikwenu tinehlule:

Dutheronomi 28:52

Tiyawuvimbetela onkhe emadolobha lasaseveni lenu, kuze kuwe naletibondza letindze lenetsembele kuto. Tiyawuvimbetela onkhe emadolobha laseveni lenu Simakadze Nkulunkulu lanipha lona.

Joshuwa 18:5

Lelive kufanele nilisike tigaba letisikhombisa. Sive sakaJuda kufanele sihlale endzaweni yaso eningizimu, bese kutsi sive sakaJosefa naso sibesendzaweni yaso enyakatfo.