Jeremiya 13:13 - Siswati 1996 Bible

¹³ ubobatjela, utsi: ‘Naku lokushiwo nguSimakadze, utsi: Bonkhe labahlala lapha eveni ngitawubagcwalisa ngekudzakwa, kanye nemakhosi lahlala esihlalweni sebukhosi saDavide, nebaphristi, nebaphrofethi, nabo bonkhe labahlala eJerusalema.

Jeremiya 13:13 Referencias Cruzadas

Tihlabelelo 60:3

Sive sakho usibonise tintfo letimatima, wasinatsisa liwayini sadzakwa, saba ngumhlaba.

Tihlabelelo 75:8

Ngobe esandleni saSimakadze kunendzebe, leneliwayini lelibile laze laloya; ulinatsisa bonkhe lababi bemhlaba baliminyele, ngisho nenseketse yalo.

Isaya 29:9

Yetfukani nimangale, banini timphumphutse nibe ngulabangenamehlo, dzakwani, kodvwa hhayi ngenca yeliwayini, yendzani, kodvwa ningayendziswa tjwala.

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Isaya 51:17

Vuka, vuka, sukuma, wena Jerusalema, wena lonatse esandleni saSimakadze indzebe yentfukutselo yakhe, wena lominyele sinatfo lesiseludziweni lesenta bantfu badzayitele.

Isaya 51:21

Ngako-ke, vani naku, wena lohlushwako, nalosadzakisiwe, kodvwa hhayi ngeliwayini.

Isaya 63:6

Ngagcobagcoba tive ngentfukutselo yami; ngelulaka lwami ngatenta tadzakwa, ngatfululela ingati yato emhlabatsini.”

Jeremiya 13:12

“Khuluma kubo utsi: ‘Naku lokushiwo nguSimakadze Nkulunkulu wema-Israyeli, utsi: Leso naleso sikhumbasikhwama kufanele sigcwaliswe ngeliwayini.’ Nabakhuluma kuwe, batsi: ‘Asati yini tsine kutsi leso naleso sikhumbasikhwama kufanele sigcwaliswe ngeliwayini?’

Jeremiya 25:27

“Uyawubatjela-ke utsi: ‘Naku lokushiwo nguSimakadze Somandla, longuNkulunkulu wema-Israyeli, utsi: Natsani, nidzakwe, nihlante, bese niyawa ningaphindzi nivuke, ngenca yenkemba lengitayitfumela emkhatsini wenu.’

Jeremiya 25:29

Bukani, sengiyacala kwehlisela inhlekelele kulelidolobha lelineLibito lami, ngempela kungenteka yini kutsi nihlale ningajeziswa? Ningeke nihlale ningajeziswa, ngobe sengibita inkemba etikwabo bonkhe labahlala emhlabeni, kusho Simakadze Somandla.’

Jeremiya 51:57

Ngiyawudzakisa tindvuna tayo kanye nalabahlakaniphile bayo, nebabusi bayo, netiphatsimandla tayo, kanye nemabutfo ayo nawo. Bayawulala kokuphela bangaphindzi bavuke,” kusho iNkhosi, lelibito layo kunguSimakadze longuSomandla.

Jeremiya 51:7

IBhabhulona bekuyindzebe yegolide esandleni saSimakadze; yadzakisa wonkhe umhlaba. Tive tanatsa liwayini layo, ngako manje setiyahlanya.

Habakhuki 2:16

Wena uyawudliwa ngemahloni esikhundleni sekudvunyiswa. Manje-ke selitfuba lakakho! Natsa nawe, ungcunuleke! Lendzebe lesuka esandleni saSimakadze sangasekudla seyijikela ngakuwe, nelihlazo liyawumbonya ludvumo lwakho.