Jeremiya 11:16 - Siswati 1996 Bible

¹⁶ Simakadze wakubita ngekutsi wena usihlahla semncumo lesikhula kahle, lesitsela titselo letihle impela. Kodvwa ngekubhodla kwesivunguvungu lesinemandla uyakusilumeka ngemlilo, emagala aso ayakwephuka.

Jeremiya 11:16 Referencias Cruzadas

Jobe 8:16

Umuntfu lonjalo ufanana nesitjalo lesiniselwa kahle kantsi siselangeni, senabisela imiliba yaso kuyo yonkhe insimi.

Tihlabelelo 52:8

Kodvwa-ke mine ngifana nesihlahla lesiluhlata, nemncumo losendlini yaNkulunkulu. Umusa waNkulunkulu lomile ngetsembele kuwo phakadze naphakadze.

Tihlabelelo 80:16

Labawujubile bawushisa ngemlilo, bayawubhujiswa kubhekwa buso bakho.

Tihlabelelo 80:17

Kodvwa shangatsi sandla sakho singamlondvolota, lowo longasesandleni sakho sekudla. Ngiyo indvodzana lotikhulisele yona.

Tihlabelelo 83:2

Ase ubuke nje, titsa takho tiyaphitsitela, nalabo labakutondzako bayakucoloshela.

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Jeremiya 2:21

Bengikuhlanyele njengemvini welikhetselo, weluhlobo lolucinile nalolwetsembekile. Pho, ungigucukele kanjani lokutsi bese uba ngumvini lokhohlakele longewesiganga?

Jeremiya 21:14

Ngitanijezisa njengobe nifanelwe tento tenu. Emahlatsi enu ngitawokhela ngemlilo lotawucotfula konkhe lokusedvute nani, kusho Simakadze.’ ”

Jeremiya 7:20

“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.

Hoseya 14:6

emahlumela akhe ayawukhula. Bukhatikhati bakhe bube njengesihlahla semncumo, emakha akhe afanane nemsedari waseLebanoni.

Matewu 3:10

Nanyalo lizembe libekiwe etimphandzeni tetihlahla, ngako-ke sihlahla lesingatseli titselo letihle siyajutjwa sifakwe emlilweni.

Johane 15:6

Umuntfu longahlali kimi, uyawulahlwa ngephandle njengeligala, abune, ome, kufike bantfu batfote lamagala bayekuwabasa emlilweni, lapho afike ashe khona.

Dutheronomi 28:40

Niyawuba netihlahla temncumo yonkhe indzawo kulelive lenu, kodvwa aniyikuwasebentisa emafutsa ato, ngobe letitselo tato tiyawuhhohloka.

Sembulo 11:4

Labofakazi lababili bayimincumo lemibili, netibane letimbili letime embikweNkhosi yemhlaba.