Jeremiya 13:14 - Siswati 1996 Bible

¹⁴ Ngitabashayanisa lomunye kulomunye, boyise nemadvodzana ngalokufananako, kusho Simakadze. Ngingeke ngisivumele sihe nome sihawu nome luvelo kutsi kungivimbele ngingababhubhisi.’ ”

Jeremiya 13:14 Referencias Cruzadas

2 Tikhronike 20:23

Emadvodza aka-Amoni newakaMowabi atselekela lawa aseNtsabeni iSeyiri kutsi atekuwabulala awacedze nya. Atsi kube acedze kubulala lawa aseSeyiri, ajika abulalana odvwa.

Jobe 27:22

Lomoya utijikijela etikwakhe ungasenamusa kuye, agijime ashiye inyosi abalekela emandla awo.

Tihlabelelo 2:9

ubaphahlate ngentfonga yensimbi, ubaphihlite njengeludziwo lwembumbi.”

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Jeremiya 15:5

“Awu Jerusalema, ngubani lotakuhawukela? Ngubani lotakulilela? Ngubani loyakuma akubute kutsi unjani?”

Jeremiya 15:6

Simakadze utsi: “Ungilahlile mine. Ulibele kuchubeka nekuhlubuka. Ngako ngitawubeka tandla tami etikwakho, ngikubhubhise, ngingeke ngisaba nesihe kuwe.

Jeremiya 16:5

Ngobe naku lokushiwo nguSimakadze, utsi: “Ungangeni endlini lapho kunekudla kwemngcwabo, ungayi khona kuyawukhala, nome ukhombise kuvelana nabo, ngobe sengisisusile sibusiso sami, nelutsandvo lwami kanye neluvelo lwami kulabantfu,” kusho Simakadze.

Jeremiya 21:7

Simakadze utsi: Emvakwaloko Sedekiya, inkhosi yakaJuda, netindvuna tayo, nebantfu balelidolobha labayawusindza kulesifo lesibulalanako, nenkemba, nendlala, ngiyakubanikela kuNebukhadnezari, inkhosi yaseBhabhulona, nasetitseni tabo letifunana nemphilo yabo. Uyawubabulala ngenkemba, angabi naso nakancane nje sihawu, nesihe kanye neluvela.’ ”

Jeremiya 25:16

Titawutsi tingalinatsa, bese tiyadzayitela, tihlanye, ngenca yenkemba lengitayitfumela emkhatsini wato.”

Jeremiya 47:3

nabeva umsindvo wetinselo temahhashi akhe, nebukhehlekhehle betincola takhe temphi, nemsindvo wemasondvo ato. Boyise bangeke baphendvuke babasite bantfwababo, ngobe tandla tabo tiyawulenga.

Jeremiya 48:12

Simakadze utsi: “Kodvwa ayeta emalanga, lapho ngiyawutfumela emadvodza latfululanako etindziweni, naye ayakumcitsa, ayawutfulula tindziwo takhe abhidlite letimbita takhe phansi.

Jeremiya 6:21

Ngako-ke naku lokushiwo nguSimakadze, utsi: “Ngiyawubeka emavimbandlela embikwalesive. Boyise kanye nemadvodzana bayawukhutjwa kuwo, bomakhelwane kanye nebangani bayawubhubha.”

Sililo 2:21

“Labasha nalabadzala kulale lunja kanyekanye elutfulini lwetitaladi; emajaha ami netintfombi tami kuwe ngelusiko lwenkemba. Ubabhubhisile ngelilanga lentfukutselo yakho; ubabulale ngenkemba ungenasihawu nabo.

Hezekeli 24:14

“ ‘Mine Simakadze sengikhulumile. Sikhatsi sami sesifikile sekutsi ngikwente. Ngingeke ngisatibamba; ngingeke ngisaba nesihawu, futsi nenhlitiyo yami ingeke isabohla. Uyakwehlulelwa ngangekutiphatsa kwakho nangekwetento takho, kusho iNkhosi Simakadze.’ ”

Hezekeli 7:3

Siphetfo nyalo sesifikile kuwe, ngiyawutfululela lulaka lwami etikwakho. Ngiyakukwehlulela njengekutiphatsa kwakho, ngikukhokhele ngangekwetento takho tonkhe letinengekako.

Hezekeli 7:4

Angiyikukubuka ngesihawu, nome ngikushiye, ngempela ngiyakukubuyisela njengekutiphatsa kwakho nangaletinengiso letisemkhatsini wenu. Ngulapho-ke niyawukwati khona kutsi mine nginguSimakadze.

Hezekeli 7:9

Ngingeke ngikubuke ngesihawu nome ngikushiye, ngitakukhokhela njengekutiphatsa kwakho nangaletinengiso letisemkhatsini wenu. Khona-ke utawube sewuyati kutsi mine Simakadze ngimi lona logalela ngalendvuku.

Hezekeli 8:18

Ngako-ke ngitawubesukela ngente kubo njengekwentfukutselo yami; ngingeke ngibabuke ngemehlo esihawu, futsi ngeke ngibayekele. Nome bangamemeta badzatimule etindlebeni tami, ngingeke ngibeve.”

Hezekeli 9:10

Ngako ngingeke ngibabuke ngemehlo esihawu, futsi ngeke ngibayekele, kodvwa ngiyakwehlisela etinhloko tabo loko labakwentile.”

Hezekeli 9:5

Ngatsi ngisalalele, watsi kulaba labanye: “Nani mlandzeleni kulo lonkhe lelidolobha nibulale, ningabuki muntfu ngesihawu, ningabi naluvelo.

Hoseya 2:4

Ngingeke ngibahawukele labantfwana bakhe, ngobe babantfwana bebugwadla.

Zakhariya 11:6

“Ngobe ngingeke ngisaba nesihawu kubantfu balelive,” kusho Simakadze. “Ngiyawunikela ngulowo nalowo esandleni samakhelwane wakhe nesenkhosi yakhe. Bayakulicindzetela live, nami futsi ngingeke ngibephule etandleni tabo.”

Matewu 10:21

“Kepha umuntfu uyawunikela umnakabo ekufeni, neyise umntfwanakhe; bantfwana bayawuvukela batali babo babanikele ekufeni.

Makho 13:12

Umuntfu uyawunikela umnakabo ekufeni, neyise umntfwanakhe, bantfwana bayawuvukela batali babo bababulalise.

Dutheronomi 29:20

Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.

1 Samuweli 14:16

Tinhloli takaSawula tatsi tiyabuka tiseseGibeya kulakaBhenjamini, tabona emabutfo emaFilisti asakateka yonkhe indzawo.