Jeremiya 12:13 - Siswati 1996 Bible

¹³ Bayawuhlanyela kolo, kodvwa bavune emanyeva; bayawutikhandla, kodvwa bangazuzi lutfo ngako. Ngako yetfwalani lihlazo ngesivuno senu, ngenca yentfukutselo leyesabekako yaSimakadze.”

Jeremiya 12:13 Referencias Cruzadas

Tihlabelelo 78:62

Sive sakhe wasinikela enkembeni, walitfukutselela lifa lakhe.

Isaya 55:2

Niyicitselani imali kuloko lokungesiso sinkhwa? Niyisebentelani intfo lengenelisi? Lalelani, lalelani kimi, nidle loko lokulungile, nemphefumulo wenu uyawujabula ngekudla lokumnandzi kakhulu.

Jeremiya 17:10

“Mine Simakadze ngiphenya inhlitiyo, ngihlolisise nengcondvo, kuze ngimvuze umuntfu njengekwekutiphatsa kwakhe nanjengekwemisebenti yakhe.”

Jeremiya 4:26

Ngatsi ngiyabuka, ngakhandza lelive lelalivundzile selilihlane, onkhe emadolobha alo abesatindzala embikwaSimakadze, embikwentfukutselo yakhe leyesabekako.

Jeremiya 9:5

Umngani uyenga bangani, kute namunye lokhuluma liciniso. Bafundzise tilwimi tabo kukhuluma emanga; bayatiphuphisa bona ngekwenta sono.

Hoseya 8:7

“Bahlanyela umoya bavune siwunguwungwana. Luhlanga alunaso sishakato; lungeke lusivete sivuno. Kube belungatsela tinhlavu, betive bebangaluphanga.

Levithikusi 26:16

ngiyawunijezisa nganaku: Ngiyawunehlisela kutfutfumela lokwesabekako, netifo letingelapheki, nemikhuhlane lephumphutsekisa emehlo, nginente nihusheke. Niyawulima nihlanyelele lite, ngobe titsa tenu tiyawunehlula tidle konkhe loko kudla.

Levithikusi 26:20

Konkhe kusebenta kwenu kamatima kungeke kunibuyisele lutfo, ngobe emasimi enu angeke abe nesivuno, netihlahla tingeke titsele titselo.

Mikha 6:15

“Niyawuhlanyela, kodvwa aniyiwuvuna. Niyawuhluta emafutsa etitselweni tawo, kodvwa aniyikuwasebentisa. Niyawuphisa liwayini, kodvwa ningalinatsi.

Habakhuki 2:13

Kungabe kambe Simakadze longuSomandla akakumisi yini engcondvweni yakhe kutsi kushikashikeka kwebantfu kungemafutsa nje ekubhebhetela umlilo, nekutsi tive tishikashikeke, titikhandlekele lite?

Hagayi 1:6

Nihlanyele kakhulu, navuna kuncane. Niyadla, anesutsi; niyanatsa, kodvwa anikholwa. Niyembatsa, kodvwa anifutfumali. Niyahola imali yenu, niyifake esipatjini lesinetimbobo.”

Hagayi 1:9

“Benilindzele sivuno lesikhulu, kodvwa navuna kuncane. Loko lenikubuyise ekhaya ngikuphuphutsile, kwahamba. Leni?” kusho Simakadze longuSomandla. “Ngenca yendlu yami lesolomane ihleti itindzala, ngalesikhatsi lapho kungulowo nalowo wenu aphishaneke ngeyakhe indlu.

KubaseRoma 6:21

Natfolani-ke ngekwenta leto tintfo leseninemahloni ngato nyalo? Phela siphetfo saleto tintfo kufa!

Dutheronomi 28:38

“Niyawuhlanyela inhlanyelo lenyenti kabi emasimini enu, kodvwa niyawuvuna sivuno lesincane, ngobe sikhonyane siyawutidla tonkhe leto tilimo.