Jeremiya 12:12 - Siswati 1996 Bible

¹² Etikwawo onkhe emadvundvu latingagadvu babhubhisi bayawunyakatela, ngobe inkemba yaSimakadze iyawubadla bantfu, kusukela ngala kwelive kuye ngale kwalo, kute namunye loyawusindza.

Jeremiya 12:12 Referencias Cruzadas

Isaya 34:6

Inkemba yaSimakadze icwiliswa engatini, inemanoni yonkhe indzawo, igcwele ingati yemazinyane etimvu, nengati yetimbuti, nemanoni lesuka etinsweni tetihhanca. Ngobe Simakadze unemhlatjelo eBhosra nekuhlaba lokukhulu kulaka-Edomu.

Isaya 57:21

“Kute kuthula kulababi,” kusho Nkulunkulu wami.

Jeremiya 15:2

Nabakubuta, batsi: ‘Sitawuyaphi?’ batjele utsi: ‘Naku lokushiwo nguSimakadze, utsi: “ ‘Labo labamiselwe kufa, ekufeni; labo labamiselwe inkemba, enkembeni, labo labamiselwe indlala, endlaleni, labo labamiselwe kutfunjwa, ekutfunjweni.’ ”

Jeremiya 16:5

Ngobe naku lokushiwo nguSimakadze, utsi: “Ungangeni endlini lapho kunekudla kwemngcwabo, ungayi khona kuyawukhala, nome ukhombise kuvelana nabo, ngobe sengisisusile sibusiso sami, nelutsandvo lwami kanye neluvelo lwami kulabantfu,” kusho Simakadze.

Jeremiya 25:11

Lonkhe live liyawusala lilihlane lelikhala libhungane, naletive tiyawukhonta inkhosi yaseBhabhulona iminyaka lengema-70.

Jeremiya 3:2

“Phakamisela emehlo akho etulu eticongweni letingenalutfo, ubone. Ikhona yini indzawo lapho bangazange sebakulale khona? Njengalondzindzako ehlane, wahlala eceleni kwemgwaco ulindzele tiphingi. Ulingcolisile lelive ngebugwadla bakho nangekukhohlakala kwakho.

Jeremiya 3:21

Kuvakala sililo etindzaweni letiphakeme letingamili lutfo, yebo, kukhala nekuncenga kwesive saka-Israyeli, ngobe siphambukise tindlela taso, samkhohlwa Simakadze Nkulunkulu waso.

Jeremiya 30:5

“Naku lokushiwo nguSimakadze, utsi: “ ‘Kuvakala kukhala kwekwesaba, kwekwetfuka, hhayi kwekuthula.

Jeremiya 34:17

“Ngako-ke, naku lokushiwo nguSimakadze, utsi: Anikangilaleli; anikayimemeteli inkhululeko yebantfu bakini. Ngako manje sengimemetela ‘inkhululeko’ yenu, kusho Simakadze, ‘inkhululeko’ yekubulawa ngenkemba, nangesifo lesibulalanako kanye nangendlala. Ngiyawunenta nenyanyeke kuyo yonkhe imibuso yemhlaba.

Jeremiya 4:27

Naku lokushiwo nguSimakadze, utsi: “Live lonkhe litawuphundleka, noko ngingeke ngilibhubhise liphele nya.

Jeremiya 46:10

Kodvwa lelo langa ngilo lilanga laSimakadze, Simakadze longuSomandla, lilanga lemphindziselo, lekutiphindzisela etitseni takhe. Inkemba itawudla idzimate yesutse, idzimate ikucedze ngekudla ingati koma kwayo. Ngobe Simakadze, Simakadze longuSomandla, utawunikela ngemhlatjelo eveni lasenyakatfo, ngasemfuleni iYufrathe.

Jeremiya 47:6

“Nikhala nitsi: ‘Awu, nkemba yaSimakadze, uyawudzimate uphumule nini? Buyela emgodleni wakho; sale uma ubindzise.’

Jeremiya 48:2

IMowabi ayisayiwuphindza idvunyiswe; eHeshboni emadvodza ayawuyakhela emasu ekuyiwisa atsi: ‘Buyani sitewusicedza lesive, singaphindzi sibe sive.’ Nawe futsi wena Madmeni, uyawubindziswa, uyawuvalwa umlomo, uyawube ucoshwa yinkemba.

Jeremiya 8:15

Besetsembe kuthula, kodvwa kute lokuhle lokufikile, besetsembe sikhatsi sekuphiliswa, kwefika lokwesabisako kodvwa nje.

Sililo 3:17

Ngidlelelwe kuthula, ngadzimate ngakhohlwa nekutsi kuyini kuphumelela.

Hezekeli 14:17

“Nome kube bengingaletsa inkemba ngitewumelana nalelo live ngitsi: ‘Lenkemba ayidzabule kulo lonkhe lelo live,’ ngibulale bantfu balo netilwane talo,

Hezekeli 21:28

“Wenka-ke, ndvodzana yemuntfu, phrofetha, utsi: ‘Naku lokushiwo yiNkhosi Simakadze ngema-Amoni nangetinhlamba tawo, utsi: “ ‘Inkemba, inkemba, ikhokhelwe kugwaza, ilolongelwe kutsi ibhubhise, nekutsi imanyatele njengembane.

Hezekeli 21:4

Njengobe ngitawubesusa kuwe labalungile nalababi, inkemba yami itawuphuma emgodleni wayo, iphumele kubo bonkhe bantfu kusukela eningizimu kuye enyakatfo.

Hezekeli 21:8

Livi laSimakadze lefika kimi, latsi:

Hezekeli 21:9

“Ndvodzana yemuntfu, phrofetha utsi: ‘Naku lokushiwo nguSimakadze, utsi: “ ‘Inkemba, inkemba, leloliwe nalelolongiwe,

Hezekeli 5:2

Ngesikhatsi nakuphelela emalanga ekuvinjetelwa, shisa incenye yesitsatfu yaletinwele ngemlilo ekhatsi edolobheni. Tsatsa lenye incenye yesitsatfu uyisakate ngenkemba yonkhe indzawo edolobheni. Lencenye lenye yesitsatfu uyisakatele emoyeni. Ngobe ngitabacosha ngenkemba.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.

Amose 9:4

Nome bangatfunjwa titsa tabo, nakhona lapho ngiyawuyala inkemba kutsi ibabulale. Emehlo ami ngiyakuwanamatselisa kubo, kube kubi kubo, kungabi kuhle.”

Zefaniya 2:12

“Nani futsi, maKushe, niyawubulawa ngenkemba yami.”

Dutheronomi 32:42

Imicibisholo yami ngiyakuyenta idzakwe yingati, ngesikhatsi inkemba yami idla inyama, ingati yalabagwaziwe nalabatfunjiwe, tinhloko tebaholi betitsa.’ ”

Sembulo 6:4

Kwaphindze kwatsi chamu lihhashi lelibovu. Lowo labeligibele wavunyelwa kutsi ayewususa kuthula emhlabeni, kuze bantfu babulalane bodvwana; wanikwa inkemba lenkhulu.