Jeremiya 13:18 - Siswati 1996 Bible

¹⁸ Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Jeremiya 13:18 Referencias Cruzadas

2 Emakhosi 24:12

Jehoyakhini, inkhosi yakaJuda, nenina, netinceku takhe, netikhulu takhe, kanye netindvuna takhe bavele baphakamisa tandla bashweleta kuye. Ngemnyaka wesiphohlongo wekubusa kwenkhosi yaseBhabhulona, lenkhosi yatfumba Jehoyakhini, waba siboshwa.

2 Emakhosi 24:15

Nebukhadnezari watfumba Jehoyakhini, wahamba naye waya eBhabhulona. Labanye labatfumba lapha eJerusalema bekungunina wenkhosi Jehoyakhini, nemakhosikati aJehoyakhini, netindvuna takhe kanye nemadvodza lamcoka elive.

2 Tikhronike 33:12

Manase wafunisisa Simakadze asasekuhluphekeni, wafuna lusito lwaSimakadze Nkulunkulu wakhe, watitfoba kakhulu embikwaNkulunkulu waboyisemkhulu.

2 Tikhronike 33:19

Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

2 Tikhronike 33:23

Kodvwa yena akazange afute uyise Manase, ngobe akazange aphendvuke, atitfobe embikwaSimakadze, Amoni wachubeka wadlanga ngebubi bakhe.

Eksodusi 10:3

Ngako-ke boMosi na-Aroni bahamba baya kuFaro, bafike kuye batsi: “Simakadze, longuNkulunkulu wemaHebheru, utsi: ‘Kutawuze kube ngunini seloku wala kutitfoba kimi? Khulula bantfu bami bahambe, khona batewungikhonta.

Eksodusi 39:28

nemishuculo yenhloko, netincotfo tayo, nemibekelo yendvwangu yelineni lecolisakele,

Taga 27:24

ngobe ingcebo ayihlali siphelane, iyaphunyula; ngisho nekubusa kwemakhosi akuhlali kukhona siphelane.

Isaya 3:20

nemaduku enhloko, netigcoko, nebuhlalu basemacakaleni, nemijijimba, nemabhodlela emakha, nabomdvonseni,

Isaya 3:26

Emasango aseSiyoni ayawukhala alile, lidolobha selisiganga, yebo, bantfu balo batawuhlala phantsi emhlabatsini.

Isaya 47:1

Simakadze utsi: “Yehla, uhlale elutfulini, wena Ndvodzakati yaseBhabhulona. Hlala emhlabatsini, ungasahlali esihlalweni sebukhosi, Ndvodzakati yebaseBhabhulona. Awusayikubitwa ngekutsi ungulobutsakatsaka nalotsambile.

Jeremiya 22:24

Simakadze utsi: “Kuphila kwami, ngisho nawe Jehoyakhini, msa waJehoyakimu, inkhosi yakaJuda, bewuyindandatho yeluphawu esandleni sami sekudla, nanyalo ngisengakudvonsa ngikususe.

Jeremiya 22:26

Wena nenyoko lowakutala ngitanikhukhulela kulelinye live, lapho ningatalelwanga khona nobabili, ngulapho niyawufela khona.

Jeremiya 29:2

Lapha kwakusemuva kwenkhosi Jehoyakhini, nendlovukazi, nebatsenwa, nebaholi bakaJuda nebaseJerusalema, nebakhandzi betinsimbi kanye nebabati labatingcweti sebatfunjiwe bayiswa ekudzingisweni besuswa eJerusalema.

Jeremiya 36:16

Batsi nabaweva onkhe lamavi, babukana bodvwana betfukile, bakhuluma kuBharuki batsi: “Kufanele siwabikele inkhosi onkhe lamavi.”

Sililo 1:6

Bonkhe lobucwebecwebe sebunyamalele kuyo iNdvodzakati yaseSiyoni. Babusi bayo bafanana netinyamatane letilambako; letibaleka ngekutayiya, natibalekela batingeli bato.

Sililo 1:9

Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”

Sililo 2:10

Babusi beNdvodzakati yaseSiyoni bahlala phansi bathule, batsele lutfuli etinhloko tabo, bembatse emasaka. Emantfombatana aseJerusalema atfobile, abhekisa tinhloko tawo phansi.

Sililo 5:16

Umchele udzilikile etinhloko tetfu. Maye kitsi! Ngobe sonile.

Hezekeli 16:12

ngakufaka indandatho ekhaleni lakho, nemacici etindlebeni, nemchele lomuhle enhloko yakho.

Hezekeli 21:26

naku lokushiwo yiNkhosi Simakadze, itsi: Khumula lomshuculo wenhloko, ususe lomchele. Kungeke kube njengaloko kwakunjalo: Lotfobekile uyawuphakanyiswa, lophakeme ehliswe.

Hezekeli 24:17

Bubula nje uthule; ungamlileli lowo lofile. Umshuculo wakho awuhlale uboshelwe enhloko, netincabule takho tihlale etinyaweni takho; ungalimbonyi lingentansi lebuso bakho, futsi ungakudli kudla kwelisiko kwalabalilako.”

Hezekeli 24:23

Imishuculo yenu nitakuyiyekela ibesetinhloko tenu netincabule tenu tisetinyaweni tenu. Ningeke nizile nome nilile, kodvwa niyawukondza ngenca yetono tenu, nibubule lomunye kulomunye.

Hezekeli 44:18

Kufanele bashucule ngemishuculo yelineni etinhloko tabo, netimphahla tabo tangaphansi tibe telineni etinkhalo tabo. Akukafaneli bembatse nome ngabe yini letabenta bajuluke.

Danyela 5:20

Kodvwa watsi kube inhlitiyo yakhe ibe nekutigcabha yaba lukhuni ngenca yekutigcabha, wehliswa esihlalweni sakhe sebukhosi, wemukwa ludvumo lwakhe.

Jona 3:6

Letindzaba tatsi natifika enkhosini yaseNineve, yasukuma esihlalweni sayo sebukhosi, yakhumula ingubo yayo yebukhosi, yatembonya ngendvwangu yemasaka, yahlala phansi emlotseni.

Matewu 18:4

Ngako-ke wonkhe muntfu loyawutitfoba njengalomntfwana, nguye lomkhulu embusweni welizulu.

YaJakobe 4:10

Titfobeni embikweNkhosi, yona-ke iyawuniphakamisa.

1 yaPhetro 5:6

Ngako-ke titfobeni ngephansi kwesandla lesinemandla saNkulunkulu, kuze ateniphakamisa ngesikhatsi lesifanele.